فيرنا اوتوماتيك ولا نيسان صنى الجديدة اوتوماتيك ؟للاجره

[waelsalah]

السلام عليكم ورحمة الله
كل عام وانتم بخير
رمضان كريم

انا حاليا عندى فيرنا مانيوال اجره

وربنا يعافيني ويعافيكم يارب جالى غضروف وبتعالج منه وربنا يكتب الشفا يارب

طبعا عارفين المانيوال فى الزحمة متعب جدا ازاى

بس المشكلة ان لو جبت اوتوماتيك هدفع فرق كتير

رغم ان العربيه موديل 2013 وماشيه حوالى 75 الف كم وانا فقط اللى كنت بسوقها وحالتها بسم الله ماشاء الله مقاربه جدا للزيرو صيانات مستمره وكله الاصلي وفى مواعيده تمام الحمد لله

هل
1- اجيب فيرنا اوتوماتيك مستعمله بحالة كويسه ؟
وبكده هدفع فرق قليل او يمكن مدفعش ؟

2- اجيب فيرنا اوتوماتيك زيرو ؟
هدفع فرق كبير ميقلش عن 50 الف ج ؟ وده مش متوفر معايا ؟
وهلاقي صعوبة فى تقسيطه ؟

3- ايه رايكم فى النيسان صني الجديدة ؟
بشتغل ع الغاز حلو ولالا ؟
وطبعا هدفع فرق كبير هيعدي 70 الف ج ؟ وبرده مش متوفر معايا ؟
وهلاقي صعوبة فى تقسيطه ؟

اعتقد ان الاختيار الاول هيكون مثالى
بس انا خايف من المستعمل خصوصا الاجره ولا ايه رايكم ؟

وهنا ليا سؤال

انا طبعان مش حابب الفيرنا اوى لفترة طويلة فى السواقه
لان دواستها ضيقة وواطيه عن الارض وضيقه فى الشنطة والكنبة
بس السوق فى البيع والشرا هو حاكم علينا بكده

فلو جبت فيرنا اوتوماتيك هحس براحه
ولا هى هى ؟

ولازم من الافضل ان اغير الفيرنا كلها
واجيب مثلا نيسان صنى اوتوماتيك ؟


انا اسف جدا للاطاله
بس قولت افكر معاكم بصوت عالى
حفظكم الله من كل شر

وشكرا جزيلا

[محمد فيصل]

وعليكم السلام ورحمه الله وبركاته :
كل سنة وانت طيب يا غالى
شفاك الله وعافاك إن شاء الله
الاختيار الافضل للتاكسى هو اما فيرنا اتوماتيك مع نفس الشكاوى ولكن بدون الدبرياج ومتاعبه
الإختيار الاميز ومجرب ولكن بدون غاز لانسر بومه 2015 الكلاسيك التى لا تزال متوفرة عند بعض التجار الان

[waelsalah]

المشاركة الأصلية كتبت بواسطة محمد فيصل وعليكم السلام ورحمه الله وبركاته : كل سنة وانت طيب يا غالى شفاك الله وعافاك إن شاء الله الاختيار الافضل للتاكسى هو اما فيرنا اتوماتيك مع نفس الشكاوى ولكن بدون الدبرياج ومتاعبه الإختيار الاميز ومجرب ولكن بدون غاز لانسر بومه 2015 الكلاسيك التى لا تزال متوفرة عند بعض التجار الان

الله يخليك ويحفظك يا استاذ محمد

طيب بالنسبة للفيرنا الاوتو حضرتك تنصح انى ممكن اجيبها مستعمله ولا لازم زيرو خصوصا للاجره ؟

ومن فضلك تسعير عربيتي كام تقريبا مو 2013 75 الف كم بحالة جيده جدا تعمل كام تقريبا
كسيارة اجره من غير تمن النمر والعداد

حضرتك تقصد البومه نص كامله اوتو ؟
بس صعب جدا جدا جدا انى اشتغل اجره ببنزين 92 ؟

وما رايكم فى النسيان صنى الجديدة ؟ و البي واى دى الاوتو ؟

اسف للاطاله
وحفظكم الله من كل شر

وشكرا جزيلا

[محمد فيصل]

المشاركة الأصلية كتبت بواسطة waelsalah الله يخليك ويحفظك يا استاذ محمد نحن جميعاً نساعد بعض لوجه الله طيب بالنسبة للفيرنا الاوتو حضرتك تنصح انى ممكن اجيبها مستعمله ولا لازم زيرو خصوصا للاجره ؟ يفضل ان تكون الفيرنا الاوتو زيرو جديدة ومن فضلك تسعير عربيتي كام تقريبا مو 2013 75 الف كم بحالة جيده جدا تعمل كام تقريبا تسعير السيارة المستعملة ليس لى طريق فيه كسيارة اجره من غير تمن النمر والعداد حضرتك تقصد البومه نص كامله اوتو ؟ بس صعب جدا جدا جدا انى اشتغل اجره ببنزين 92 ؟ ليس يوجد مفر من استخدام ال92 والغاز مدمر مع العلم ان الغاز سوف يطبق اجبارياً على السيارات الاجرة فى اسرع وقت وبالكامل فى خلال عامين وما رايكم فى النسيان صنى الجديدة ؟ و البي واى دى الاوتو ؟ لا يصلحوا للعمل كسيارة اجرة فى شوارع بلد العجائب اسف للاطاله لا يوجد بيننا اسف ولا يوجد اطاله وحفظكم الله من كل شر حفظنا وحفظكم الرحمن من كل شر سوء إن شاء الله وشكرا جزيلا

الشكر لله
رمضان كريم

[waelsalah]

اعزك الله وافاض الله عليك من واسع علمه وفضله

طيب حضرتك المتاح حاليا
انى اما اعدل فى المانيوال الى اوتو ماتيك
هل هتكون عمليه 100 % ولالا ؟
وايه المحتويات اللى هيتم تغييرها واسعارها من فضلك ؟
وهل التوكيل غبور ممكن يعملي التغييرات عشان تبقا فبريقا


اوا اشتري فيرنا اوتوماتيك بس هيكون فى اقساط ؟

او استحمل لما باذن ربنا سبحانه وتعالى يكتب الشفا واكمل فى المانيوال
ولا انا ابقا كده ابقا بضر نفسي صحيا وماديا فى الشغل نفسه ؟

متابع حضرتك
وجزاكم الله خيرا