ارجوكم ساعدوني مفيش ميكانيكي فاهم

[gomgom]

ممكن تكون المشكلة فى وش السلندر
يعنى لو القواعد بتاعت الصبابات مش مطبعة كويس على الصباب يسرب بنزين على البوجيهات والماتور واقف و يخلى البوجيهات تعرق و ده اللى بيبوظ البوجيه بسرعة ويخلى السن يهبب اسود
افتكر ان انا بقول ممكن

[حمدى مخترع مانيوال بدون د]

المشاركة الأصلية كتبت بواسطة ophthalmofox الموتور بتاعها نفس العربيه و نفس السنه و نفس كل حاجه. و بقاله 6 شهور راكب بدون اي مشاكل الوضع اتحسن طبعا عن قبل كده انما لما العربيه تكون بارده الاقيها تترج جامد و ادوسلها بنزين لمده نص دقيقه كده الاقي دخان اسود كتير يطلع و كمان صوت تقطيع في الشكمان يعني بيطلع علي دفعات و فجاه الاقي الدخان راح و الار بي ام طلع ل 900 و ظبط و كان مفيش حاجه بتدور من تالت او رابع مره و لازم اكون دايس بنزين سنه بسيطه استهلاك البنزين 150 كليو لكل 20 لتر !!! طبعا زي ما ذكرت غيرت كل حاجه تقريبا البوجيهات الجديده فكيتها من يومين لقيتها نفس اللي في الصوره بالظبط كربون جامد واحد قاللي غير منظم البنزين و واحد تاني قاللي الطرمبه كامله و دي بالف جنيه مش عاوز اصرف علي الفاضي لاني صرفت كتير اوي. انا ملاحظ ان الموضوع ليه علاقه بالحراره لما الموتور يسخن تقل المشكله يا تري السبب ممكن يكون فين شكرا ليكم

ركب الرشاشات بتاعت المتور القديم فى احتمال تكون الرشاشات بتسيل يعنى بتهرب بنزين داخل غرف الاحتراق اثناء اطفاء المتور فترة طويلة تبداء من ساعة فاكثر

[ophthalmofox]

المشاركة الأصلية كتبت بواسطة احمد على 1999 صمام الايدل و الله اعلم جرب بواحد تانى لان ممكن بيعلق ....... انت كنت نضفته بس ...... جرب واحد استعمال كدا على السريع

هو ممكن صمام الايدل يكون السبب في الدخان الاسود و الكربون علي البوجيه ده

المشاركة الأصلية كتبت بواسطة gomgom ممكن تكون المشكلة فى وش السلندر يعنى لو القواعد بتاعت الصبابات مش مطبعة كويس على الصباب يسرب بنزين على البوجيهات والماتور واقف و يخلى البوجيهات تعرق و ده اللى بيبوظ البوجيه بسرعة ويخلى السن يهبب اسود افتكر ان انا بقول ممكن

انا حاسس ان للموتور فيه حاجه ،، طيب دي اعرفها ازاي بتاع الصبابات دي

المشاركة الأصلية كتبت بواسطة حمدى مخترع مانيوال بدون د ركب الرشاشات بتاعت المتور القديم فى احتمال تكون الرشاشات بتسيل يعنى بتهرب بنزين داخل غرف الاحتراق اثناء اطفاء المتور فترة طويلة تبداء من ساعة فاكثر

انا غيرت الرشاشات القديمهربس البوجيهات كلها مهببه هل الرشاشات كلها بتسيل ؟؟ انا غيرت القديمه لما المشكله ظهرت و مازالت موجوده بعد التغيير

[احمد على 1999]

صمام الايدل لو حيبقى معلق قافل و انت بتدور من غير ما تيند بنزين العربية مش حتدور و حتشرق
بس وارد ان يكون حظك ان الرشاشات الجديدة هى كمان بتسيل

[ophthalmofox]

مش عارف و الله اعمل ايه طيب فيه رشاشات جديده بعلبتها تبقي مضمونه شويه اصل الجديده استيراد