سؤال بخصوص الفتيس الاوتوماتك ارجو التوضيح

[نوجا28]

السلام عليكم لو سمحتم لى سؤال لانى محتارة فيه دلوقتى فى الصورة دى
فيه وضع الd انا بجيب الفتيس على الd فى حالة انى هتحرك طبعا طيب انا شفت صورة مكتوب فيها جنب الd 1,2 ,3 السؤال بقى انا اللى بنقل السرعات دى ولا بجيبها على d وهو ينقل مع نفسه ولو انا اللى بنقل بين السرعات دى ايه بقى الفرق بينه وبين المانيوال انا فاهمة ان الاوتوماتيك انا كل شغلى فيه بنزين وفرامل وبس وعلشان كده حباها ياريت حد يفهمنى النقطة دى قبل ما اشترى بعد اذنكم


ودى الصورة اللى بقصدها هى مفيهاش ارقام فيها سالب وموجب يعنى نفس المعنى



ومعلش لى سؤال تانى انا لما اجى ادور العربية ادورها وهى على وضع الn ولا p
انا فاهمة انى بدور على وضع n واسخن وبعدين اجيبها على dوادوس بنزين واطلع ده صح ولا انا فاهمة غلط وميرسى مقدما لكل اللى يضيفلى معلومة

[hyundai2005]

ده فتيس ستيب ترونك بمعني اوتو ومانيوال في نفس الوقت بمعني اخر لو بتحبي القرص والسواقه الرياضيه بتجيبي الفتيس فالحاره الصغيره دي وبكده العربيه تعتبر واخده الاول وكل زقه لقدام تجاه + بتزود غيار زي المناويل وكل سحبه للخلف تجاه - بتنزل غيار زي المانيوال بس من الاخر ده موضوع فطشان ومالوش لازمه خليك عال d علطول وخلاص

[hyundai2005]

اما وضع ال p دي اختصار للركن واكنك شاده فرامل اليد واكتر العربيه بتكلبش فالارض وعادي ممكن تدوري علي ال p او n مافيش مشكله بس لما تركني العربي خليها دايما علي p

[نوجا28]

ايوة انا نفسى فعلا اعمل كده اخليها على الd ,وخلاص لانى بتخنق من قصة انى اقعد اغير اصلا طيب معلش سؤال تانى
هو انا وانا بغير بين 1و2 و3 بكون دايسة على الفرامل مثلا زى الدبرياج فى المانيوال واشيل رجلى من على البنزين ولا بغير وخلاص ولو سبت العربية على d هى هتزود مع نفسها لو دوست بنزين ولا ايه؟

[نوجا28]

وفى طلعة الكوبرى بدل ما اغير مثلا ازود بنزين شوية وخلاص؟ ولا ايه لو سمحت فهمنى معلش بتعبك