BYD و الصينى والكورى والأوروبى .. فهل نحن زبائن درجة ثانية !!!

[tifa_1979]

استاذ احمد
ان اتفق معاك فى اننا عندما نكون يد واحده بنبقى اقوى ولكن كيف تكون يد واحده فى كل شى
الاسعار بتغلى مفيش حد بيعترض وحتى ولو اعترض بتلاقى الناس بتشترى
انا مره رحت اجيب حاجه للبيت لقيت نفس السلعه باكثر من سعر فى اربع محلات فقط
كان نفسى اعرف ليه بس مش لقيت اجابة كان زمان فى حاجه اسمها التسعيره بس برده الناس كانت مش بتلتزم
فى نهاية القول عايز اقول ان التجار او الوكلاء هم ناس مننا فيجب ان نبدء فى اصلاح انفسنا فى تعملنا فى شغلنا او حياتنا ونبطل الفهلوه والشطارة على بعض علشان بعد كده نلاقى النتيجه .

[citroeen]

السلام وعليكم ياحلى اخوات فى الدنيا دى كلها بجد وحشينى اوى ويارب تكونوا بخير ودوام العفية باذان الله على الفكرة موضوع جامدددد وعجبنى اول ماشوفت العنوان واحى الاستاذ كاتب الموضوع انا متفق معاك ان كلامك صح على فكرة كلامك بيطبق دلوقتى على بعض السيارات كانت بتجمع برة بقيت بتجمع فى مصر وبترخص جامد ودة كلام جميل بس جاية متاخرة بس معالناش غير نستانا و خلاص وهو دة الواقع حاجة تانية الغش التجارى فى السيارات فى كل دول العالم مش عندنا بس غير الدول الاوربية دول الام المصنعة للسيارة والخليج بس الخليج حاجة تانية ياجدعان ياريت نقتنع ان دول دية معدية عننا بكتير عشان البترول وحاجات تانية احنا يمكن منعرفهاش احنا حاجة تانية كادولة غير الدول دى وانا قولت قبل كدة ياما ناس جابت عربييات خليجى وطلع فى فيها عيوب و حاجات زفت وان التقفيل المصرى مش وحش للدرجة و لو حتى وحش نشتكى كذا مرة اتنين وتالتة لغايت لما الدنيا تظبط بس اخرب صناعة بلدى واقتصاد بلدى ومحدش يشترى حاجة تانية تقفيل مصرى وكمان كنت عايز البلد مالهاش دعوة بالتوكيل الى بينزل الموديلات بالامكانيات دة التوكيل الزبالة هو الى التحكم دة للاسف وفى حاجة تانية ياجدعان فى عربييات لازم تبقى موجودة عشان الى فعلا نفسة يشترى عربيية يشتريها زى الفيرنا و نفس سعرها و نفس خامتها عشان الى محتاج سيارة يعرف يركب رخيصة وحلوة و فيها كل حاجة فى السيارة المناسبة لو الفيرنا اختفت ونزلت الفيرنا الجديدة معتقدش ان هتبقى نفس سعر الفيرنا القديم بالامكانيات والتصميم دة بصراحة و الالنترا نفس الحكاية بردة التوكيل فاهم هو بيعمل وادرى عننا فى الحكاية واكيد دى حاجة تزعلنا لاننا نفسنا نركب الجديد و الاحدث وزى الى برة بظبط بس للاسف عيش الـــواقع وحوار شفرولية كروز دة حوار تانى ولغايت دلوقتى انا مش فاهم دماغ منصور فى حكاية الماتور الى فيها اكيد فى لغز واحنا مش عربيين ياجدعان هو بردة ادرى حوار انة ينزلها بالماتور 1400سى سى الاصلى دة هيفشل العربيية اكتر واكتر لان احنا بنقول 1600سى سى قليل البودى بتاع العربيية امال الناس الى مش عرفة حاجة فى العربييات هتقولك 1400 اية على حجم عربيية دى دة هبل بس احنا عشان الحمدالله ونحمد ربنا بنفهم فى العربيات عرفين ومتاكدين ان ال1400 احسن وفى الحصان كمان بس لازم بردة نتعامل ان معانا ناس على قدها خالص فى العربييات و التفكير و1800 سى سى دة جامد جيدا بس اكيد مش هنعرف نجيب العربيية دى خالص بتقيهالى لان سعرها دلوقتى مش هيكون زى 1800 سى سى واكيد هتبقى غالية جيدا جيدا واحنا الفئة الوسط مش هنعرف نجبها و لا نركبها لما تبقى اقل فئة فيها 180 الف مانيول دى حاجة وان ال1600 الى موجود فيها حاليا يهتبر مش وحش بردة و لا الحصان وسط يعتبرو وبردة مننساش قانون المرور الجديد فى الضرائب فى السى سى الجديد لما تيجى تجديد طبعا ال1600 ساعتها هيبقى احسن مليون مرة عن 1800 سى سى فى الفلوس ونجيى للفرنساوى من زمان والفرنساوى معظمة فى الشرق الاوسط تقفيل تركى و التقفيل التركى تقفيل جيد جيدا ومش وحش ومنعبوش بأى شى دى من ناحية وموضوع ال206 موجودة اه عندنا ومش موجودة برة بس كا عربيية اكيد مش وحشة ولو مسمعملة هتمنى انى اجبها وفى ناس غاوية و الى مش عاوزها مش هيشتريها التوكيل مش بيجبر حد هو بنزل الجديد و القديم وكلة والى عايز يشترى يشترى والبيجو قديم جديد عمرة ماحد هيقول علية وحش (وكل واحد حر فى الاختيار والشراء) نيجى لشفرولية الانوس كاعربيية اكيد مش وحشة ومستحملة لغايت النهاردة ومحبوبة لغايت الحين بس اكيد قدمت جيدا حكاية هى صناعة كورية اوبتجمع فى اوكرنيا او بتتصنع فى دولة تانية كدة كدة العربيية زى ماهى ونفس الماتور ونفس العفشة والى ركب القديمة والجديدة قال كدة هما هما فامشفرقة نفس الاداء وبردة ياجدعان هقول كل واحد لى دماغ فى الشراء الى عاوز دى او دى هو (حـــر الاختيار) وبردة كاسعر حلو للناس الى معهاش فلوس بردة لازم نفكر ياجدعان فى الناس دى عربيية مناسبة وبتعمل مبييعات وفى نفس الوقت بتردى المشترى الى بيشتريها والى نفسة فى يوم من الايام يشترى عربيية ويفرح بيها ويفرح عيالة ان يركبو عربيية ابوهم ويكونوا مبسوطين و لو ازيد فى السعر عمرة ماهيشترى عربيية غير قداااام والله واعلم وهو الى اشترها عن اقتناع والسوق المصرى فعلا فى خش بس فى كل الى انتا عاوزة بس بفلوسك وهو دة السوق و عمر ماكل الناس هتردى حاجة واحد ودة هو الواقع الى عيشنة دى تجارة والتجارة شطارة عند الناس دى وفهمين هما بيعملو اية كويس ولو قولنا للصبح دة غلط دة غلط دة غلط هتنزل الشارع المصرى هتلاقى كل انواع العربييات الى نفسك تشوفها و الى معدية 300 الف وال400 الف والمليون جنية وتقول طيب انا عمال اقول واهاتى طول حياتى ان حال البلد دى تتصلح ومافيش فايدة والناس بتشترى وتقول هو فين دة الشعب الى فقير ومش لاقى عربييات احنا لما بنكتب اى حاجة فى المنتتدى او فى الجرايد بنكتب للناس الغالبة والى محتاجة فعلا نفسها تعيش لحظة فى حياتها سعيدة واكيد لينا و لى عيلنا لما يكبروا يكونوا مرتحين عننا مش زينا دلوقتى بس هقول فى الاخر والاول الحمدالله على كل حال لان ربنا بيقف جبنا غصب عن اى حد مهما كان قوتة و جبارتة وانشاءالله هيجى اليوم ان الناس كلها هتبقى مبسوطة ومرتاحة نفسية بس الصبر وقبل مانشتكى من التوكيل و التقفيل المصرى نشتكى للشركة الام المصنعة للسيارة الاساسية اصلا الى بتنزل عربية مليانة بالعيوب الى بتموت ومالهاش حل و بتيجى بعد 4 شهور و لا سنة بحلها تعرف ان العربيية فيها عيوب و بتيجى تلمها فى الاخر بعد كذا واحد مات وراحت حياتة و هو راكب عربيية جديدة كان نفسة فيها والله واعلم كان فيها علتة و عيالة والله يرحم الناس كلها الغش فى كل مكان فى العالم مش مصر بس هو دة الى حبيت اقولة لاخواتى الى بحبهم بجد ويارب يكون كلامى كان كويس و مكنش طولت عليكو يارجالة والف شكر لسمعكم ليا شكراااا ليكم

