محتاج رايكم ضروري جدا جدا جدا

المشاركة الأصلية كتبت بواسطة powerofdream ياريت ياجماعة محدش يعيب في اي عربية الا عن تجربة , لان العربية مع احد افراد العائلة 1600 cc , وتحفة جدا جدا جدا وكمان مش شرط ان حد جربها ولاقها وحشة يبقي الباقي وحش بتبقي انواع وانواع ياريت ناخد بالنا اووي وبعدين فيها ايه انه نزل من مرسيدس لتيجو مش ممكن التيجو تبقي معاه افضل

حضرتك لو جربت ال 2000cc وجربت ال 1600cc هتلاحظ فرق كبير جدا فى الاداء

[mhamdy75]

المشاركة الأصلية كتبت بواسطة santafa حضرتك لو جربت ال 2000cc وجربت ال 1600cc هتلاحظ فرق كبير جدا فى الاداء

أنا معايا 2000 أتوماتيك

وأعتقد إن ال 1600 ممتازة أيضاً

لو قارناها بوزن وموتور النيفا

[مينتشو]

اعتقد والله اعلم ان خضرتك لو هتغير المرسيدس يبقى تجيب جيب شيروكى مستعمل وممكن تبيقى موديل 2000 او 2001 الشيروكى حوت ويستحمل السفر وخفيف قوى فى البيع
هذه وجه نظرى المتواضعه وفقق الله لما هو فيه الصالح لك وشكرا

[MmFFoR]

انا قبل ما بدي نصيحة ببقى حذر جدا جدا علشان ممكن شخص يقع في مشكلة بسبب نصيحتي دي
عموما المرسيدس عربية جميلة و موديل 1088 ميعتبرش قديم بالشكل يعني للمرسيدس
بس انت وضحت عيوب معينة في الموديل اللي معاكوا بالذات انها متعبة في القيادة - التكييف لا يعمل - مانيوال و انتو عايزين اوتو

النيسان صني سيارة تحقق كل ده لان فيها مانيوال - سيارة قوية و بتاعة سفر - مريحة في القيادة - جودة تصنيع و خامات ممتازة مش حتحس بفرق كبير لما تنزل من المرسيدس للنيسان - عيبها ان الكنبة الخلفية خارج نطاق المنافسة مقارنة بالمرسيدس طبعا - حتحس انها علبة كبريت
فلو السيارة استخدام شخصي او اسرة صغيرة يبقى نيسان صني اوتو

لو انت مصر على التيجو فانا بقولك التيجو عربية جميلة و اعتمادية و الفتيس الاوتو بتاعها لم تظهر به مشاكل حتى الان و هو استيبترونيك حديث و موتور ال 2000 تكنولوجيا نمساوي باداء راقي
حتحس ببعض المشاكل من عيوب تجميع يتم علاج معظمها في الصيانات الاولى- الخامات طبعا لن تقارن بالمرسيدس
عموما خامات السيارات الحديثة بتبقى اقل جودة من السيارات القديمة

[aly zafer]

هل المرسيدس e200 الزلمكة؟ لو كذلك فالاحسن تركيب تكييف لها والصرف عليها شوية ومش حتلاقى عربية احسن منها فى جميع الصينى