تجرربتى مع مركز المتحدة وصيانة ال50 الف كم هاااااااام جدااااااااا

[محمود حسين المتحدة]

المشاركة الأصلية كتبت بواسطة eng_yeso وانا كمان باضم صونى لصوت حضرتك يا استاذ طارق واتمنى سرعة الرد من طرفة بس رد حقيقى يبينلى الفلوس اللى ادفعت دى كلها لية ويكون تحليل منطقى ومدعم بصورة من امر الشغل ما يكونش بس كلام شيك ودبلوماسى وخلاااااااااااااص

انا بس تعليقى هنا هو حضرك معجبكش فى كلام استاذ طارق المحلاوى اللى حضرتك معلق عليه غير بس انه بيقولى ارد عليك ياهندسة . يعنى طب مالفتش نظرك انه الراجل بيقول انه متابع جيد لاخبار المركز وانه مستغرب كلامك لانه عارف سمعة المتحدة . وانه مستنى فرصة يعرف يلاقى وقت ويسوق عربيته من المحلة الكبرى للقاهرة عشان يعمل عربيته عندنا ... عارف اهو ده من اهم الاسباب فى سوء التفاهم بس هاشرحالك مع كل الاسباب دلوقتى حالا ...

[محمود حسين المتحدة]

المشاركة الأصلية كتبت بواسطة eng_yeso يا جماعة احقاقا للحق بس مش اكتر الاستاذ محمود معاة حق فى موضوع ان العربية ال 113 ليها 2 سير تكييف ودينامو وليس سير واحد وتم فعلا تغيير ال2 فى عربيتى (دى بس شهادة خق حبيت اقولها بعيدا عن اى خلاف معاة) واكيد دة بس لبس غير مقصود من العضو المحترم صاحب الرد دة

وكان فى قبلها سؤال لحضرتك بس مطعلش معايا فى الاقتباس اللى هو
و الوسطية؟ طيب ازاى دة اسعاركم اغلى من التوكيل نفسة

طبعا اولا شكرا لحضرتك على شهادة الحق وانا عارف انك مكنتش تقصد انك ماتوضحاش وده قولته فى كلامى قبل كدة . واما بالنسبة لسؤالك عن الوسطية فده تانى سبب من اسباب سوء التفاهم اللى حاصل - بصرف النظر عن الترتيب - وبردوا هنوضحه حالا .... يتبع

[محمود حسين المتحدة]

المشاركة الأصلية كتبت بواسطة eng_yeso انا بالنسبة لى قابلت استاذ محمد تيسير ةكان معاى لحظة بلحظة طول اليوم وكنت انا وهو رايحين جايين بين عربيتى وعربيتة بنتابع الشغل مع الناس عندكم ولو سئلتة على موضوع تامر موظف الاستقبال ... على فكرة ده بردوا من اهم اسباب سوء التفاهم ... يشرح حالا .....هتلاق رأية زى رأى انا بالظبط(انة ليس على دراية بمعظم الاشياء الاول يقولى على حاجات موجودة وتطلع مش موجودة وبعديد يقولى ان العربية بتاخد 5 كيلو زيت وتطلع بتاخد 4 بس وبعدين يقولى ان زيت الفيتيس بيتزود ويطلع بيتغير بالكامل كل 40 الف وتم تغييرة فعلا وفى الاخر بعد كل د فى الحساب يكلمنى بطريقة مش كويسة واقولة فين استاذ موجمود يقولى ما اعرفش وانة يعنى حتى لو موجود مش هيغير شىء واقولة اختملى الفاتورة يبصلة بقرف !!!!!!!!!! ويقولى على انة ما بيهتمش فواتير عشان الضريبة وبالنسبة لمحمد رشاد اعتقد ان رأية ههيكون مماثل لى وان كان الانطباع عن الاشخاص يختلف من واحدة للتانى .. هنا بئة حضرتك لو تقصد ان رأى استاذ محمد تيسير فى محمد رشاد يعنى . انا بس عايزاعيد تانى لحضرتك اللى راجل كتبه فى الفيسبوك انه بيشكر المتحدة على حسن المعاملة ولم يذكر اى شىء عن سوء معاملة بالعكس هو اثنى على الجميع وخصوصا الفنين والاستاذ سيف بردو اللى مش عارف حضرتك تقريبا مقريتش هو كاتب ايه اعتقد انه كان كاتب شكر وتحية احترام للمتحدة وذكر كل من تعامل معاهم بما فيهم محمد رشاد اما الثوابت والاسعار وخلفية الناس الفنية لا يمكن الجدال فيها ) وموضوع السعر انا للاسف ما اعرفش هم دفع كام لانى مشيت قبل ما هو يخلص وممكن حضرتك ترجعلة وتتأكد منة من كل كلمة مكتوبة