[elmanahry]

الفاضل جدا abojessy مقالتك كلها اثراء للعقل ترتيب ومعلومة ورقى وكالعادة موثقة بمصادر معروفة واتيت سيادتك بالادلة الدامغة وكان الموضوع بحث عملى وقانونى لما يحدث فى سوق السيارات فى مصر لتنبيه الجميع وكشف الغطاء عن ما يحدث للمستهلك المصرى سيارات موديلات قديمة تباع على انها جديدة سيارات مختصر منها امكانيات مهمة اوصى الوكيل المصرى مصنعها بان تختصر من السيارة عندما نزلت السيارة الالنترا قرات عنها على النت واتصلت بالتوكيل اساله بها فرامل abs او ebd قال لى لا وصعقت ان ماقراته من مواصفات عن السيارة على النت لايمت للواقع بصلة قلت لنفسى مادام لها وكيل ملاها الدماميل لانى عندما رجعت من فرنسا عام 1983 اشتريت سيارة بيجو 504 وجدت انى اسوق سيارة مختلفة جدا عن ما كنت اقودها فى فرنسا وكانت هناك امكانيات تغيب منها عن السيارة انتاج مصنع فرنسا ولوكسومبورج حتى الصاج والمسامير كانت مختلفة فى الخامات ولذلك اشتريت ال BYD الصينى لانى عندما سالت التوكيل عن كل الامكانيات التى قراتها على النت وجدت انها موجودة وكانت تقفيل الصين اوتوماتيك ولم يختصر منها التوكيل شيئا وبرغم معارضة الجميع ان اشترى سيارة صينى قلت لهم ساركب سيارة الوكيل استوردها كما هى فى بلدها وكما قراتها على النت وبامكانياتها ارخص من اى سيارة اخرى بمراحل
استاذنا abojessy انا اعلم ان فى جعبة سيادتك الكثير من التجارب العملية لان سيادتك اشتريت سيارات وبعت سيارات كثيرة وشخصية ذكية وعلامة ولكن سيادتك لاتريد ان تجرح احد ولكن شكرا جزيلا ان سيادتك القيت الضوء على مايجرى فى بلدنا فى مجال تجارة السيارات

