|
#6
25-01-2010, 07:22 AM
|
||||
|
||||
رد: أدب الرحلات
هههههههههههههه ptmnlo123per145 جامدة اخر واحدة وسته وسبعه فى المشاركه الاولى بصراحة مواقف كوميديه جداً
لاء بجد انت موهوب فى الكتابه الكوميدية يا اما شخصية كوميديه وحظك عجيب شويتين علشان تحصلك كل المواقف ديه ptmnlo123per112 تسلم ايدك يا باشا و أضحك الله سنك  
|
|
#7
26-01-2010, 04:12 AM
|
||||
|
||||
رد: أدب الرحلات
|
|
#8
26-01-2010, 04:50 AM
|
||||
|
||||
|
رد: أدب الرحلات
طيب خد دى
انا بشتغل فى تجارة العطور وفى يوم اخدت العربية انا ومعايا السواق وواحد من الموظفين معايا وكان ايامها فى معارك بين الجماعات الاسلامية فى اسيوط والمنيا والشرطة فى سنة 2000 وكان معانا من ضمن البضاعة زجاجة برفان شبه القنبلة بالظبط ومحطوطة فى صندوق خشب وعلى قش كانها قنبلة بالظبط وكان فى زبون طالب منها دستتين واخدينهم له ودخلنا على كمين وفوجئت بالظابط بيقول عايزين نفتش العربية وكأى مواطن محترم قلتله اتفضل راح منزلنا كلنا من العربية وقعد يفتشها حتة حتة وبعدين طلب فتح الشنطة فتحناها وبيضرب عينه شاف الصناديق الخشب الصغيرة فتح واحد وصرخ بصوت عالى /// ايه ده انتو معاكو قنابل فانا قلت ف عقل بالى الراجل ده مبيشوفش والا ايه قنابل ايه؟؟ لكن فوجئت بالعساكر جريو عليا ومش عارف اشمعنى انا يعنى معبروش ال2 اللى معايا وكل واحد فيهم سحب المدفع الرشاش اللى معاه ولقيت واحد فى رقبتى والتانى فى بطنى والتالت ف جنبى والرابع فى الجنب التانى اه والله العظيم الكلام د ه حصل فلما الجو اتكهرب قلتله ياباشا دى مش قنبلة فصرخ صرخة اعلان زعيم افريقى للحرب على قبائل الهوتو / اررررررررررررجع وفوجئت بالعساكر شدو اجزاء يعنى لو واحد فيهم كح او عطس مبقاش فيه خالد (تقولش الناصر صلاح الدين) وفضلت ساكت وقاطع النفس وانا محاصر وشايف ال 2 الموظفين عندى واقفين بعيد وبيشربو سجاير والرعب ماليهم رغم ان المدافع مش موجهة ليهم وبعد 50 دقيقة مرت كأنها خمسين سنة والباشا عمال يجرب ويلخلخ الغطا بالراااااااحة ويرش على العربية ويرش على نفسه ويشم من بعيد وبعد 50 دقيقة كنت انا اتخشبت من منظر المدافع بص لى بغلا سة وقال زى مقال احد الفلاسفة بعد اكتشاف عظيم / دى ازازة ريحة مش تقول ياراجل شيبتنا ووقعت قلبنا قلتله /// ده انا اللى وقعت قلبك فبص بغلاسة وقال أه عندك مانع ؟؟ قلت له / سعادتك عندك مانع اننا نمشى قال لا وتانى مرة ابقى هات حاجات تتباع و دى مين بيشتريها دى بعد مشينا بقول للموظفين ياخونة تسيبونى وتقفو بعيد فين بالروح بالدم نفديك ياريس فالسواق بص لى وقال/ بلاش اللى كانو بيقولوله الشعار ده مات قتيل فى العرض العسكرى وضحكنا ومشينا كفاية دى النهاردة لانها دسمة شوية التعديل الأخير تم بواسطة خالدخليفة ; 26-01-2010 الساعة 04:59 AM
|
|
#9
27-01-2010, 05:23 AM
|
||||
|
||||
|
رد: أدب الرحلات
الموقف ده من ألذ واجمل المواقف اللى حصلتلى اثناء سفرياتى الكتيرة
