خطوة بخطوة تصنيع وقود سيارات السباق - للكبار فقط

[ramy safwt]

سلام عليكم

كنت وعدتكم من فترة احط هنا طريقة تصنيع وقود السباق و الفرق ببساطة بين الوقود ده و الوقود العادى هيا الانتاجية الحرارية للوقود ده و قدرته على استيعاب الحقن الجبرى للهواء و انتاج اقصى معامل انضغاط للمحرك غير انه بيكون شديد النقاء من الرصاص لكن فى نفس الوقت شديد الخطورة و مينفعش نستخدمه على طول عشان الزيت ميتهلكش بسرعة

من الاخر الوقود اللى هنتكلم عنه انهارده هو للأستخدام الاستعراضى و السباقات فقط مينفعش تحطه و تنزل تسوق فى اشارة روكسى ولا جسر السويس



هستخدم انهارده موديول الكحوليات و هختار بنزين الشعب العام 92 اللى هنحوله بعد كده لبنزين ليه قدات و تأثير مختلف تماما

قبل ما ابداء لازم اوضح ان فيه كذا موديول للوقود السباقات

فى مينهم عائلة الكحوليات - الميثانول - النيتريات - النيترو اوكسيد دول اهم اربع عائلات معروفة

و مهم جدا نعرف انه مينفعش تستخدم وقودين من عائلتين مختلفتين فى نفس الوقت مهما بدى التركيب الكيميائى بتاعهم قريب من بعضه

عائلة النيتريات محظوره لأن طبيعتها انفجارية - اساسا بيستخدم فى محركات الصواريخ


هنشرح دلوقت المواد المطلوبة مننا لعمل 1000 جرام من الوقود السباقات (لاحظ انى بقيس هنا بالجرام مش بالملى متر مكعب و ده بسبب اختلاف كثافة المواد المستخدمة

1-بنزين 92 من بنزينه مضمونة بالنسبة لينا عشان لو مغشوش هتكون مشكلة
2-كحول ايثيلى تركيز 70% يباع فى الصيدليات
3-سكر خام
4-اوكتان "نفط" يباع عند الموان و مينفعش تجيب غير العلبة اللى موضح عليها ان دية اوكتان عشان اى مواد تانية هتبقى كارثة
5-معزز وقود STP الازازة هتعملك كمية كبيرة جدا و ده بيتباع عن اى حد بتاع زيوت و سوائل سيارات

الادوات

1- ميزان جرامات ديجيتال
2-قمع
3-ورقة منديل سبرتو من اللى بينظف العدسات و النظارات و تنظيف الايدى
4-قارورة و بخاخه بخرطوم بتتعمل يدوى تركيب الخرطوم ده و بيتباع الخرطوم عند الموان و البخاخه انت اكيد عندك
5-جركن جاف لوضع البنزين به
6-معيار صغير " غطاء علبة دواء يكون نظيف عشان نعاير بيه الكميات القليلة

ادوات عملية الاختبار

1- هون
2-كوبلن قديم
3-مناديل كلينكس
4-اعواد ثقاب
5-ثانى كربونات البوتاسيوم او فوسفات الامونيوم بودة اطفاء الحرائق " بتتباع عن شركات الطفايات
6-رمل

تحذيرات هامة

1- البنزين مركب شديد الاشتعال فأحذر اين تستخدمه و ابعده عن الاطفال
2- لا تجرب هذا بعشوائية او تخطئ فى المقادير
3-تأكد من ابعاد البنزين عن مكان التجربة بعد الانتهاء منه و ضعه بمكان مؤمن جيدا
4- لا تسخن ولا ترج المزيج بشدة ابدا
5- لا تقم بالتجربة بالقرب من الميكرو ويف او الموبايل و هو مشغل مكالمة او فاتح انترنت
6-كن شديد الحزر من قطرات البنزين التى تسقط
7-لا تميل جسم الاختبار ابدا
8- لا تستخدم الماء فى اطفاء وقود السباق لأنه سيزيد الحريق و لن يقلله فقط سيخفض تركيز البنزين و يزيد كمية المادة المشتعلة و تبقى كارثة
9- احترس من ترك اى مفارش تنظيف على طاولة الاختبار


الخطوات الخطوة الاولى تجهيز ادوات التجربة فى مكان واحد



الخطوة الثانية هنستخدم ورقة السبرتو و نغلف بيها شفاطة الرشاش اللى فى البخاخه اللى جايبينها



الخطوة الثالثة هنخلى فى ازازة الكحول الاثيلى 20 جرام بس و الباقى هنفضيه فى ازازة تانية عشان نستخدمه لحاجات ناية و نضيف للكحول 6 جرام سكر

