استفسار عن سيراتو 2010

[kaarim]

الساده الافاضل
بعد البحث و التدوير و بعد توفيق الله ثم كثير من المعلومات القيمه الى اخدتها من المنتدى هنا ..ربنا اكرمنى و لقيت عربيه سيراتو 2010 اوتوماتيك كماليات تكييف و بور و زجاج كهربا فقط
لونها "شامبيين" سعرها 115.5 جم
استفسارى:
1- هل من الممكن اضافة التعديلات الغير موجوده مثل الجنوط و الفوجات و المرايات و طارة القياده و المقابض النيكل على حسابى بس لما تفرج؟
2- هل لون الشامبيين دا حلو و لا لأ؟
3- هل الفئه دى كويسه و لا اجيب الفئه الاعلى "بس عشان اجيب الفئه الاعلى لازم استنى 3 شهور" هل تستاهل؟؟

ارجو انكم تفيدونى بما يرضى الله علشان اتوكل على الله و اتعاقد عليها و اخلص
تحياتى و كل سنه و انتم بخير

[cameeron]

شوف يا ابو الكرم
1-بفرض انه ممكن تضيف كل كماليات الفئات الاعلى من السيارة فلو نجحت فى كده فسوف تلعب فى العربية من الداخل و الخارج و لو اردت بيع السيارة بحيث انك عاوز فلوسها بسرعة اللى هييجى يبص على العربية علشان يشتريها هيفتكر انها ملعوب فيها و على ايه يعنى تدخل منطقة الشبهات يعنى و اللى هتوفره النهاردة بشرائك عربية ناقصة كمالياتن و بعديتن تلعب فيها يوم ما هتبيعها هتخسر اللى وفرته و على ايه يا عمنا ماتدور على واحدة بالاوبشن اللى تحبه من غير ما تلعب فيها بسعر مناسب و انتظر لغاية ماتسلم الصبر جميل
2-سؤالك عن اللون هو سؤال نسبى كل واحد ممكن يقولك راى مختلف و اعتقد اللون ده ماشى لانى بشوفه كتير بس انا عن نفسى لما بابص على باقى الانواع بالشامبين بتاعها الشامبين بتاع السيراتو فاقع قوى و صراحة مش بيعجبنى قوى مع ان العربية دى مليانة الوان حلوة فعندك البتنجانى و السماوى و حتى الابيض فيها روعة لكن فى النهاية دى حاجة ترجع لك

ارجو ان اكون افدتك مع خالص تحياتى

[hazem_khidr]

اولا الف مبروك مقدما..
بالنسبه للكماليات ممكن تركب معظمها لكن مش كلها.
يعني الجنوط و الفوجات و المقابض النيكل حتقدر تركبها ببساطه.
انما المرايت حتبقي غاليه جدا غير كده اعتقد ان انت عندك غماز في الجنب مكان اشاره المرايا
فحيبقي شكل العربيه غير مقبول.
اما بالنسبه لطاره الدركسوين فمستحيل تغيرها علشان الايرباج و علاوه علي سعر الطاره الجديده
و كمان التوصيلات الكهربائيه المعقدم.

اما بالنسبه لكون انك تستني تلات شهور علشان تستلم عربيه كامله فدي حاجه ترجع ليك
هما العربيتين واحد في الموتور و العفشه و الاساسيات كلها و الفرق فقط في الكماليات
لو كماليات العربيه فارقه معاك استني و اصبر و برضه لما تجيب العربيه بكماليتها الاصليه بتبقي اشيك و اقوي.
غير انك لما تحب تركب طقم جنوط و فوجات و الكلام دا حتتكلف مبلغ مش قليل .

[Dr. Bolbolan]

ممكن تدخل على قسم كيا فى نفس المنتدى ح تلاقى اجابه لآسألتك و أكتر شويه !

و عمومآ فى مثل بيقول " شراء العبد أفضل من تربيته "

Dr. Bolbolan

[kaarim]

cameeron
اشكرك على رايك الطيب


hazem_khidr
الله يبارك فيك و شكرا على رايك..ان شاء الله اعمل بيهم


Dr. Bolbolan
كلامك مظبوط..عندك حق..شكرا على رايك