ممكن ندخل فى الموضوع بتاع تامر ده عشان واضح انه من اهم اسباب ان حضرتك زعلان بصرف النظر عن الفلوس مؤقتا طبعا
وعلى فكرة والله وحياة اولادى كلامى كله معاك وفى كل النقط مش هيكون عشان اثبت انك غلط او صح انا هقولك فى ردودى كلها الكلام بما يرضى الله حتى لو طلعنا غلط فى شىء انا مقدما ومن دلوقتى بعتذرلك عنه -
. كمان وفى نفس الوقت كمان موضوع تامر واحد من اسباب سوء التفاهم من وجهة نظرى واللى المفروض مكانتش تحصل وهقولك ليه ....
لانه حضرتك بنفسك لسة كاتب فى مشاركة سابقة هنا فى الموضوع ده الكلام ده بالظبط وانا تقريبا فاكر الموقف فعلا
(حضرتك بلسانك قولتلى ان تامر دة لسة جديدة ومش عارف حاجة يعنى فى الضياع حتى ساعتها كان معايا استاذ محمد تيسير شاهد على الموقف واسئلة )
الكلام اللى انا اقصد اقوله انه حضرتك يعنى زعلان من واحد انا بنفسى لما حضرتك سألتنى عن كلامه من اول ماقابلتك وبدون ماعرف تفاصيل غير تقريبا ساعتها كان موضوع زيت الفتيس او عدد لترات الزيت انا فعلا مش فاكر بس المهم انى قولت لحضرتك انه حد جديد ومش عارف حاجة بجد غير انه يسجل بيانات امر الشغل والاعمال الخاصة بالكمبيوتر يعنى وضحت لحضرتك انه مش مهندس استقبال وطبعا البديل ليه عشان حضرتك تاخد الخدمة وتعرف تكلفتك وكدة يعنى اللى هو انا او اى حد من اصحاب المكان وعلى فكرة تامر بيأكد انه متكلمش مع حضرتك فى اسعار اى قطع غيار ومن كلام حضرتك انا شايف انه فعلا مقالش لحضرتك حاجة غير معلومات فنية مش صح وكدة كدة هو مش اللى هينفذ هو مش فنى والفنيين اكيد قالو لحضرتك الصح
واما عن انه يتعامل معاك بقلة زوق او انه يبصلك بقرف او اى شىء فيه عدم احترام لشخصك فطبعا ده شىء غير مسموح به بالمرة وانا فعلا حققت معاه ووريته الكلام اللى حضرتك كتبه عنه فعلا والنتيجة اللى طلعت بيها صدقنى انه شىء غير مقصود منه بالمرة وحضرتك بنفسك قولت انه كان لطيف معاك طول اليوم لغاية لما وصلتم عند موضوع الفلوس ...وهنا بئة ومن وجهة نظرى مربط الفرس زى ما بيقوله ... ازاى ياعم محمود ياللى تاعبنا معاك ؟؟؟؟؟
بص يا بشمهندس ياسر تامر اولا حد ابن ناس بجد والله وده كان سبب اختياى ليه انه يشتغل معايا فى مكان ممكن يتعامل فيه مع عميل- بس فعلا لسة هو فى مرحلة تدريب على الشغل بتاعنا- ولو حتى بشكل بسيط وهو ومن النوع الخجول جداااا صدقنى بس فعلا عنده مشكلة انا لاحظتها كام مرة بس بجد من غير ما تضحك او تفتكر انى بهزر لانه والله انا فعلا بتكلم بجد انا لاحظت المشكلة دى مرتين كدة فى مواقف مع تامر وحسيت انه ليه بصة غريبة شوية - عارف بين الحادة واللى مش فاهم - معرفش هى دى اللى حضرتك تقصدها ولا لآ بس اللى لاحظته انه بيعملها لما يلاقى نفسه فى موقف مش عارف يتصرف فيه ممكن يكون زى الموقف بتاع حضرتك اعتقد لما وجد نفسه امام عميل مصدوم فى فاتورة اصلاح عربيته ومش عارف يعمل حاجة غير انه يدفع وهو طبعا - اقصد تامر - فعلا معندوش اى صلاحيات لاى خصم او اضافة للفاتورة الا بعد الرجوع لحد مننا اصحاب المكان .
والله اعلم طبعا بس ده تحليلى للموقف لما اكدلى انه مش ممكن يسمح لنفسه يعمل كدة مع حضرتك وانا بردوا عايز اكد لحضرتك حاجة مهمة واكيد مش هتعب فى انى اقنعك بيها وهى انى بدفع فلوس للراجل ومرتب اكيد محترم يليق بالمتحدة صدقنى اكثر بكتير من اللى بياخدوا مهندس الاستقبال فى التوكيل ودى معلومة اكيدة بالنسبة لاجر اى حد بيشتغل معانا فى اى تخصص بالنسبة لتامر صدقنى تعتبر الضعف بتاع مثيله فى التوكيل لو هو لسة بقاله فترة قصيرة . المهم انى اقصد انه لو هو زى ماحضرتك قولت انطباعك عنه مع كل الناس انه كنت اكيد طلبت منه يقدم استقالة من اول شكوى ولكن الحقيقة محدش اشتكى منه قبل كدة فعلا وبالنسبة لحضرتك وشكوتك انا شايف بس الفاتورة والاسعار مخلياك متحامل شوية - وطبعا انا مازلت فاكر انه حضرتك مستنى تفسيرات كتير فى الفاتورة - ويمكن الموقف كله كان انفعالى

