انطباعى عن الاوكتافيا بعد قياده 3 سنوات !

[BmW MeRo]

المشاركة الأصلية كتبت بواسطة modiabbas السلام عليكم انا فى الموضوع ده هعرض انطباعى عن قياده الاوكتافيا a5 2009 لمده 3 سنوات عامله معايا 37000 كيلو هتكلم على مزايا و عيوب بكل حياديه اكيد مش هقول الحلو بس اللى فيها انا مش صاحب الشركه الموضوع هيتضمن صور و فيديوهات عديده اتمنى يعجبكوا ... اول حاجه هتكلم عليها الاداء و اعتقد ده جزء مهم اوى و كل الناس بتسال عنه الاوكتافيا مزوده بى موتور 1600 Cc و قوه 102 حصان و عزم 148 نيوتن التسارع معايا كان 12.5 ثانيه من 0-100 ... و اقصى سرعه 210 بس ملحقتش اصورها ديه و ده طبعا الفيديو بتاع من 0-180 و كانت الظروف سيئه للطريق http://www.youtube.com/watch?v=2JyxRTiw8qw&feature=plcp طبعا عربيه بالوزن ده 1300 كجم من غير اى ركاب و موتور 1600 4 سلندر و 8 صمامات فقط ده اداء ممتاز بالنسبه للظروف ديه ... و انا كاصاحب للسياره عاجبنى ادائها جدا .. عشان مش كل حاجه الاداء فى حاجه مهمه جنب الاداء و هى الثبات و الفرامل .. ممكن تلاقى عربيه ادائها عالمى بس فرامل صفر ! نيجى لتانى نقطه و هى الفرامل .. انا هعرض كذا تجربه ليا مع الفرامل فى اسوأ الظروف اللى واجهتها كنت على الدائرى و كنت مستعجل فا ماشى على 180 و الطريق قدامى مفتوح فجأه الاقى قدامى عربيه فيرنا بتلعب و بتعوم يمين فى شمال ... من غير اى تفكير و على سرعه 180 دوست فرامل على الاخر و الحمد لله وقفت مكانها فى نفس الحاره اللى فيها من غير اى زحف او حاجه فى خلال فتره زمنيه قليله جدا نتكلم على تجربتى فى التعديل فيها كنت بعمل حاجات بسيطه كده زى فلتر اسبورت و كده ده كان فلتر سيموتا حجم صغير http://www.youtube.com/watch?v=GTTL2hkNnVs&feature=plcp و ده فلتر سيموتا كاربون http://www.youtube.com/watch?v=N7zO6GUpPzg&feature=plcp http://www.youtube.com/watch?v=6PVMDlarQLI&feature=plcp و الاتنين كانوا حلوين اوى العيب بس كان بيحرق بنزين كتير ده لما تحب تجرى بيه و الميزه حاجتين اول حاجه كان بيسخنى جامد و بيزود السحب بسيط بس بيفرق لو متركب صح و الميزه التانيه انك لو ماشى براحه هيوفر بنزين عشان الموتور بيتنفس احسن هنيجى نتكلم على موضوع البنزين العربيه استهلاكها فى البنزين طبيعى جدا و لا دليل على انها حووت بنزين زى ما بيقولوا و عن تجربه و بالصوره http://imageshack.us/photo/my-images...716919227.jpg/ و العربيه مزوده بى ناقل 6 غيارات ستيبترونك و هو مما يجعل استهلاك البنزين قليل ليس كما يقول الكثير انها غوول بنزين حيث ان الاستهلاك على كمبيوتر العربيه مع تثبيت السرعه على 100 كان 4.5 لتر لكل 100 كم و ديه صوره تأكد كلامى من عربيتى على الصحراوى .. عملت فى التوكيل 3 صيانات 10000 و 20000 و 30000 عندى اسعار بعض قطع الغيار ازاى فانوس المانى فى التوكيل بى 900 جنيه بس و رفرف بالقواعد بتاعته بى 700 جنيه بس و عند تغيير التيل و الطنابير فى التوكيل كانت الاسعار كالاتى طقم تيل فرامل امامى ( 2 تيل امامى ) : 355 جنيه طقم تيل فرامل خلفى ( 2 تيل خلفى ) : 350 جنيه طنابير فرامل خلفيه ( 2 طنابير خلفى): 650 جنيه فلتر هواء : 107 جنيه فلتر زيت : 44 جنيه منظف رشاشات : 24 جنيه منظف محرك : 25 جنيه فلتر تكيف : 90 جنيه و طبعا الاسعار ديه كعربيه المانى بالنسبالى مريحه جدا نيجى بقى لاكتر حاجه بحبها فى العربيه ديه هو طقم الصوووت بتاعهااا ده كذا فيديو لعربيتى برضه اتمنى يعجبكم http://www.youtube.com/watch?v=m-v73...re=context-chv http://www.youtube.com/watch?v=NKAUkYg6_DE&feature=plcp http://www.youtube.com/watch?v=-R8Sq...re=context-chv نيجى لموضوع التكيف اللى عليه جدا كبير اوى هو انا صراحتا فى اول 15000 كيلو كان ادائه مش عاجبنى اوى بس بعد صيانه ال30000 اقسم بالله اليومين دول انا مش بفتحه على اكتر من درجتين و لمل اسقع اعمله على درجه واحده تغيير تماما و بقى تلاجه العيب الوحيد اللى انا شايفه صوت تزييق خفيف من الجانب الايمن فى الخلف تشعر به عند اغلاق النوافذ و الكاسيت والمشى فى طريق مكسر و سئ ... و لكن غير محسوس بالمره الا لو ركزت معاه جداا !! العربيه مريحه جدا و واسعه حيث المسافه بين قدم الراكب الخلفى و الكرسى الامامى كبيره جدا و مريحه و الكراسى الاماميه مريحه جدا نيجى بقى نتكلم عن شنطه العربيه فهى بحر بمعنى الكلمه مساحتها كبيره جدا جدا جدا ! و فى امكانيه فتحه الشنطه على الكنبه لتحصل على مساحه اكبر بحس شنطتها عامله زى العربيه النص نقل كبيره جدا من الخلف و الاعجب ان مساحه الشنطه الكبيره لن تؤثر على مساحه الصالون نهائيا .. التعامل مع التوكيل عادى جدا لا اجد اى شكوى كى اشتكى ... مع ان فى ناس بتشتكى بس معرفش من ايه انا مستريح جدا مع التوكيل خلال الثلاث زيارات السابقه و فى النهايه ديه حبه صور للعربيه و اى استفسار تحت امركوا http://imageshack.us/photo/my-images...102000226.jpg/ http://imageshack.us/photo/my-images...102000224.jpg/

