|
#21
19-07-2009, 05:59 PM
|
||||
|
||||
رد: عمار يا سيراتو مصر
 أنا ماأقصدش إن هيه ديه بعينها لما قلتلي إنها من النوع الموجود له ثلاث قوائم .... قلت خلاص ... بس إمبارح في التلفزيون كنت بقلب فيه بصيت لقيت برنامج على ناشيونال جيوجرافيك أبوظبي الجديده برنامج عن المنصات وطرق تثبيتها وكلام هندسي كده عنها فإستفزني عرق البحث العلمي والحاجات الوحشه ديه إللي بتيجي للواحد أحيانا وبدأت أدور عشان أفهم إيه الفرق بين أم ثلاث رجلين وأم أربعه وكده يعني فقلت لازم الناس تتشارك معايا رحلة البحث العلمي ديه ويستفيدوا معايا من الفكره نفسها بس على فكره الجامعه حتنور بحضرتك وبزيارتك لها ولي مكتب بكلا الفرعين (التحرير - القاهره الجديده new campus ) يزيدوا شرف ونور بقدومك عليهم المقامات محفوظه يادكتور حضرتك خبره وده له تقديره لذلك بيدوك أجازه شهر وشهر شغل وده بيكلفهم طبعا (سفر وتذاكر و....) حضرتك بيودوك الشغل بطياره هيليكوبتر (يعني ولا السادات في زمان عزه) وبيرجعوك برضه بنفس المواصله أجعص رئيس مجلس إدارة شركه بيروح الشغل بوسيلة عامة الشعب (العربيه) سيبك من كل ده فكل ده فاني المهم إن إحنا إتقابلنا بدون ميعاد في منتدى محترم وإتعرفنا على شخصيه زي حضرتك قمه في الإحترام وخفة الدم ووالله مانخع ولا غيره لأني ببساطه غير مطالب بده ولا لي أي مصلحه فيه وترجعلنا بالسلامه وتنورني في مكتبي في الشركه أو الجامعه ...
__________________
 
|
|
#22
19-07-2009, 06:34 PM
|
||||
|
||||
|
رد: عمار يا سيراتو مصر
يا أحمد حرام عليك ! موش عارف أكتب على الكى بورد لآنى موش لاقى نفسى !
أنا دوبت من الخجل يا عم و الله و أنا قاعد لوحدى ! بس ده من كرم أخلاقك ! و من المنبت الكريم اللى أكيد حضرتك نشأت منه ! أما أنا ولله الحمد أبسط من البساطه واسأل الناس اللى قابلونى فى المنتدى ولا أنا دكتور كبير ولا حاجه ( كبير فى السن بس ) ! و على فكره أنا اشتغلت فتره كسائق تاكسى هاوى ( وأنا طبيب امتياز ) رغم ان كان عندى سياره خاصه ! بس التاكسى كان حاجه جديده فى المنصوره و أنا كنت فرحان بيه ! Dr. Bolbolan 
|
|
#23
19-07-2009, 08:39 PM
|
||||
|
||||
|
رد: عمار يا سيراتو مصر
يادكتور .... حضرتك أضفت للمنتدى من ساعة مادخلت حاجات إنت يمكن مش واخد بالك منها
لقد أضفت للمنتدى الجانب الإنساني يمكن كان أغلبية الكلام عن السيارات ورياضة المحركات لكن الخبرات بالحياه ... لم تكن موجوده بهذا الشكل الكل أنا معاك (الأغلبيه العظمى بالمنتدى) أناس على خلق كريم ومحترمين لكن ليس عندنا تجارب في الحياة طويله مع إن عندي 33سنه بس لسه مش حاسس إن عندي 33 حاسس إن عندي 23.... كبيره أوي 25سنه إضافاتك يادكتور من حكايات حدثت لك أضفت للمنتدى كثيرا من معاني الحياه الغريبه ومفارقات الدنيا العجيبه .... وقد كانت حكاياتك في قالب كوميدي مع أن بها كم من التراجيديا العميقه والمؤثره بالتأكيد والداعيه على عدم الإستسلام لمطبات الحياه ومواجهة الصعاب لحد ما كل شيء يبقى حقيقه قريبة المنال (ليس هناك مستحيل) وعشان الفرفشه أنا أعرف يادكتور إنك دكتور نساء وولاده وأكيد قابلتك مفارقات كتيره بالعياده والمستشفى ياريت تحكيلنا عنها شويه ويبقى موضوع تحت عنوان من إبتكارك إنت لتجربتك مع الطب تحياتي
__________________
|
|
#24
19-07-2009, 10:12 PM
|
||||
|
||||
|
رد: عمار يا سيراتو مصر
لآآآآآآآآآآآآآآه مفارقات فى النساء و الولاده حصلت و لا تكفيها صفحات المنتدى لكن كلها
لا تصلح للنشر ! أما المفارقات الطبيه حدثت معى بعيدآ عن النساء و التوليد ماشى ! و ان كنت أظن الكلام ده موش ح يعجب ناس كتير ! عموما شويه كده و ح أعمل موضوع صغير عن رحلتى لجنوب أفريقيا و ليس به الكثير من المفارقات لآنه كان عندى مذاكره و امتحانات يوميا على مدى شهر كامل من 6 صباحآ الى 8 مساء ! و لكن ح يكون به الكثير من صور السيارات اللى كنت بأصورها فى الطريق ! و ممكن صوره أو اثنين لى فيهم ( بس وزنى ساعتها كان 115 كجم و دلوقت 105 كجم ) ! Dr. Bolbolan ptmnlo123per122
|
|
#25
19-07-2009, 10:59 PM
|
||||
|
||||
رد: عمار يا سيراتو مصر
  وموضوع 105 و 115 ده مش حيفرق معانا قوي إلا إذا كنت بتدور على عروسه وحيفرق معاك طبعا المظهر العام  عامة حنعديها المره ديه والجايات أكتر من الرايحات إن شاء الله  طير بينا على جنوب أفريقيا
__________________
|
 |
|
|