عموما حضرتك انا بعتذرلك بالنيابة عن تامر وبالاصالة عن نفسى لو كان تحليلى غلط وانه فعلا تجاوز حدوده معاك ..

وبالنسبة للجزئية بتاعه انه قال لحضرتك اى معلومات غلط انا كنت واضح معاك وقولتلك انه لسة جديد وعموما هو احنا كدة كدة طبقنا نظام جديد ده كان بيتعمل بقاله اسابيع ولسة تحت التشطيب النهائى زى ما بيقوله بس مضمونه انه حضرتك لما هتسأل الراجل ده بعد كدة يعنى لو لينا نصيب مع بعض فى معاملة واتمنى انه يحصل انشاء الله لما تسأل تامر عن سعر حاجة بمنتهى البساطة يطلعها لحضرتك من الكمبيوتر فى دقيقة واكيد انشاء الله هتكون صح ولو حصلت انه قال سعر غلط لقطعة غيار مثلا هنكون ملزمين بيها زى اى مكان بيحترم نفسه وبيحترم الناس اللى بتتعامل معاه ( وده طبعا مطبق من يوم ما فتحنا بس هو محصلش قبل كدة لانه من اول ما بدأنا والموضوع ماشى انه الاسعار بتكون من خلالنا اصحاب المكان واحنا مش هنغلط فى حاجة زى دى عشان نضطر انه نخصمها لحد ومحدش قال حاجة زى دى قبل كدة ) . ده مع التأكيد على انه حضرتك عرفت سعر الصيانة اللى هو 200 ج منى انا شخصيا وكان كلامنا فى التليفون على حد كلامك وان كنت فاكر انى عيدته لحضرتك وانك سألتنى لما اتقابلنا المهم انه انا اللى قولتلك . يعنى قبل لما تشوف تامر اصلا لو كان كلامنا كان فى التليفون زى ما حضرتك بتقول والكلام ده هنقوله بالتفصيل فى الجزئية بتاعة الفلوس انا مش ناسيها وقاصد اعرف حضرتك كدة انى مش ناسى ولا بتوه فى الكلام يعنى .

