إلى إخواني خبراء الميكانيكا: هل ممكن فعلا الكرنك يتكسر؟؟؟

[مهند سالم]

ألف شكر يا جماعة
إن جيتو للحق أنا أكثر حاجة تعباني إني مش لاقي ميكانيكي صنايعي ابن حلال، فادعوا لي ألاقي واحد كويس، وإن شاء الله خير

[اميركول]

اخي العزيز احب اقولك ان الكرنك اتكسر معايا قبل كده برضه سمعت صوت وروحت للميكانيكي قالي خلي بالك العربيه بترزع قولتله ازاي العربيه بتلين وكانت للاسف لسه معمولها عمره عند واحد بتاع بليله الله يسامحه فقلت مش عامل حاجه فوجئت ان الكرنك اتكسر روحت للميكانيكي جابلي كرنك تاني وغيره في حالتك انت فاضلك خرطته 050 وخرطه 060 ولكن انصحك غير الكرنك الا في حاله تسلخ الشمايز او وجود عتب فمن الافضل غير الماتور بأستيراد وربنا يوفقك

[مهند سالم]

أشكركم جميعا إخواني الأعزاء، إن شاء الله هأفك الموتور بكرة، وأشوف الدنيا فيها إيه، وادعوا الله لي أن تكون الأمور ميسرة، وأن يوفقنا لما فيه الخير.

[مهند سالم]

للأسف يا إخواني فكيت الموتور ولقيت كلام الميكانيكي الأولاني كان صح، الموتور فعلا عايز عمرة كاملة، الكرنك مجلخ والشمايز والبساتم، طبعا الحمد لله جبت موتور استيراد من عندنا من عزبة شلبي كلفني 1500 جنيه بالإضافة ل100 جنيه مصاريف ورق الموتور، وجاري التركيب، ادعو الله لي بالتوفيق

[مهند سالم]

مواصفات الموتور عشان ما حدش يتنصب عليه:
أولا الموتور ب1500 بالإضافة ل100 جنيه مصاريف تسجيل في المرور.
- الموتور بالفتيس
- الموتور بكل الكماليات من دينامو ومارش وكرابيراتير (وجبته بكاربيراتير كهربا)، واسبيراتير (اسبيراتير الكتروني).
- الموتور لازم حضرتك تجربه قبل الشراء ويكون معاك فني متخصص.
- لازم تطمئن إن الموتور لم يفتح.
- تكلفة الفني بالتركيب 200 جنيه فقط لا غير.
التكلفة الإجمالية 1800.