ما هو تقييمك لوكيل هيونداي و مراكز الخدمه

[lost2008]

المشاركة الأصلية كتبت بواسطة acer مركز غبور ملهوش لازمه انه الواحد يروحه علشان حتضيع وقتك وحتدفع ومش عارف ايه اللى بيحصل فى عربيتك الا فى حاله لو عندك معرفه هناك يبقى حتروح مش حتقعد كتير وحيعملوا ليك كل الشغل وكمان ممكن ينزل ليكى فى الاسعار للاسف مراكز معموله للنصب وبناء على 3 تجارب معاهم

كﻻمك مظبوط 100 %

[Amir Hassan]

انا شغال فى هيونداى
وعربيتى هيونداى
وعملت تصويت لجيد مش ممتاز
مع العلم انى ادخل الصيانه مش بواسطه لاننا اكتر من 6000 موظف ومنعرفش بعض داخل الادارة الواحده مابالك بقى الادارات التانيه
فى مشكله
التوكيل عندنا زحمه
بس الشركه كمان عامله اكتر من 57 مركز خدمه معتمد
يعنى لما تروح تغير زيت وفلتر وتربط عفشة مش لازم تروح ابورواش
طب فى اسؤ الظروف تعالى على نفسك وروح قليوب اهو رايق شوية
بس على فكرة انا كمان بتعرض لمشكله الوقت وبجد غصب عنهم
طب ماتيجى نعمل موضوع عن مراكز الخدمه المعتمده ونشوف راى الناس ايه

وعلى فكرة لازم تشوفوا اكسنت RB الجديده بجد ياجماعه تحفه على الاقل فى راى مع الاحتفاظ بالراى الاخر
العربية على
http://www.masrmotors.com/vb/showthr...t=45583&page=2

[Mr.Mamo]

يا ريت لو في مشاكل تانيه
في العربيه و لم يتم حلها في التوكيل
أو اي مشكله حيويه تانيه

يعني زهقنا كلام من الوقت اللي بيضيع و الفلوس اللي بتدفع كتير
و بنلاقي نفس الرد

الوقت لان الاقبال كبير علي المركز
و الفلوس مش غاليه مقارنه بالاسعار في مراكز الصيانه الاخري

و الجوده ؟

عايزين رأييكم في الموضوع المهم ده يا جماعه
دي حاجه مهم نتكلم فيها

[matars]

انا عندي مشكلة خطيرة بقى ياريت الكل يرد عليا فيها
ازاي ابقى عايز اشتري فوج لايت ويقولولي مافيش تركيب عندنا وال 200 جنيه بتوع كل 5000 حتى لو حاطط زيت ال10000 بتوع الضمان دول لايه ولو ركبت بره مهي العربية تبقى خارج ضمان لان في وصلات هتحصل في ضفيرة الكهربا

[hatempilot]

مقارنة بباقى التوكيلات يعتبر أحسن الوحشين