شفولى حل مع غبور وحماية المستهلك

[Hisham.Elgazzar]

المشاركة الأصلية كتبت بواسطة ahmedkolaly حصل خير يا صحبى ومفيش حاجه انا بس كنت بستفهم الموضوع بالنسبه للكرتيرة دى مش طينه ولا حاجه ده الزيت اللى نازل من مستر الدبرياج وبعدين انت ما لاحظتش حاجه ان العربية عامله 6000كم فقط امال لو بستعملها كتير وعامل عداد كانت عملت ايه معايا وانا ماغسلتهاش عشان يكون ده دليل قاطع على التسريب و انا رايحلهم قريب اول ما اعرف اخد اجازة وربنا المستعان واللى قرفنى الوقتى موضوع البنزين عشان البنزين هيبقى مشكله كبيرة الايام الجايه ولو معملوش حاجه اقسم بالله ما هعديها على خير اطلاقاً

خير إن شاء الله
متقلقش من موضوع البنزين حتى لو شغلوا كروت البنزين هتصرف بالكارت عادى
الزيت لو نزل من كاوتش ماستر الدبرياج كان قطع الكاوتش لأن الأخير مبيحبش الزيت
اعزرنى لأن مفيش تسريب واضح من عند الكاوتش وانا بتكلم من الناحيه الفنية ان طلاما مفيش تسريب من كاوتش المستر يبقى مش معتب وسليم
المشكلة ف اللواكير والمواسير وده برضو عيب صناعه

الله يكرمك قلل الفونت شوية عشان مياكلش الصفحة الخط عريض اوى

والله المستعان

[ramy safwt]

انا اللى زعلان عليه فى الموضوع ده كله الكيا سيفيا

و كويس انك وضحت انهم 6000 كيلو لسه متعملش اى حاجه فى البنزين هو هيظبط لوحده بعد ال 10000


ارفع عليهم قضية و انا هعملكم ايفينت على الفيس بوك الم فيه كل الجيلى

[هانى ظريف منصور]

على فكرة احب اوضح حاجه كمان عن السيارة ....تانك السيارة فيبر وليس حديد يعنى اى مطب محترم ممكن يخلص على التانك وكان فيه واحد من ملاك السيارة بيعرض المشكله على جروب العربيه على الفيس بوك وبيشتكى ان التوكيل غير قادر على توفير التانك بصراحه حاجه مسخرة

[tigerroad]

استاذ احمد استاذ هشام
صلو على النبي

الى بيفكر يشكك انا موجود والعربية موجودة وممكن يشوفها في اى وقت

يوم الاحد لو محصلش اي تقدم معايا هبدء قانوني وهنزل المشكلة فى مواقع اخبارية والجرايد وياستاذ احمد لو محلوش معاك ياريت نتواصل مع بعض لازم يكون فى حل انا معنديش اى استعداد اتعامل مع مكانيكى او كهربائي خارجى واقف عند الورش من دلوقتى انا جايب زيرو لية وتوكيل لية
التوكيل دة بياخد مكسب مني لية لخدمات مابعد البيع وضمان 5 سنين و100 الف كيلو دة كلام

اقسم بالله العظيم انا كانت نيتى اشتري اكثر من واحدة فى شغلى لكن الفكرة انتهت طبعاااا لما انا فى مشاكل من دلوقتى امال كمان سنتين هيكون الوضع اية

[خالد السويفى]

استاذى العزيز انا كنت بافكر اشترى العربية دى ولكنى اشكرك على التحذير منها وادعوك انت وكل من اشتراها فى المنتدى الى اتخاذ موقف ايجابى مثل الشكوى فى الشركة الأم وحماية المستهلك وكذلك تعليق ورقة لتجذير الناس من شارئها فهذا سوف يمثل ضغطا على غبور لكى يحسن معاملتة ويهتم بحل مشاكل هذة السيارة التى ابهرت المواطنين الغلابة بشكلها وامكاناتها التى بهذا الوضع لن تعمر طويلا وحسبنا اللة ونعم الوكيل