يتبع .. حالا.... واسف بجد على الاطالة معلش ياريت تستحملنى بس انا فعلا بحاول اوضح الكلام من كل وجهات النظر

[محمود حسين المتحدة]

المشاركة الأصلية كتبت بواسطة myson medo معلش ربنا يعوض عليك

استاذ ميسون شكرا لمرور حضرتك الكريم بس واضح انه حضرتك قريت اول صفحة وطبعا بحسن نية قمت دايس على اضافة رد ودعيت للراجل اللى فلوسه ضاعت انه ربنا يعوض عليه وهو انشاء الله اكيد هيحصل بس يعنى مش لانه اتفرم فى المتحدة ارجو من حضرتك متابعة الموضوع والاطمئنان على البشمهندس ياسر ومش عارف يمكن بردوا تقولها وتدعيله ربنا يعوض عليه بس ساعتها مش هتكون على الفلوس اللى دفعها فى المتحدة هتكون على حاجة اكبر شوية ..... نخليها فى وقتها

يتبع حالا ...

[mhamdy75]

يا جماعة الخير

أنا على تواصل مع الاستاذ محمود

وطلب منى تنزيل المشاركة دى

--------

المشاركة الأصلية كتبت بواسطة cmatcho اعتذر عن حكايه السير التاني في ال 113 لكن مصمم ان اسعار المتحده اغلي من التوكيل والتعامل مع الاسبرانزا علي انها من السيرات الفارهه الموضوع ببساطه استاذ محمود حسين حضراتكم تقدمون خدمه تنافسيه مع وكيل السياره الاصلي لما العميل يجد ان اسعاركم تتنافس بل وتتفوق علي اسعار التوكيل في سياره اقتصاديه صيني من الاخر يبقي التوكيل هايكون افضل علي الاقل حضراتكم يجب ان يكون لديكم ميزه تنافسيه بجانب الخدمه الجيده وهي فرق السعر بينكم وبين التوكيل وبجانب المدخل بتاع المركز عندكم المفروض تعملوا خصم 50% علشان الصعوبه في الوصول اليكم ههههههههههه اوعي تزعل ياباشا حقيقي الامر عنكم محتاج مراجعه في الاسعار لان حتي في منتدي الاسبرانزا كلوب اعضاء كتير اشتكوا من موضوع السعر

اعتذار مقبول طبعا من حضرتك استاذ كماتشو وانا كنت متأكد انه حضرتك كنت فاكر انها سير واحد زى ال 516 ومتعرفش انهم 2 سير . وقبل اى شىء يشرفنى انى اتكلم مع حضرتك لاول مرة بشكل مباشر بعد قراتى لرأيك فى المتحدة مرتين وانا على فكرة من الناس اللى بتهتم بالنقد الهادف للمتحدة ... بس معلش سامحنى مش هاقدر اسلم بكلامك وان اسعار المتحدة ينفع تبئة اغلى من اسعار التوكيل - وعلى فكرة ده اهم سوء تفاهم فى الموضوع وهو طبعا اللى خللى الناس تقول حسبى الله ونعم والوكيل وتوصفنا باننا ناس معندهاش ضمير فى الموضوع ده ولكن معلش انا مصمم على النظام اللى انا ماشى عليه فى الكتابة ومش هتكلم فيه غير لما يجى الكلام فى الوقت بتاع الفلوس
يعنى هنعدى النقطة دى دلوقتى وهاثبتها لحضرتك وللجميع فى وقتها باذن الله وده مش معناه انى بكدب البشمهندس ياسر بس هو فعلا انا هاوضح سوء التفاهم والحكم ليكم وليه فى النهاية .

اما بالنسبة اننا بنتعامل مع الاسبرانزا على انها عربية فارهة ( مرسيدس يعنى ( فكلام حضرتك انا بصدق عليه بالموافقة بجد بس طبعا مش بالمعنى اللى حضرتك تقصده لانه اللى انا فاهمه من كلامك انك تقصد اننا بنحاسب العميل اللى راكبها على انه فى مستوى الناس اللى راكب مرسيدس من ناحية دخله او ثمن العربية يعنى .

