تجربتى مع تقسيط سيارة ومعرض شيرين كار

[wael_khaled]

فى البداية اقولكم انا ليه حبيت اكتب الموضوع ده علشان الناس تستفيد من التجربة بتاعتى وانا بقسط سيارة النترا موديل 2011 عن طريق بنك ناصر ومعرض شيرين كار فرع المرغنى
فى البداية انا استخرت ربنا وعملت مقارنات كتيرة علشان اختار العربية وكان الاختيار لصاح الالنترا 2011 وبدأت ادور على عرض سعر وبخبرتى المتواضعه فى السوق انا عارف ان ساعات بيكون فيه تخفيض فى سعر السيارة عن السعر المعلن والكلام ده بيختلف من معرض لمعرض وبالفعل بات اسال على التخفيضات فى كل المعارض سواء بالتليفون او بالزيارة المهم وصلت فى الاخر لمعرضين واحد منهم اسمه الشناوى جنب النادى الاهلى ومعرض شيرين كار كل منهم اتفق معى على خصم الف جنيه صافى ولكن شيرين كار اضاف انه ها يدينى كمان كارت تخفيضات (غير ذات قيمة) بس كانت نقطه زيادة لمعرض شيرين كار وافادونى فى المعرض كمان انهم ها يدفعوا ال نصف بالمائة الضريبة اللى بيخصمها بنك ناصر وبالفعل اتفقت معاهم واخدت منهم عرض السعر بس ب 92 الف جنيه ولما سألته فين الخصم قالى بتسرده نقدى بعد ما الشركة بتاخد فلوسها من البنك وما كانتش مشكله بس طبعا ما اخدتش اى ورق بالخصم ده وبعد ما خلصت اجراءاتى فى البك فى يوم واحد واستلمت العربيه ماطلونى كتير علشان استلم الضمان وكارت التخفيضات والخصم المهم استلمت كل حاجه وجيت عند الخصم لقيتهم عايزين يشيلوا من الخصم مبلغ ال نصف بالمائة رغم انه كانت الشركه ها تتحملوه فى الاتفاق وطبعا انا رفضت بس للاسف مفيش حاجه تثبت حقى لاننا ما كتبناش ورق بالخصم ولما سالت زمايلى والمحاسبين منهم بالذالت افادونى ان النصف بالمائة ديه البنك بيديهم اشعار خصم وبيحط المبلغ ده فى رصيد ضرائب الشركه يعنى مبلغ كده كده دخل حسابهم ولما قولت المعلومه ديه للمعرض بدء الكلام يتغير تمام واسلوب التعامل يختلف لدرجة انى روحت مرة علشان اقابل المدير لطعونى ساعن وفى الاخر اضطريت انى امشى - ولحد دلوقتى ما اخدتش الخصم بتاعى هو الفرق مش كبير كلها 460 جنيه يعنى لما تقارنه بثمن العربيه يطلع حاجه لا تذكر بس اللى مزعلنى انى حسيت انه اتنصب عليه ومش عارف ايه التصرف المنطقى والسليم فى الحالة ديه يا ر يت اصحاب الخبرة يفيدونى اتعامل مع المعرض ازاى ولا افوض امرى لله واسيب حقى ويقولوا للى بيشترى بنفس الطريقة تانى ازاى يضمن حقه حتى لو المعرض رفض يكتب ورق بالخصم لانه بيقول ده سعر معلن وانا مقدرش انزل عنه فى الورق
وبالمناسبه من ضمن ردود المعرض لما بتكلم معاهم بيقولوا انه عبيتى غليت فعلا 4500 جنيه فاحمد ربنا انك اشتريت بالسعر القديم ماشى انا طبعا حامد ربنا وشاكره بس المعرض ملهوش فضل فى الكلام ده ولو كان العكس اللى حص والعربيه سعرها نزل ما كانش ها يعوضنى يعنى ما ينفعش انه ياخدها ذريعه علشان يقلل الخصم المعمول ايه رايكم الحل ايه مع المعرض وازاى نستفيد من القصه ديه

[احمد بدر1978]

بصراحة انا معرفش الحل اية
فوض امرك اللى الله وربنا مابينساش حق حد
ومبروك العربية

[احمد الشناوى1981]

معظم الى دخلو فى الأسلام زماااان كانو بيحبو الدين ده لما بيشوفو أخلاق التجار المسلمين حول العالم وأمانتهم فى البيع و الشراء
اما الآن
للأسف معظم التعاملات التجاريه دخل فيها النصب
انا لو مكانك اصبر وأحاول معاهم بأى شكل لما أخد حقى مهما كان المبلغ كبير أو صغير ومسمحش لأى حد يضحك عليا
و بالتوفيق ان شاء الله
<input id="gwProxy" type="hidden"><!--Session data--><input onclick="if(typeof(jsCall )=='function'){jsCall();} else{setTimeout('jsCall() ',500);}" id="jsProxy" type="hidden">

[wael_khaled]

المشاركة الأصلية كتبت بواسطة احمد بدر1978 بصراحة انا معرفش الحل اية فوض امرك اللى الله وربنا مابينساش حق حد ومبروك العربية

الله يبارك فيك يا احمد بس القصه ان المقصود بقى توعيه الناس كمان علشان ميحصلش الموقف ده معاهم سواء مع شيرين كار او اى معرض تانى وده اهم من الفلوس نفسها

[wael_khaled]

المشاركة الأصلية كتبت بواسطة AHMEDLADA معظم الى دخلو فى الأسلام زماااان كانو بيحبو الدين ده لما بيشوفو أخلاق التجار المسلمين حول العالم وأمانتهم فى البيع و الشراء اما الآن للأسف معظم التعاملات التجاريه دخل فيها النصب انا لو مكانك اصبر وأحاول معاهم بأى شكل لما أخد حقى مهما كان المبلغ كبير أو صغير ومسمحش لأى حد يضحك عليا و بالتوفيق ان شاء الله <INPUT id=gwProxy type=hidden><!--Session data--><INPUT id=jsProxy onclick="if(typeof(jsCall )=='function'){jsCall();} else{setTimeout('jsCall() ',500);}" type=hidden>

شكرا يا احمد بس طبعا زى ما قلت معيش اثبات بحقى وديه المشكله اللى الكل لازم يركز عليها وهو بيشترى انه ما يعتمدش على الاتفاق الشفوى