اسال عن لوحات الخاص و الاجرة والرحلات والمدارس واجراءات اللوط

[King of the road]

المشاركة الأصلية كتبت بواسطة احمد ابو فارس حد يفيدنى انا عاوز اشترى ميكروباص صينى جديد بالتقسيط ممكن اشترى نمرتين اجرة جيزة وارخص عادى ولا مش هينفع علشان التقسيط وارجو الافادة والاجراءات المتبعة ولكم جزيل الشكر

احمد ابو فارس السلام عليكم ورحمه الله وبركاته بخصوص انك تشترى عربيه جديده وبعدين ترخصها اجرة طبعا ينفع بس ابقى اشترى عربيه قديمه عليها نمر الاجرة وبعد ما تشتريها وتخلص الاحلال والتجديد ابقى بيعها مرة تانيه بعد ما تاخد من عليها اللوحات لصاحبها لانك هتتفق على النمر الاجرة بس .

[King of the road]

المشاركة الأصلية كتبت بواسطة reco2 اولا السلام عليكم ورحمة الله وبركاتة ثانيا احييك على معلوماتك الرائعة اللى بتساعد بيها الاعضاء ثالثا وهو سؤالى : انا عندى سيارة ميكروباص تويوتا 82 -ى 11 راكب احلال كانت اجرة واللوحات اتسلمت عايز ارخصها ...اية الطريقة القانونية وتكلفتها فى حدود كام ولو حتترخص رحلات او خاص ينفع مكتب يرخصها بأسمة وياخد كام كل سنة طبعا مع ضمان حقى فى امتلاك السيارة على فكرة انا من محافظة الجيزة

الاخ ريكو السلام عليكم ورحمه الله وبركاته فى قرار صدر من الادارة العامه للمرور بيفيد عدم ترخيص الاجرة الملغاة مرة تانيه الااسعاف او تحت الطلب او ملاكي . وهنا الكلام . لو عربيتك افراجها الجمركي 10 راكب + السائق هترخص ملاكي ولو الافراج الجمركي اكثر ترخص اسعاف او تحت الطلب يعنى نقل موتى _ اما موضوع انك تكتب سيارة على مكت حد وتدفع له كل سنة بنصحك ثم بنصحك بلاش الموضوع ده وسيبك من استشارات المقاهى الي غرقت ناس كثير انا عايزك تروح المرور وتطلب صورة من الافراج الجمركي وياريت تبقى تبلغنى مكتوب فيه ايه . ودى نمرتى 01064867673 وان شاء الله هفيدك تعمل ايه

[King of the road]

المشاركة الأصلية كتبت بواسطة abdo kotb السلام عليكم هل رحلات الغربية فاتحة ولو مش فاتحة هل فى امل انها تفتح ولا اجيب نمر اجرة وخلاص و اجيب منين نمر اجرة

رخص رحلات قليوبية

[King of the road]

المشاركة الأصلية كتبت بواسطة hossam_86 السلام عليكم ورحمة الله وبركاتة جزاك الله كل خير يااخي علي هذا الموضوع موضوع في غاية الاهمية انا امتلك سيارة هيونداي h100 موديل 97 كنت مشتريها من شركة سراميك بس هي عليها نمر نقل وعاوز اعرف ازاي اخليها رحلات -- او حتي اوتوبيس خاص -او اي شي اخر ممكن تصرف كام فلوس وهل سهل الموضوع دة ولا صعب ارجووووووكم افيدوني

طبعا سهل ترخصها بس صور الافراج الجمركي من الملف وروح الجمارك ادفع فرق الصفه الترخيصيه وانت هتاخد بند لا مانع من ترخيص السيارة لصفه نقل ركاب عموما هو موضوع سهل ومش مكلف _ بعد كده ابقى كلمنى عملت ايه انت معاك الرقم

[حسام ابو كرمة]

اخى الغالى
بجد اشكرك بشدة على افادتك للاعضاء و عدم بخلك باى معلومة ة اعيد شكرى و جزاك الله عنا خيرا
سؤالى
خالى هيجيب عربية ميكروباص زيرو ان شاء الله و عايز يشغلها مصر اسكندرية فهل ينفع تشتغل كده بنمر رحلات او خاص و لا لازم اجرة
و ايه ممكن تنصحنا بيه فى الامر ده