اومال ازاى بتقول انك بتصدق على الكلام يا استاذ محمود ؟؟؟؟؟؟

اقول لحضرتك الموضوع ايه بالظبط

احنا فعلا بنتعامل مع الاسبرانزا ومش هى بس الحقيقة احنا شغلنا كله فى السيارات الحديثة فقط ( اسمنا المتحدة لصيانة السيارات الحديثة ) المهم احنا بنتعامل مع العربيات دىوخصوصا الاسبرانزا على انها فعلا عربيات لا تقل عن المرسيدس من ناحية طريقة الصيانة فهذه السيارات سيدى الفاضل وهاقولها تانى وخصوصا الاسبرانزا ... المهم كل العربيات الحديثة لا تسمح باى نوع من انواع الاجتهاد من الفنيين وانما يتبع معها نفس الاسلوب المتبع مع المرسيدس وكل السيارات الحديثة وهو التشخيص من خلال جهاز كشف الاعطال ومعدات الضبط الخاصةوتوفير العمالة المدربة لذلك بجد .والاهم هو الخبرات اللازمة فى الفك والتركيب واكتشاف الاعطال المتكررة بسهولة نتيجة خبرة الاسطوات اصحاب المكان عندنا فيها من اول لما نزلت فى 2006 ايام ماكانوا فى التوكيل ولغاية لما ققابلتهم بالصدفة بعربيتى الاسبرانزا وقررت افتح مركز صيانة متخصص فى الاسبرانزابقاله سنتين الكل بيشهد به على الاقل من الناحية الفنية يعنى باختصار بنتعامل معاها بالشوكة والسكينة زى ما بيقوله عارف ليه يا استاذنا لانها وباختصار سيارة مبنية على تكنولوجيا بجد عالية وممكن تفاجئك باعطال فى منتهى الغرابة ولاتفه الاسباب واسأل اى حد على الاقل ركبها سنتين عشان يكون يقدر يحكم او اسأل اى سواق تاكسى ده بالنسبة لل 516 فما بالك بال 113 اللى هى عربية رقيقة جدا وولاد الجنية الصينين حاطين جواه ماكينة وفتيس لو شوفتهم بره العربية ممكن ماتصدقش انه فعلا ليهم مكان جوة العربية ده غير التكنولوجيا اللى بتعتمد على اثنين وحدة كنترول وشوية سنسورات ربنا اللى يعلم بخامتهم ويسلام على علبة الفيوزات اللى هى والضفيرة بتاعت الموتور حتة واحدة يعنى لو عندك مشكلة فيها - اقصد علبة الفيوزات - او الضفيرة حتى. وتكون فى التوكيل مثلا يبئة لازم تغير الاثنين مع بعض لانها قطعة واحدة وادفع ياباشا او انك تيجى المتحدة ويطلعولك العيب فى دقايق ويحسبوك مصنعيات كهرباء 100 ج مثلا مع العلم انك ممكن تكون راكن العربية ومش بتمشى بيها عشان العيب ده وبيكون فى منتهى التفاهة بجد .
عرفت ليه يا استاذ كماتشو احنا ليه بنعاملها على انها مرسيدس باختصار لو الفنى اللى بيتعامل مع العربية مش فاهم او حاول يتفزلك بيودى العربية فى خبر كان

واما عن العميل اللى راكب الاسبرانزا فحضرتك احنا ناس ولاد سوق وعارفين احنا بنتعامل مع اى شريحة بالظبط يعنى باستثناء نسبة قليلة جداااااااا لكن فى المجمل كلها ناس كانت راكبة عربيات 128 و 131 وشاهين وبيجو قديم قبل كدةوانا اولهم حضرتك انا ركبت ال 128 لمدة 5 سنين وبأكد احترامى للناس دى ...... وعلى فكرة دول بئة نوعين ومعلش استحملنى شوية فى الرغى

