عربية جولف 3 موتورها فيه صوت خشونة

[ramy safwt]

الخراط قشط من الوش كام ملى ؟

كده البستون بيخبط فى الصباب و الخشونة اللى عند البستون اللى بتروح بعد ما تكلم اللفه فده معناها ان في صباب اتعوج و هو نازل و طالع

لازم تعوض فرق اللى اتقشط من الموش بجوان اضافى و هتروح لحد فى الحرفيين يفك الوش و يظبط الصباب المعووج

مواتير الفولكس بالذات بتكون متماثلة يعنى تلاقى الموتور 80 ملى بستون 80 ملى شوط و تلاقى الفرق الاضافى اللى بيظبط اداء الموتور ان ال 80 دية تزيد 4 من 10 ملى و الشوط يزيد 3من 10 ملى ده من اسرار محركات الشركة دية و عشان كده لازم تفهم بالظبط من الخراط هو شال كام و تعوضه


لو الماديات ممكن تساعدك بوس الوش ده بعد كده ودعه و روح اخبطه فى دماغ الميكانيكى و هات وش جديد نضيف روح لحد ينضفهولك و ركبه لأن ده ميكانيكى يستاهل ضرب النار عشان قفل بدون ما يحسب الشوط هيكون ازاى

[memoking]

الف شكر ليكو يا رجالة هو فعلا ميكانيكى الله يسامحه حتى جوانات المانيفول و فرن الشكمان ماغيرهومش وحط سيلكون كتير وانا ماكنتش فاهم . انشاء الله يوم الخميس هودى العربية ل يحيى فى الحرفين دا ميكانيكى محترم وفاهم كويس جولفات بس المهم ايه اللى المفروض يتعمل عشان اكشف على الموتور صح طبعا بعد مانفتحه واشوف محتاج اية و امتى اقول اصلح فيه وامتى اقول اغير واجيب بلوكه ب وش ؟

[adham.com]

متابع
لأن نفس المشكلة بالضبط حصلت مع واحد صاحبي في عربية 127
الموتور جاب وش سليندر
و راح للميكانيكي و خلعه ووداه للخراط و رجع ركبه بجوان واحد فقط
و مجرد ما العربية دارت ... بقي في صوت خشونة
حتي لما رجع تاني للميكانيكي .. الميكانيكي قاله الموتور بيرزع و محتاج موتور تاني
قولتله لاء إستني بقي أما نشوف فيه إيه
و هحاول أقابله قريب و نشوف قصة الوش دي و ممكن لو كدة نحط جوانين بدل جوان واحد