سحب العربية ؟؟

[Dr.Abo Hassan]

السلام عليكم , ارجو الرد من اهل الخبرة على الاسئلة التالية , وجزاكم الله خيرا

1- في معظم الأوقات لما ادوس على دواسة البنزين جامد شوية احس ان العربية بتترج مني مع العلم ان عربيتي اتوماتيك - هيونداي ماتريكس -
, وكمان ده زاد اكتر لما حطيت بنزين 90 لأن ماكنتش لاقي 92 خالص , وهي متعودة دايما على 92
, فياريت حد يقولي بتترج من ايه ؟؟ و وهل بنزين 90 بدل 92 غلط ولا لأ ؟؟

2- كنت راكب مرة مع واحد بيسوق من زمان وعربيات كتير وهو اللي كان سايق عربيتي , وقالي مال سحب العربية ده بطئ كده ليه ؟
, وانا فعلا باحس ان سحب العربية قليل ,
- مع العلم ان انا مشترى العربية من حوالي 4 شهورمستعملة وماغيرتش زيت فتيس الاتوماتيك لكن بازوده كل شهر ونص فهل ممكن يكون ده السبب ,
وايه الاسباب الأخرى لقلة السحب ؟؟

اسف على الإطالة , ارجو الرد وجزاكم الله خيرا

[samirayad]

لو السياره عامله كيلووات كتير

أرى أنه يجب تغيير زيت وفلتر زيت الفتيس

مع تغيير كل من للمكنه

1- بوجيهات

2- فلتر بنزين وفلتر هواء

ثم يتم الحكم على سحب السياره ومتابعة التطورات

لكن بازوده كل شهر ونص فهل ممكن يكون ده السبب ,

وفيه سؤال يادكتور

لماذا يتم تزويد زيت الفتيس

فهل منسوب الزيت بينقص معاك كل ماتقيسه

لو الإجابه

بنعم

يبقى لازم تعرف برضه مصدر تسريب الزيت من الفتيس

[Dr.Abo Hassan]

المشاركة الأصلية كتبت بواسطة samirayad لو السياره عامله كيلووات كتير أرى أنه يجب تغيير زيت وفلتر زيت الفتيس مع تغيير كل من للمكنه 1- بوجيهات 2- فلتر بنزين وفلتر هواء ثم يتم الحكم على سحب السياره ومتابعة التطورات وفيه سؤال يادكتور لماذا يتم تزويد زيت الفتيس فهل منسوب الزيت بينقص معاك كل ماتقيسه لو الإجابه بنعم يبقى لازم تعرف برضه مصدر تسريب الزيت من الفتيس

جزاك الله خيرا استاذ سمير , اعزك الله , انا كنت غيرت طقم سيور وتيل الفرامل وزيت الباور ,
لكن ماغيرتش فلتربنزين ولا بوجيهات ولا فلتر هوا فعلا , هاروح اكشف عليهم عند الميكانيكي ان شاء الله
لكن بالنسبة لزيت الفتيس , وتزويده , الصراحة لما اروح اغير زيت الموتور , الراجل بيأخد مني زيت الفرامل والفتيس والباور ويزودهم هما , فمااعرفش نظام زيت الفتيس ايه الصراحة
طيب وبالنسبة لتغير البنزين من 92 ل 90 هل ممكن يأثر برضه ؟؟

[samirayad]

طيب وبالنسبة لتغير البنزين من 92 ل 90 هل ممكن يأثر برضه ؟؟

لاتوجد أدنى مشكله

ببساطه شديده

معدل التدرج بين بنزين 90 & 92

يكاد لايذكر

بدليل بسيط جدا

الفرق بينهما فى اللتر ( 10 قروش )

لكن بالنسبة لزيت الفتيس , وتزويده , الصراحة لما اروح اغير زيت الموتور , الراجل بيأخد مني زيت الفرامل والفتيس والباور ويزودهم هما

وكمان فيه حاجه تانيه

الزيوت بصفه عامه أو مية التبريد بالسياره

عباره عن دورات تشغيل مغلقه

ولا يجب تزويدها

فعملية التزويد لأى مكون فى دايره مغلقه

مش منطقى أساسا من وجهة النظر العلميه

وكون أن الواحد يزود زيوت فى دورات مغلقه

يبقى فيه حاجه مش طبيعيه بتدور فى هذه الدوائر المغلقه

ويجب إصلاح هذا الشىء الغير طبيعى

[Dr.Abo Hassan]

جزاك الله خيرا باشمهندس , وجعله في ميزان حسناتك اللهم آميين