انطباعى عن الاوكتافيا بعد قياده 3 سنوات !

[modiabbas]

المشاركة الأصلية كتبت بواسطة momorsy بصراحة مع كامل شكري للموضوع الا انه لم يتطرق لاي عيوب؟؟؟؟؟ انا كانت معايا دايو ليجانزا قبل الاوكتافيا وللاسف مش مقتنع بالاوكتافيا خالص وحاسس اني نزلت لعربية اقل مستوى وده انطباع: الباور بتاع العربية ناشف قوي مقارنة بالياباني والكوري؟؟؟؟ في اماكن كنت باعرف اركن بيها بالليجانزا مش عارف اركن فيها بالاوكتافيا مع ان الليجانزا اطول ب 30 سم؟؟؟ الاوكتافيا مابحسش فيها بالمطبات الخفيفة خالص لكن المطبات الثقيلة باحس ان العربية هاتنط مني؟؟ رغم ان عرض الاوكتافيا هو نفسه عرض الليجانزا حسب المواصفات المكتوبة عن العربيتين الا ان الاوكتافيا ضيقة جدا من ورا " معلش اعذرني الاوكتافيا مش عربية واسعة ابدا مجرد مقارنتها بحاجة مثلا زي ال سيفيك هاتخسر" غير كده انا واجهت مشاكل اصوات كتيرة فيها ممكن تفيدوني لو ليها سبب او ليها حل: التكييف بيزيق على طول وفي الجو الحلو بتاع الايام دي مايقارنش بتكييف الياباني في تخبيط في المطبات الثقيلة من ورا حاسس ان في حاجة بتخبط في المطب خصوصا لو نازل كتير سواء اخدت المطب على بطيء او سريع وده بصراحة خيبة امل كبيرة خصوصا اني مشتري الاوكتافيا مخصوص علشان عفشتها

بيعها يا باشا دى مش عربيه اصلا .. هات دايو لانوس احسن منها

[noha_gh]

]

عندي استفسار بخصوص الكاسيت - انا عندى نفس الكاسيت ده الراديو مش شغال و المشكلة مش من الاريال و في حد قال لي ماتتعبيش نفسك فيه عشان هو اصلا دائما كده الاشارة ضعيفة - الكلام ده صح؟

[HaMaDa-ToUBaR]

والله انت بجد برررررنس كبير ,,,, تسلم ايدك ع التقرير الكامل المتكامل دة

وليا طلب كبييير عندك ممكن ؟؟؟

انا عاوزك ترفعلى الكام السى دى الى عندك دول علشان انت ذوقك عاجبنى

وتسلم مرة تانية يا غالى ع التقرير وع السى ديهات الى هترفعهوملى

[HaMaDa-ToUBaR]

المشاركة الأصلية كتبت بواسطة noha_gh ] عندي استفسار بخصوص الكاسيت - انا عندى نفس الكاسيت ده الراديو مش شغال و المشكلة مش من الاريال و في حد قال لي ماتتعبيش نفسك فيه عشان هو اصلا دائما كده الاشارة ضعيفة - الكلام ده صح؟

مفيش كلام من دة انا اول مرة اسمع منك الحكاية دة .. عاوزة نصيحتى انتى تروحى لواحد بتاع الكترونيات محترم وتجيبى الاريال الخارجى وتوصلى علية وتشوفى لو لقط اشارة يبقى الجهاز بتاعك زى الفل والمشكلة فى الوصلة الى رايحة من الكاست للانتنا ودة فى الغالب الى هيكون عندك .. وع فكرة الموضوع بسيط بس محتاج حد فاهم وعندة ضمير مش اكتر .. لو الحد دة مش موجود يبقى تقبلى الوضع كما هو علية علشان محدش يفتحلك حوارات فى الفاضى

[svneleven]

الصراحة هي عربية جميلة جدا بكل المقاييس لكن من واقع تجربتي العربية ضيقة جدا من ورا من حيث العرض مش المسافة بين الكراسي و الكنبه. و لو سمحت ليه سؤال ال 12.5 ثانيه دول عن تجربة. تمام طيب اللي مكتوب في كتالوج العربيه كام؟