( 20*30% ) = 6 جرام و دول مش هيزوبو كلهم هنقلب الازازه و نضيف عليها 10 جرام بنزين و نسيبها على جمب دلوقت مقفولة خلى بالك دية كلها مواد طيارة اى زيادة فى مقدار السكر هيكون خطير جدا

الخطوة الرابعة

هنوزن 200 جرام بنزين و نعبيهم فى القارورة نراعى ان وزن القارورة يكون محسوب



الخطوة الخامسة هنضيف مكونات الخطوة الثالثة بعد تصفية رواسب السكر للقارورة





الخطوة السادسة هنركب الرشاش بالفلتر و نبخ البنزين بالاضافات دية للجركن اللى هيكون فيه الناتج بتاعنا



الخطوة السابعة هنخلط 20 جرام اوكتان و 20 جرام معزز وقود فى ازازة المعزز بتاع الوقود و نضيفهم للجركن اللى فيه الناتج بدون اى فلترة



الخطوة الثامنة هنخلط 300 جرام بنزين ب 30 جرام اوكتان و نبخهم بالفلتر لجركن الناتج بتاعنا

دلوقت بقى نيجى للمرحلة الاخيرة و هيا الحسابات

عندنا 235 جرام للبنزين و الكحول + 330 جرام للبنزين و الاوكتان + 40 جرام للأوكتان و المعزز = 605 جرام

يبقى مطلوب مننا نضيف 395 جرام عن طريق البخاخه و الفلتر للجركن و بكده يكون عندنا 1000 جرام وقود سباق


اجراء الاختبارات


الخطوة الاولى تنظيف سطح العمل جيدا

الخطوة الثانية تعبية الهون بالرمال و خرس الكوبلن فيه

الخطوة الثالثة ملئ المعيار بمقدار 2 جرام بنزين

الخطوة الرابعة تغميس ورقة منديل بالمعيار لتشرب بنزين

الخطوة الخامسة تفريغ محتويات المعيار بالكوبلن و اشعال الورقة

الخطوة السادسة الأطفاء ثانى كربونات البوتاسيوم

الخطوة السابعة تنظيف الكوبلن جيدا

الخطوة الثامنة اعادة الأختبار بأستخدام الوقود السباق و مقارنة النتائج بنفس المعيار و الكمية



النتائج

صور حرق الوقود 92 العادى





صور حرق وقود السباق






ملاحظات

الوقود السباق فرق فى العادم اللى صعب ملاحظة بعكس العادى وجوده اللهب - الناتج الحرارى اعلى -سرعة الاشتعال اكبر - صعوبة الأطفاء و ده يخليه يتحمل حقن الهواء الجبرى - رائحة احتراق نقية اكثر تناغما لشعلة اللهب - قعد مده اقل من العادى لنفس الكمية

تقدر تعمل كميات اكبر بالتكرار الخطوات

تكلفة الوقود مش اقتصادية لكنه ارخص من اى وقود سباق ممكن تشتريه مستورد

استخدامه للأستعراض فقط و للمحركات ذات معامل الانضغاط الداخلى اللى اعلى من 10 ضغط

عشان تعرف ال 1000 جرام يعملو قد ايه بالليترات استخدم وعاء معيارى لتر و قيس بيه

الوقود ده ليه تأثير عالى جدا مع الحقن الجبرى للهواء و مش بيشترط بوجيهات رياضية عشان تولعه


بالتوفيق لو حد ناوى يعمل ده يقولى عشان اتابع معاه التجربة اول لتر و بعد كده ينطلق براحته

[Marlborooo]

موضوع جااااااااامد جداااااااا

[ramy safwt]

مشكور بعد يومين الموضوع هيختفى وسط اعلانات الغسالات و البوتجازات شئ محبط

[ahmed_eng2001]

مشكور على الموضوع الرائع كالعادة .... بس انا ليا ملاحظتين:-

انا عجبنى جدا الحاجة الكبيرة الى بتتعمل من حاجات بسيطة ... زى اغلب مواضيعك
ده غير ان حضرتك بتعمل حاجة قيمة بثمن رخيص من حاجات بسيطة و من الممكن ان اغلب الناس تعملها فى البيت

المشكلة ان مش حتلاقى ناس كتير مهتمة برياضة المحركات و الشد و النيتروز و التربو تشارجر و الحاجات دى ... بس ده ميمنعش انى استفدت من الموضوع ده فى التركيب و خواص المواد
على اى حال انت بتعمل المواضيع لوجه الله ... و ربنا حيجازيك خير ان شاء الله

[nktis]

موضوع جاااااااااااااااااااااااا ااامد جداااااااااااا .,. جزاك الله خيرااا .

الموضوع هيختفى وسط اعلانات الغسالات و البوتجازات شئ محبط

للاسف عندك حق في النقطه دي .,. و منتظرين نعمل انتخابات عشان الاشراف يمسح اعلانات الغريبه دي اولا باول .