عايز اجيب فانتزيا 2010

[ABOANEMA]

شباب انا حابب اعرف ايه رايكم في فانتزيا 2010 مميزات وعيوب

وعايز اعرف هيا بجد موديل 2010 عايز بنزين 95 ؟؟

ولو فيها عيوب ايه هيا


لاني معروض عليا فانتزيا اليجانس 2010 ماشيه 38 الف كيلو ب160 الف فهل ده سعر مناسب عليها ولا لا وعايز رايكم برده فيها كعامه

[طارق عبد السلام]

السعر مناسب جدا بس اليجانس كامل يعنى مرايات ضم وسخانات كراسى
وهى وكيل ولا خليجى
العربيه ماشيه 92 عادى جدا جدا
والحمد لله العربيه ممتازه جدا
توكل على الله لو العربيه فابريكه وسليمه اشتريها السعر كويس

[Marlborooo]

البنزين المفضل 95 لكن حد ادني 92
92 مش هيضر العربية بس افضل اداء للعربية 95

[ABOANEMA]

المشاركة الأصلية كتبت بواسطة tarek/ السعر مناسب جدا بس اليجانس كامل يعنى مرايات ضم وسخانات كراسى وهى وكيل ولا خليجى العربيه ماشيه 92 عادى جدا جدا والحمد لله العربيه ممتازه جدا توكل على الله لو العربيه فابريكه وسليمه اشتريها السعر كويس

مش عارف بخصوص كامله ومش كامله ديه انا اللي اعرفه ان العربيه 3 فئات التروبيتك ديه والسبورت والاليجانس

هو فيه حاجة اسمها اليجانس كامله ومش كاملة ولا حضرتك تقصد اتاكد ان كانت اليجانس او سبورت اصلا ^_^ بس هاتاكد برده وشكرا علي التنبيه

العربيه توكيل اه

العربيه فابركيه برا وجوا بس صاحب المعرض رش فيها الاصطدام الامامي والخلفي عشان كانت حاكه فيهم كتير - علي حسب كلامه - وانا كعامه هاخد العربيه اكشف عليها برده في التوكيل عشان اتاكد لو فيها اي حاجة مش مزبوطه عشان موضوع انه راشش لها الاصطدامات ديه مش مريحني بصراحه


بس كعامه لو طلع كلامه صح وسليمه وكل حاجة وراشه دول بس يبقي ايه النظام فيها حلوة ولا ايه رايكم ؟؟




بعدين معلش سؤال هو اليجانس 2010 بتختلف في اوبشن عن ال2013 ولا هيا هيا تقريبا يعني حابب اعرف لو فيها حاجة اقل ناقصه كده


ومعلش علي تعبك

[Marlborooo]

رأيي الشخصي متشتريش عربية من صاحب معرض حتي لو برخص التراب صدقني لازم بتكون فيها حاجة غلط
وبعدين راشش اكصدمات عشان تجاريح ؟؟ منطقيا صعبا لان العربية المفروض فيها حساسات ركن فلو الاكصدمات لو مخبوطة خبطة بسيطة اكيد هتأثر عليها

بص يا ريس الاسكودا فانتزيا عربية محترمة جدا جدا
وموجود كسر زيرو كتيييييير اوي
رأيي تشوفلك واحدة فابريكة برا وجو من الاكصدام للاكصدام بنفس السعر
رأيي الشخصي وربنا يوفقك ويباركلك في اي عربية تشتريها