سلام عليكم ورحمه الله وبركاته
انا هحكي تجربي مع ورشه ليدر اوتوموتيف لنشر الايجابيات لباقي الاعضاء
اولا من من سكان شارع الهرم معايا فيرنا 2010 وطبيعي جدا فى شوارع مصرنا العزيزه العربيه متخبطه فى اماكن متفرقه من العربيه . حتطيت النيه ان انا هروح اشدها سمكرة ودوكو وش نضافه يعني وبدات اسئل الاصدقاء عن مكان كويس ويكون متجرب طبعا كلها كانت ورش فى الشارع كدة وحسيت ان الموضوع مش لطيف والاسعار كمان كانت مبالغ فيها علشان كنا داخلين علي عيد راس السنه الميلاديه 2016 . وكنت قريت مشاكل كتير حصلت من صناعيه الشارع دول بصراحه محبتش اجرب ويحصل معايا نفس الموضوع
بالصدفه البحته لقيت اعلان عن مركز اسمه ليدر اوتوموتيف فى ابو رواش المركز دة متخصص سمكرة ودهان وتعديل سيارات سباقات ورالي وكدة . العرض كان سمكرة ودهان السيارة بالكامل 2499 جنيه معادا السقف ومدة العمل كانت من لسانه 4 ايام . تمام لحد كدة ... تمام
اتكلت علي الله طبعا انا مكنتش عارف العنوان كلمتهم فى التليفون رد عليا البشمهندس احمد حنفي شخص محترم جدا وخلوق قوي وقالي بكل بساطه حضرتك اكتب ليدر اوتوموتيف علي جوجل هتلاقي موقعنا علي خرائط جوجل هتوصلك لحد باب المركز وفعلا عملت كدة ودة ريحيني جدا بصراحه لا توهان ولا تسئل حد ويسوحك ودي حركه جديدة بصراحه مش اي مركز سيارات عاملها والبشمهندس احمد حنفي الله يجازيه خير كان كل شويه يكلمني يطمن وصلت لحد فين . لحد ما وصلت الحمد لله استقبلني البشمهندس احمد حنفي ودخلت استراحه العملاء واتعرفت علي نجيبه ( كلبه كوجر ) دمها خفيف جدا وجه مهندس الأستقبال استلم مني العربيه بمحضر استلام علشان اطمن علي عربيتي محدش يلف بيها يعني . . وطبعا انا مستني ان هما يعملوا زاي اي مركز او ورشه التليفون يقولك سعر ولما تيجي ليه يقولك سعر تاني خاص ويقولك اصل فيها مشاكل كتير ياباشا .. طبعا اتفاجئت ان المبلغ الي قالوه فى الاعلان هو هو الي اطلب مني دفعت 2500 جنيه رجعلي الجنيه يعني مافيش مصداقيه عن كدة .. والمدة زاي ما كانت فى الأعلان اربع ايام واستلم العربيه وشربت الشاي وتمام طبعا مكانش فيه مواصله اقدر ارجع بيها من ابو رواش الي اي موقف يرجعني الهرم تاني .. ومشكور استاذ احمد حنفي بعت معايا عربيه بسواق وصلني لحد ميدان الرمايه
وبعت ثلاث ايام كلموني وبلغوني ان العربيه خلصت وفعلا روحت صباح اليوم الرابع معرفتش عربيتي والله العظيم الا من نمره العربيه كانت فعلا طالعه زيرو ومغسوله كيماوي وريحتها منعشه كدة . ورشه ليدر اوتوموتيف غيرت مفهوم الصيانه فى مصر ولا الحوجه للصناعيه
واتمني اكون افادتكم بقدر استطاعتي
22-02-2016, 05:57 PM
تجربه ايجابيه مع مركز ليدر اوتوموتيف ( احسن مركز تجديد شامل فى مصر )
المواضيع المتشابهه