[Abojessy]

أخى العزيز .. citroeen ..
يسعدنى أهتمامك بالموضوع .. ومشاركتك الجميلة فية .. وقد تتعجب لو قلت لك أنى متفق معك فى كثير مما جاء فية .. لأنك تتكلم عن الواقع الذى يعيشة سوق السيارات فى بلادنا .. ومدى ملائمة السيارات الموجودة فية للقدرة الشرائية لمعظم الناس فى بلادنا ..
( علما بأنة يجب العمل بجد لتغير هذا الواقع )

ولكنى أحب ان أوضح لك .. أنى لم أكتب هذا الموضوع .. لأتكلم عن السيارات من الناحية الفنية ..
ولا أقول أن أى سيارة جاء ذكرها فى الموضوع سيارة سيئة وليس هذا الهدف من كلامى
ولكنى أتكلم عن أنعدام الشفافية فى السوق .. والتعتيم الكامل والمتعمد على المعلومات
ولودققت فى أخر الموضوع ستجد أنى قلت :

المشاركة الأصلية كتبت بواسطة Abojessy ورغم هذا فلامانع من أن نشترى سيارة بتكنولوجيا قديمة أوقف أنتاجها فى مصنعها الأصلى أو أقل فى المواصفات أو تحت أسم ماركة أغلى من ماركتها الأصلية.. أو قادمة من بلد غير بلدها الأصلى .. لا مانع من كل هذا ولكن بالسعر الذى يناسبها ولكن أن تبيع لنا تكنولوجيا قديمة وأسم غير الأسم وبلد غير البلد ومواصفات غير المواصفات .. بسعرالأصلى من موديلات : 2010 و 2011 فأعتقد أن هذا لة أسم أخر غير البيع والشراء

أذن يا أخى العزيز .. يجب أن تكون هناك شفافية
فمن حقك أن تعلم .. كل شئ عن السيارة التى ستضع فيها مبلغ كبير من المال ..
اما عن ملائمة هذة السيارات لمقدرة المواطن فى مصر فهذا سببة الجمارك الباهظة والتى لامثيل لها فى أى بلد أخر ..
يا أخى العزيز .. لنا زملاء فى المنتدى يستطيعون أن يقولوا لك .. ما هى السيارات الممكن لك شرائها خارج مصر .. بنفس القدر الذى تدفعة فى داخل مصر
وقد جربت هذا بنفسى عندما عشت سنوات فى الخارج

على العموم فان هذا لكى نوضحة سنحتاج لموضوع كامل عنة .. وعن صناعة السيارات المحلية .. ومستقبلها .. وقد أكتبة قريبا بأذن الله
وأخيرا .. فقد شرفت ونورت الموضوع .. وأسعدنى الحوار المفيد معك ..
ولك خالص المودة وجزيل الشكر .

[elmanahry]

يا أخى العزيز .. لنا زملاء فى المنتدى يستطيعون أن يقولوا لك .. ما هى السيارات الممكن لك شرائها خارج مصر .. بنفس القدر الذى تدفعة فى داخل مصر
وقد جربت هذا بنفسى عندما عشت سنوات فى الخارج

استاذنا abojessy تاكيدا لكلام سيادتك اجلس يوميا امام قناة على القمر الاوربى وهى قناة ايطالية اسمها MOTORI TV واقرا الاسعار للمستعمل والجديد اشعر اننا هنا فى مصر نعيش فى حرمان يذبح قلبى ومثالا على ذلك لا للحصر انا اعشق السيارة الفا روميو وجدت ان ثمن سيارة باليورو موديل 2008 مستعملة واخر شياكة ثمنها 28 الف جنيها مصريا وقس على ذلك كم سيارات واسعار عام 1982 اشتريت سيارة بيجو 504 من فرنسا وشحنتها للجزائر عاملة 5000 كيلو كان ثمنها الف دولار وكان الدولار ب 118 قرش
وفى النهاية نقول لنا الله فى الجمارك لنا الله فى التوكيلات ولا عزاء لشعب يثتثمر فيه اغنياؤه ثرواتهم فى صناعة البسكويت ولا يجرؤ احد على صناعة سيارة واذا مصر العظيمة بكادراتها لا تستطيع تقليد النمور الاسيوية فسوف تظل فى نطاق القرود الافريقية