نصائح للتعامل مع النقل اثناء السير بالقرب منهم

[خالدخليفة]

رايت موضوع هنا فى المنتدى عن حادثة مروعة عن سيارة نقل سحقت سيارة ملاكى كانت تسير بجانبها
والحقيقة الموضوع ده فكرنى لانى بسافر كتير وبشوف اخواننا قائدى الملاكى بيتعامل معاهم كانهم ملاكى مثله ومن التجارب وخبرات السفر ساسدى لكم بعض النصائح (حديثى هنا على اللوارى والتريللات اى النقل الثقيل)
اولا/ لاتقم بمناورة شديدة امام النقل (الغرزة ) لان امكانيات سيارته لايمكنها عمل مناورة شديدة وبالتالى سيحد ث امر من تلاتة اما لاقدر الله سيصطدم بك او سيحاول تفاديك او تتسبب له فى لخبطة فيمكن ان تسبب له حادث( ستحاسب عليه يوم القيامة ان هربت من قضاة الدنيا او (و هذا مارايته وسمعته منهم اثناء السفر ومقابلاتى معهم على مقاهى الطريق واستراحاته) سياخذرقم السيارة ويكتبه وينتظر ان يقابله يوما ما اوفى طريق واقف او كمين او اى شىء ثم ينتقم منه بطريقته بان يحاول تخطيه ثم يفسح لها الطريق حتى يصبح فى منتصف السيارة ويكسر عليها فجاة ليحطمها بمن فيها وانا رايت هذ ا الكلام بعينى
ثانيا / دائما ماتجعل بينك وبين النقل مسافة = حارة من حارات الطريق طيب مفيش يبقى تحاول زيادة السرعة لتخطيه او الانتظار حتى يتسع الطريق ولاتتعجل
ثالثا / عندد تخطى النقل يجب ان تكون ضاغطا على النور والكلاكس بصورة متقطعة (لان الكلاكس الطويل مستفز ويدل على خوف صاحبه مما يجعله مطمع للسائقين )معا ليلا والكلاكس باستمرار وبصورة متقطعة لتنبيهه بصورة متقطعه لعدم استفزازه وسبب هذا ان قائدى النقل عندهم نقطة عمياء كبيرة فى المرايه صحيح انهم بيحاولو يتغلبو عليها انهم بيركبو مرايه اضافية فوق الاساسية ومنهم من يقوم بتركيب مرايتين ومع ذلك لاتزال هناك منطقة ميتة لايراها بسبب ارتفاع سيارته الكبير عن الارض
رابعا /السيارات المحملة بالاخشاب غالبا تكون حمولة هذه السيارات اكبر من حمولتها الفعلية بالاضافة الى اخطر مافيها وهو ارتفاع الاخشاب بطريقة مبالغ فيها وبروزها بطريقة مبالغ فيها ايضا عن جسم السيارة مما يجعل السيارة غير متزنة ( ماشية بترقص على الطريق بالبلدى وهنا الخطر فان كانت السيارة من النوع القديم فمثل هذه السيارة تتلاعب بها الحمولة وتكون كالمرجيحة وفى المنحنيات تكون معرضة للانقلاب ولذلك سرعتها تكون بطيئة جدا واحيانا يمل السائقق او يفقد السيطرةة عليها فيزيد السرعة فتنقلب على من بجوارها وهذا المشهد رايته بعينى كثيرا كما ان المرايات ملغاة تماما فى هذه السيارات بسبب الحمولة فهو لايرى الا امامه فقط ولذلك
ممنوع تخطى هذه السيارات فى المنحنيات او الطرق الضيقة وعدم عمل اى غرز او مناورات شديدة معها مع ترك مسافة كبيرة بينك وبينها وزيادة السرعة بحيث تتخطاها فى اقل من 3 او 4 ثوانى
خامسا / معظم قائدى النقل والذين ينقلون الحبوب والاتربة والزلط او ماشابه لايغطون سياراته جيدا وبالتالى عند احساسك بذرات تتطاير على زجاجك الامامى ولمحت من بعيد سيارة تقل فلاتسير ورائها بل ان كانت فى اقصى اليمين فالزم اقصى اليسار او العكس وعند الاقتراب منها كما هو متبع ترك مسافة لتفادى المتساقط منها او زيادة السرعة ان كان الطريق ضيق
خامسا / فى المنحنيات ممنوع تخطى النقل حتى ولو كان الطريق واسع طيب ليه
لان النقل وخاصة المحمل حمولة تقيلة فى المنحنيات بيعد ل وضعه يعنى هو ماسك اليمين وعايز يمسك الشمال و كل اللى جاى وراه مش مديه فرصه فبيستغل المنحنيات انه يعدل وضعه فطبعا بيقطع الطريق طبعا انت جاى تجرى وفاهم انه ماسك اليمين وتفاجأ انه انحرف اللى اقصى اليسار
فان صادفت نقل فى منحنى وهو اامامك لاتتخطاه وعينك على العجل اللى ناحيتك لو استمر كما هو يبقى مش هيلف لو كسر العجل للخارج يبقى هيغير اتجاهه طيب ان كنت جنبه يبقى الكلاكس نهارا والنور ليلا لانه ممكن ميكونش شايفك وعايز يعدل وضعه
سادسا / بعض اخواننا قائدى الملاكى المبتدئين حين يسمع صوت فرملة النقل يفزع فيجب ان نقول له لاتخف لان الفرملة دى ضغط هوا وبسلامتهم احيانا مش بيزيتوها او يشخموها فبمجرد الضغط عليها تصدر صوت صفير عاااااالى جدا
سابعا / وده شىء عجيب والله بعض اللوارى الحديثة تصل سرعاتها الى 170 و 180 واجد بعض اخواننا قائدى الملاكى يتسابق معهم لكن الجميع ينسى قدرة الملاكى على المناورة اكبر وبالتالى يمكن ان ينقلب النقل على من يسابقة او على غيره ويتحول السباق الى مأتم (جنازة )
اخيرا / طيب افرض الطريق واقف ولازق فيك سيارة نقل غالبا هو مش شايفك لانه مهتم بالطريق امامه يبقى ايدك دايما قريبة من النور او الكلاكس او اعمل زيى بهزر معاهم واقول للتباع سلم على الاسطى جنبك اى كلام المهم تنبهه انك جنبه
هذه تجاربى مع النقل وعلى الطرق السريعة وارجو انى اكون افدتكم

[احمد على 1999]

طبعا كلام مفيد جدا
لما تشوف نقل قدام بعيد بيحضن يمين الطريق فده غالبا معناه انه بيستعد للالتفاف من ال u الى على الشمال يعنى حيسد الطريق

[tareksakr]

تسلم ايدك موضوع قيم جدا جزاك الله خيرا

[ahmed_eng2001]

موضوع مفيد جدا , مشكور يا استاذ خالد

[lol64]

موضوع جميل جدا وتسلم ايدك انا بقى من كتر الزلط اللى اخدته من العربيات النقل دى بقيت مدمن زلط لما بيكون ماسك يمين وانت تمسك يسار على الاخر او العكس برضه مبينفعش انت وحظك فى موضوع الزلط او الطوب اللى بينزل من العربيه دى انا بقالى 9 سنين باحد زلط ههههههههههههه