الاول : اللى اشترى الاسبرانزا زيرو وده بئة حضرتك بيتصدم من اول وهلة انا مثلا روحت جهاز حماية المستهلك عشان عيب فى الفتيس بعد يومين بالظبط والموضوع تتطور معايا لانى افتح مركز صيانة احل فى عيوب العربية والتوكيل بعد بالظبط سنة وغيرت مسار حياتى انا عمرى ما اشتغلت فى العربيات قبل كدة - شركتى حتى الان فى المعادى وكيل وموزع معتمد للشوتايم وبقالها اكثر من 17 سنة - وفى ناس كان حظها حلو ومقابلتش مشاكل بسرعة بس بردوا مش راضية عن العربية او بمعنى اصح مش راضين عن خدمة ما بعد البيع للعربية من التوكيل - باستثناء بعض المشاكل اللى الناس خلاص عرفت بتعدلها ازاى للعربية حتى لو هى زيروو -وفيهم اللى بيكمل وبيستمر لغاية لما يعرف مكان زى المتحدة وبيطلق التوكيل بالثلاثة وكمان اللى لسة مستمر عشان الضمان لانه عارف ان قطع غيارها مش رخيصة .
المهم اللى عايز اقوله عنهم - النوع الاول يعنى - الناس دى على فكرة عمرك ما هتسمع منهم كلام عن الاسعار فى المتحدة وده لانهم فعلا عرفوا ده و ده بكل التفاصيل سواء الاسعار او الاهتمام بصيانة السيارة واخراجها بعد الصيانة بالشكل المطلوب فعلا .


الثانى : اللى اشترى العربية مستعملة وده بئة يا مستر كاماتشو فى منه انواع يعنى على سبيل المثال مش الحصر طبعا
اما انه واحد فاهم وعنده خبرة بالعربية يعنى مثلا من خلال سيارة والده قبل اما يشترى هو وده بيكون حد فاهم هو بيعمل ايه يعنى المعادلة بالنسبة له انه بيدور على عربية تكون موديل حديث يعنى 2008 او 2009 مثلا وتكون عاملة كيلو متر قليل يعنى 30000 ا و 40000 ومثلا بسعر 35000 جنيه وبيكون نصيبه ال 113 على اعتبار ان البدائل بنفس السعر بتكون موديلات 2000 او 2001 هيونداى اكسنت او اكسيل او دايوو تعبانة عاملة 150000 كم على الاقل فبتكون ال 113 انسب ليه

ومنهم ايضا اللى بيشترى العربية بعد لما باع الفيات وكمل عليها وجابها بردوا ال 113 ويكون فاهم انه بكدة اشترى عربية جديدة هتريحوا من مشاكل القديمةوانه مش هيصرف لكنه للاسف بيتفاجىء انه اسعار صيانة العربية بجد غالية سواء قطع غيار او تكفلة التركيب وهنا عندنا جزئين قطع الغيار اولهمهأجلها بس لغاية لما نفسر ليه المصنعيات غالية طبعا انا بقارنها بال 516الاشهر والاريح بصراحة ال 113 عندنا مثلا بتعمل صيانة ال كم40000 اللى هى الكاتينة وكدة يعنى ب 200 ج تكلفة صيانة والعربية ال 516 بتعمل نفس الصيانة ب 150 ج ده ليه لانها عربية اقصد ال 113 ضيقة جدا والحاجة مرصوصة جواها بشكل لو اللى هيفك مش مدرب عليها بجد مش هيعرف يرجعها تانى او هيفك العربية كلها عشان يعمل اللى هو عاوزه وبالتالى بتاخد وقت اكبر ومجهود اكثر
على عكس ال 516 خالص ..
وبالنسبة لقطع الغيار انا اجلت تعليقى عليها عشان بردوا اعلق على كلمتك يا مستر كاماتشو عن العربية لما بتقول ( عربية صينى ) بص ياباشا الكلام اللى هاقوله ده وبعد خبرة سنتين مدير مركز صيانة متخصص فى الاسبرانزا ( طبعا فى الاساس احنا بنشتغل يابانى ووكورى وصينى ) المهم كمان انى من مالكى السيارة بقالى بالظبط من مارس 2009 يعنى كدة 3 سنين و9 شهور وعامل بيها 115000 كم