ركبت القطار من الاقصر الى قنا وهى مسافة 62 كيلو وياخذها القطار فى ساعة وجه الحجز بتاعى جنب واحدة خواجاية (سائحة اجنبية ) المهم فوجئت بيها لاوية بوزها وشكلها متضايق او قرفانة ومش عاجبها حاجة وسالتها ان كان فى شىء مضايقها او محتاجة مساعدة بالانجليزى طبعا لكنها لم ترد واعتقدت انها لافاهمة عربى ولا انجليزى وسكتت لكن احد قرايبى الصعايدة اللى لسانهم فالت قال بصوت عالى / مالها دى فاكرة نفسها لمونة ف بلد قرفانة قلت له انا كلمتها لكن واضح انها مش فاهمة حاجة عموما اهم بييجو بلدنا يقرفونا ف عيشتنا ويمشو ولما وصلت قنا كانت الصاعقة لقيتها بتقول لى باللغة العربية المكسرة / انا لمونة انا ؟؟؟؟ انا قارفاكو شوكرا(شكرا ) بس انا كتبتها كما نطقتها وانا وشى جاب جميع الالوان اللى فى العالم وادور ع الصعيدى الفيلسوف اللى دحرجنى للموقف ده لقيته اختفى فعملت نفسى مش سامع ولقيتها بتمسك ايدى جامد وبتقول شوكران (شكر) قلت لها العفو ومصدقت القطار وصل الرصيف ونطيت منه وحسبى الله ونعم الوكيل فى الصعايدة قرايبى دايما يحطونا ف مواقف باااااااايخة على راى يونس شلبى فى مدرسة المشاغبين
|
|
#10
15-07-2010, 08:21 PM
|
|||
|
|||
|
ههههههههههههههههههههههههه ههههههههههههههههههههههههه ههههههههههههههههههههههههه ههههههه
ههههههههههههههههههههههههه ههههههههههههههههههههههههه ههههههههههههههههههههههههه هههههه ههههههههههههههههههههههههه ههههههههههههههههههههههههه ههههههههههههههههههههههههه هههههه حرام عليك انا البيت عندني هنا نازلين ضحك عليا من الحاله الهيستيريه اللي وصلتلها من كتر الضحك انا مش عارف ايه اللي خلاني دخلت الموضوع ده انا ابويا عمال يقولي يا مجنون يا ابن المجانين ايه اللي انتا بتعمله ده بتضحك علي ايه وانا مش عارف اقوله ايه هحكيلك علي موقف حصل معايا بس مش بالعربية كنت في البلد عندنا بس الكلام ده من يجي 7 سنين كنت بحب اوي اتسلق النخل المهم في يوم طلعت نخله وقولت لازم ادوق البلح بتاعها سمعت صوت ضرب نار في الهوا ومن الخضة نزلت حاضن النخله لما اتشوهت اتاري صاحب النخله فاكرني بسرق البلح وكان عمي هيموته في اليوم ده بس كان حتة منظر ومن ساعتها وانا كرهت اكل البلح الموقف التاني حصلي مرتين مره كان عندنا في البلد ناس محمله الحمار برسيم جبل فوق ظهره وقالولي اطلع علي النخله ديه ونط فوق البرسيم واقعد فوقيه علشان ميقعش من فوق الحمار وطلعت جري ونطيت فوق البرسيم والحمار جاله حاله هيجان وطلع جري علي الترعه وحالف ليرميني فيها وجمدت قلبي ونطيت من فوق الجبل اللي كنت قاعد عليه واتروقت ساعتها للصبح مره بردك ابويا كان بيعلمني سواقة العجله وكان بيمسك العجلة الكلام ده وانا صغير طبعا ويزوقني مسافة 5 متر امشي لوحد ومره جه يزقني نزلني بالعجلة في حفره شوفتوا اب في الدنيا يرمي ابنه في حفره ههههههههههههههههههههههههه ه يوم ما روحت ب 128 عندنا البلد في مغاغة الناس كلها كانت بتبصلي علي اني داخل عليهم بعربية بورشه والناس كلها قامت تبص مين اللي في العربية ده وساعتها حسيت بقيمة العربية لما روحت بالهيوانداي لما جيبتها مفيش حد قام بص اتاري الناس كلها دخلت الدش وبيتفرجوا علي مهند وعارفوا الدنيا فيها ايه ساعتها قولت فين ايام ال 128 التعديل الأخير تم بواسطة hazem_khidr ; 03-11-2010 الساعة 03:37 PM
|
 |
|
|
