مشكله معقده في اوبل كورسا هاتشباك

[samehlila]

انا علي فكرة كل ده مستني البيه الميكانيكي لما يحن عليا و يروح يشوف العربية
و شكلي هفكها كلها بنفسي قريب من زهقي و ربنا يستر

[محمد رفعت دعبس]

المشاركة الأصلية كتبت بواسطة samehlila بسم الله الرحمن الرحيم انا اشتريت عربية اوبل كورسا هاتشباك موديل 1994 و فيها مشكله مجنناني العربية بتدور تمام اول مرة بس لو جيت تزود بنزين العربية بتتخنق و تبطل و لو جيت ادورها تاني تزهقني علي ما تدور و بعدين لو ضغطت بنزين و انا بدورها تاني مره مابتدورش غير بعد ما اسيبها شوية او احمل علي المارش لفترة طويله الموضوع ده مابيحصلش غير و حساس التي بي اس فيشته راكبه و كمان العربية سحبها رايح خالص مفيش فيها نفس بتتحرك بالعافية انا غيرت طقم بوجيهات ان جي كية ياباني و غيرت الايدل و التي بي اس و الماف مش فاضل غير اني اغير اسلاك البوجيهات و الرشاش و الكمبيوتر و لو عملت كده يبقي انا غيرت العربية كلها مش عارف اعمل ايه اه افتكرت لما بوصل فيشة التي بي اس و افكه من مكانه و الفه نص لفه و امسكه بايدي و ازود العربية نوعا ما بتتظبط بس الحساس كده مش بيبقي مكانه و صعب يتربط واحد قاللي اعمل له قواعد جديده علي الوضع ده بس ده مش اساس العربية فمستحيل هعدلها علي كده لو حد يعرف ايه الحل ياريت يعرفني و يبقي كتر الف خيرة علشان انا خلاص زهقت من العربية مع اني لسه ماسافرتش بيها ولا استعملتها و الف شكر م - سامح ليله

بص يا سامح انا حصلت معايا ونظفلى البوابه والرشاشات كويس جدا ومشيت تمام
فى ميكانيكى اوبل فى مدينه نصر ممتاز ممتاز

[الخبييييير]

طلع طرمبة البنزين وغير فلتر البنزين وبص في التانك شوف في رواسب ولا لأ قبل مدخل البنزين في المكنة انفخ هواء مضغوط عكس اتجاه التدفق من المكنة الى التنك ونضف الثروتل بادي بمنظف كاربرتير وشوف البوابة سهلة الحركة ولا لا
بعد ما تعمل ده وما زبطتش شوف فيشة ecu unit متحركة من مكانها او فيها صدا
والاخر خالص الرشاشات تكون منتهية الصلاحية او عايز نظافة وبعدين عربيتك ماشية كام الف كيلو ؟

[samehlila]

المشاركة الأصلية كتبت بواسطة الخبييييير طلع طرمبة البنزين وغير فلتر البنزين وبص في التانك شوف في رواسب ولا لأ قبل مدخل البنزين في المكنة انفخ هواء مضغوط عكس اتجاه التدفق من المكنة الى التنك ونضف الثروتل بادي بمنظف كاربرتير وشوف البوابة سهلة الحركة ولا لا بعد ما تعمل ده وما زبطتش شوف فيشة ecu unit متحركة من مكانها او فيها صدا والاخر خالص الرشاشات تكون منتهية الصلاحية او عايز نظافة وبعدين عربيتك ماشية كام الف كيلو ؟

انا عملت كل ده و مافيش فايده و فكيت نص الموتور اللي فوق يعني اللي فوق وش السلندر لقيت الصبابات عليها كربون كتير و كذلك البستم و كمان البساتم خلوصها كبير و محتاجه شنبر و ان شاء الله هظبطها بنفسي انا جبت طقم جلد صباب و اشتريت جوان وش سلندر و جوان مانيفولد و جوان فرن و جوان غطا التاكيهات هغيرهم نضافه للماتور و هجيب طقم شنبر و اسقطه و ربنا يكرم و تبقي تمام و بالنسبه لسؤالك عربيتي ماشبة 270 الف كيلو و ما عمرتش قبل كده

[احمد على 1999]

المشاركة الأصلية كتبت بواسطة samehlila انا عملت كل ده و مافيش فايده و فكيت نص الموتور اللي فوق يعني اللي فوق وش السلندر لقيت الصبابات عليها كربون كتير و كذلك البستم و كمان البساتم خلوصها كبير و محتاجه شنبر و ان شاء الله هظبطها بنفسي انا جبت طقم جلد صباب و اشتريت جوان وش سلندر و جوان مانيفولد و جوان فرن و جوان غطا التاكيهات هغيرهم نضافه للماتور و هجيب طقم شنبر و اسقطه و ربنا يكرم و تبقي تمام و بالنسبه لسؤالك عربيتي ماشبة 270 الف كيلو و ما عمرتش قبل كده

انا عامل باللانوس 250 الف ههههههههههههههههههههههه قربت احصلك