ربنا يبارك ليك ويبارك ليك فيها بجد فتحت نفسى على الاوكتافيا اكتر منا بحبها وباسعار قطع الغيار الى بتقول عليها دى تبقى عادى بنسبة الالمانى انا معايا BMW اسعار قطع غيارها نار انا كنت محتار بينها وبين الفيكترا وجيتا بس قلبى ميال لاوكتافيا حاسس انها عربية بنت حلال
ياترى بس قطع غيارها معمرة ولا والسخونية بتاعتها
تانى حاجة بقى اسعار اعلى فئة منها كام قدامى واحدة اليجانس عاملة 24 الف وصاحبها ماسك على 120 الف ياترى السعر دى اية اخبارة العربية فبريكة من برا ومن جوا بشهادة التوكيل

[BmW MeRo]

المشاركة الأصلية كتبت بواسطة modiabbas بيعها يا باشا دى مش عربيه اصلا .. هات دايو لانوس احسن منها

الفيرنا احلى يابرنس ولاية

[noha_gh]

المشاركة الأصلية كتبت بواسطة HaMaDa-ToUBaR مفيش كلام من دة انا اول مرة اسمع منك الحكاية دة .. عاوزة نصيحتى انتى تروحى لواحد بتاع الكترونيات محترم وتجيبى الاريال الخارجى وتوصلى علية وتشوفى لو لقط اشارة يبقى الجهاز بتاعك زى الفل والمشكلة فى الوصلة الى رايحة من الكاست للانتنا ودة فى الغالب الى هيكون عندك .. وع فكرة الموضوع بسيط بس محتاج حد فاهم وعندة ضمير مش اكتر .. لو الحد دة مش موجود يبقى تقبلى الوضع كما هو علية علشان محدش يفتحلك حوارات فى الفاضى

انا بالفعل جربت موضوع الاريال ده و وصلت الكاسيت على اريال خارجي و كانت نفس المشكلة موجودة

[HaMaDa-ToUBaR]

المشاركة الأصلية كتبت بواسطة noha_gh انا بالفعل جربت موضوع الاريال ده و وصلت الكاسيت على اريال خارجي و كانت نفس المشكلة موجودة

يبقى كدة المشكلة فى الكاست نفسة ولو انها متعتبرش مشكلة يعنى ... هى بتبقى حاجة بسيطة جدا ومفيس فيها عقد

حصلت عندى قبل كدة وكانت المشكلة ان لحام الجاك الى جوة الكاست فك من مكانة ولحمتها تانى وانتهت المشكلة

يبقى دلوقتى انتى محتاجة تروحى لواحد يكون ثقة او معرفة اى حد من قرايبك او مشهور انة كويس وتقوليلة انك عندك عيب فى استقبال الاشارة فى الكاسيت وان شاء الله يحللك المشكلة

[noha_gh]

المشاركة الأصلية كتبت بواسطة HaMaDa-ToUBaR يبقى كدة المشكلة فى الكاست نفسة ولو انها متعتبرش مشكلة يعنى ... هى بتبقى حاجة بسيطة جدا ومفيس فيها عقد حصلت عندى قبل كدة وكانت المشكلة ان لحام الجاك الى جوة الكاست فك من مكانة ولحمتها تانى وانتهت المشكلة يبقى دلوقتى انتى محتاجة تروحى لواحد يكون ثقة او معرفة اى حد من قرايبك او مشهور انة كويس وتقوليلة انك عندك عيب فى استقبال الاشارة فى الكاسيت وان شاء الله يحللك المشكلة

هسأل على حد كويس ... شكراً للرد و اهتمامك