مركز دنيا لصيانة تكييف السيارات والريداتيرات

[peter magdy]

انا متشكر ليك جدا يا بشمهندس اشرف
فعلا كلام حضرتك سليم 100%100
انا غسلت السربنتينة جامد جدا جدا و الواد اتوصى بيها قوى - و بعد ما مشيت و شغلت التكييف ولا كأنى عملت حاجة
روحت على الساعة 8 بالليل شغلت التكييف و عملت الخطوات اللى قلتهالى
و لقيت مروحة السربنتينة على سرعة واحد او اتنين بتشتغل عادى و و بتفصل لكن اول ما بتفصل و لسة المروحة موقفتش بتشتغل تانى -كلامك سليم الفريون قليل
ورتها لواحد تحت البيت بيأجر عربيات فقالى الفريون قليل و قالى عندى جهاز الشحن هات فريون و اشحنة و انا اشتريت علبة لونها ازرق مكتوب عليها 134 ب 35 جنية من واحد جنبنا فى المنطقة
سبب نقص الشحن و انا بغير لمض الكشاف عند كهربائى فلعبت فى غطا التكييف مكتوب علية حرف H و ضيعتة و فى واحد تانى مكتوب علية L مكنتش اعرف ان دا يخص التكييف
المهم جارنا دا قالى دا سبب التسريب لان بعد ما جربنا التكييف و فتح سنة راح منفس
دلوقتى هو نفضلى بعد ما جبت الزجاجة دى - هل ممكن اروح لحد و يشحنهالى عادى ولا لازم اشترى من عندة
و لو هيشحنها هياخد كام مصنعية - و هل فى حاجة اعرف بيها ان الشحن كدة تمام ولا كتير ولا قليل
و اللة الواحد مش عارف يشكر حضرتك ازاى
الف شكر لحضرتك و دايما موفق انشاء اللة