بص ياباشا الكمين اللى موجود فى العربيات الصينى هنا فى مصر انه بيبعلك عربية كاوبشن وامكانيات تعادل سيارات اخرى فى اليابانى والكورى بس مثلا اقل من ثمنهم برقم محترم يخليك تحس انها عربية لقطة وتيجى بئة عند قطع الغيار وطبعا كلنا عايزين نركب قطع غيار اصلية ده الاساس فى التعامل مع حاجة مهمة زى السيارة بتاعتى اللى بتشيلنى انا واسرتى وكل غالى معى لكل مكان . المهم خلينا مثلا فى الاسبرانزا عشان حضرتك تعمل صيانة كاتينة فقط ومعلش هضرب مثل على ال 516 عشان بس حافظ معظم اسعارها طقم الكاتينة اللى بيتقال عليه اصلى عندنا وفى التوكيل وهو فى الحقيقة هاى كوبى محترم بس ثمنه فى السوق 550 ج وممكن حضرتك تاخده من المتحدة بنفس السعر برضه بس بدون ضمان زى المحل . المهم ومعاه سير دينامو بحوالى 100 ج يعنى 650 ج عارف حضرتك الكلام ده فى الدايو ممكن يعمل كام تقريبا حوالى 250 او 300 ج بالكتير وده يأكد كلامى لحضرتك عارف بئة كمان لو عايز تركب الطقم الاصلى زى اللى بيجى فى العربية وده على فكرة مش موجود غير عندنا فى المتحدة لغاية دلوقتى يعمل كام 750 ج وبندى عليه ضمان 50000 كم او سنتين ونصف .يعنى قول اننا ممكن نبيعه بدون ضمان فى يوم من الايام لو بقى عليه منافسة يعنى بالكتير مش هينزل عن 650 ج ومعاهم سير دينامو يعنى 850 ج باضافة سعر سير الدينامو للسعر الحالى .
عارف حضرتك انا وانا صاحب المتحدة عشان اركب فانوسين شبورة اصلى لعربيتى اشتريتهم ب 340 ج مع العلم طبعا انه فى منهم كوبى ب 150 ج الاتنين وكمان فى 110 ج الاثنين بردوا بس طبعا فرق السماء من الارض فى الجودة وقوة الاضاءة – واللى مش مصدق يجى وانا اوريه الفرق بنفسه –
باختصار يا سيدى الفاضل عشان تركب قطع غيار اصلية لعربية صينى لازم تدفع بجد .. والصينى مش معناه انه قطع غياره رخيصة نفس الكلام على ما اعتقد فى البرليانس .. بس بردوا فى منها اللى يمشى الحال ويتناسب مع دخل الناس اللى راكبة العربية ولكنه للاسف ماينفعش فى الحاجات المهمة زى قطع غيار الموتور مثلا .

واخر حاجة معلش على فكرة يا استاذ كماتشو فى حتة اننا لازم نجتهد اننا نعمل اسعار تتنافسية فاعتقد اننا فعلا بنعمل كدة وعملناه مع ال 516 كخطوة اولى وده حضرتك هتلاقيه بالتفصيل فى الموضع بتاعنا واللى اسمه العروض المقدمة من مركز المتحدة لو حضرتك ضغط عليه فى مواضيعى اللى مكتوبة تحت اى مشاركة بعملها ... واستأذن حضرتك بجد ياريت تقراه عشان تتأكد ان كلامى معاكم هنا فى منتهى الشفافية .

واما ان اسعارنا اغلى من التوكيل والكلام ده انا وعدت انى هثبتلك انه مش حقيقى باالارقام حالا لانه كدة انا الحمد رضيت على كل المشاركات اللى تمت ومش فاضل غير انى ارد على البشمهندس ياسر اللى مش عارف اقوله ايه والله على التأخير ده كله فى عدم الرد عن استفساراته بالنسبة للاسعار اللى من وجهة نظره انها غالية او على الاقل هو مش فاهمها .... بعتذرله كتير وانا دلوقتى وبدون الخروج عن موضوع سؤاله هرد عليه حالا مع التعليق طبعا على بعض الجزئيات المهمة اللى كتبها فى الموضوع فى اول صفحة ..... يتبع





------------------------