واخيرا التكيف اشتغل شكرامهندس احمد حنفي وشكرا للصديق سيد2077

[ابوجهاد]

المشاركة الأصلية كتبت بواسطة sayed2077 ربنا يخليك يا استاذ ابو جهاد والله انا مستحقش الكلام اللى حضرتك قولتوا ده انا بعمل الواجب اللى عليا و انا والله مبسوط جدااا ان حضرتك مبسوط ومعلش والله على التأخير بس نعمل ايه الكهربا قطعت تلات مرات وكل مره تقعد بتاع ساعتين فكان فيه وقت كبير ضايع و بجد انا سعيد جدااا ان حضرتك مبسوط من الشغل و فعلا بتزيد ساعدتى كلما راح حد من مصر موتورز و عمل حاجه عند الاسطى احمد وكان سعيد جدااا بجد الحمد لله والمره الجايه لازم حضرتك تيجى تزورنا فى البيت ان شاء الله

لا والله يا استاذ سيد انت تستحق كل الشكروللعلم انا مكانش عندي اي مشوار النهارده الجمعه بس نزلت ورحت التحرير ولفيت شويه كتيره علشان استمتع بالتكيف بعد طول انتظار لتحسن حالته وقيامه بكل خير وسلامه وفك الغرز والحمد لله

المشاركة الأصلية كتبت بواسطة حسام البورسعيدى الف مبروك تصليح التكييف يا ابو جهاد .. ويا رب تكون اخر الاعطال باذن الله .. وشكر خاص لاستاذ سيد على ذوقه وكرمه الواضح من خلال كلام ابو جهاد .. وبجد انا بحييك .. انا بكون سعيد جدا جدا لما بشوف الروح الحلوة دى بين الاعضاء .. ربنا يديم المعروف بيننا دايما يا رب ...

ربنا يبارك فيك يا استاذ حسام وان شاء الله تكون اخر الامراض اسف اخر الاعطال وربنا يجعلنا جميعا عونا لكلنا

المشاركة الأصلية كتبت بواسطة محمد فيصل الف مبروك ابوجهاد بارك الله فى التكييف وحفظك الرحمن من حرارة الصيف الشديدة وبالاخص فى اشارات المرور القصيرة جداً والشوارع الواسعة الانسيابية كل الشكر إلى الاخ الكريم سيد دامت المحبة والعاونة والمساعدة بيننا جميعاً إن شاء الله

الله يبارك فيك يا محمد بيه وفعلا فارق كتير في العربيه ابن البارده ده مخلي الدنيا زي الفل ومهدي الاعصاب شويتين

المشاركة الأصلية كتبت بواسطة AbOnOrA مبروك عودة التكييف للحياة يا ابوجهاد وتسلم ايد الاسطى احمد طبعاً اما سيد بقى فده مش غريب عليه هو فعلاً انسان شهم وطيب وقمة فى الاخلاق والذوق عقبال ما نفرح فيه (قصدي بيه ) قريب ان شاء الله .. مش ناوى يا سيد ولا ايه

ابو نورا ربنا يبارك فيك ويعنكم انت ومن معك علي فعل الخير وجعل هذا المنزل مجمع الاحباب ومد يد المساعده للكل في زمن ندر فيه الاخلاص الا من رحم ربي
وان شاء الله نفرح بالاخ سيد بس يا ريت يكون في الصيف علشان انا ازفه واشغله التكيف في السياره هههههههههههههه

[sayed2077]

المشاركة الأصلية كتبت بواسطة ابوجهاد لا والله يا استاذ سيد انت تستحق كل الشكروللعلم انا مكانش عندي اي مشوار النهارده الجمعه بس نزلت ورحت التحرير ولفيت شويه كتيره علشان استمتع بالتكيف بعد طول انتظار لتحسن حالته وقيامه بكل خير وسلامه وفك الغرز والحمد لله ربنا يبارك فيك يا استاذ حسام وان شاء الله تكون اخر الامراض اسف اخر الاعطال وربنا يجعلنا جميعا عونا لكلنا الله يبارك فيك يا محمد بيه وفعلا فارق كتير في العربيه ابن البارده ده مخلي الدنيا زي الفل ومهدي الاعصاب شويتين ابو نورا ربنا يبارك فيك ويعنكم انت ومن معك علي فعل الخير وجعل هذا المنزل مجمع الاحباب ومد يد المساعده للكل في زمن ندر فيه الاخلاص الا من رحم ربي وان شاء الله نفرح بالاخ سيد بس يا ريت يكون في الصيف علشان انا ازفه واشغله التكيف في السياره هههههههههههههه

ههههههههه عارف لما حضرتك كنت موجود عند الاسطى احمد وانا كنت بغير سير دينموا وتكيف المهم التكيف شغال بس الهوا ضعيف جدااا بس البروده حلوه فقلت للاسطى احمد انا عاوز اظبط التكيف قالى التكيف عندك البروده بتاعته حلوه بس الهوا هو اللى ضعيف فقلتله خلاص انا رايح اجيب مروحه بتاعت التابلوه استيراد فلقيته بيقولى بس انا اعتقد العيب عندك مش من المروحه العيب عندك من التلاجه اللى جوه مسدوده فقلتله يا سلام لا دى مروحه فقلتله خلاص انا هجرب المروحه عند الراجل بتاع الاستيراد لو هو هو نفس قوة الهوا مش هجيبها قالى ماشى المهم روحت حلوان وجبت مروحه ففكيت المروحه اللى عندى لقيتها ماركة دينسوا صنع فى اليابان المهم الراجل بتاع الاستيراد ادانى مروحه كورى ركبتها لقيت الهوا هو هو نفس القديمه قلتله لا دى مش شغالة حلو راح قالى تعالى نروح المخزن المهم فعلا روحنا المخزن وفكينا تلاجه بتاعت اكسيل وفكيت منها المروحه وركبت وبرضوا طلع هى هى قوة التبريد روحت طبعا قلتله لا خلاص بقى ديه هى هى وطبعا كنت رايح علشان اشترى مفتاح تكيف اللى فى الطابلوه بتاع نوبيرا فقلتله هاخد مفتاح التكيف بتاع النوبيرا بس وفعلا خدته وروحت على الاسطى احمد وحكيتلة اللى حصل قالى عيب عليك مش قولتلك مش عيب مروحه روحت انا ضحكت وقولتله بص بقى انا الناس بتجيلك بيبقى عندها عيوب الدنيا والاخرة فى التكيف وبيغلبوا فيه وانت بتعملهولهم (طبعا كله بفضل وتوفيق ربنا ) فتيجى عليا انا والتكيف بتاعى يبقى بايظ فلقيته ضحك بصوت عالى وقالى ما هو ده اللى اسمه باب النجار مخلع فقالى خلاص تعالى بكره السبت و هعملهالك ان شاء الله وانا فى انتظار بكره ان شاء الله علشان نعمل التكيف بقى الواحد عاوز يتكيف هههههههههههه وبكره لما هعمل التكيف هبقى اقولكم عملت ايه ان شاء الله

[magdy238]

مبروك التكييف يا ابوجهاد
شكرا للأستاذ سيد المجترم
وكمان الاسطى احمد حنفى محفوظ
عقبالى يارب اصلح التكييف