|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
 |
|
|
أدوات الموضوع |
|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
|
|
أدوات الموضوع |
|
#1
27-10-2013, 10:03 PM
|
|||
|
|||
إستشارة فى عمرة موتور
إستفسار يا أهل الخبرة ... عندى عربية فيات 128 موديل 1986 الموتور بتاعها محلش قبل كده بس الموتور خفيف شوية والميكايكى قالى عايزة طقم شمبر علشان كبسها ضعيف شوية ... أنا خايف أعمل العمرة وأفتح الموتور لأول مرة الموتور ميرجعش تانى زى الأول ... وخايف من الميكانيكيا جداً لآنى بسمع كتير عن عمرات بتطلع فاشلة فى الاخر ... عايز رأيكم أسيبها كده أحسن وأستحمل ضعف السحب ولا أعمل العمرة ... ولو هاعمل العمرة حد يرشحلى ميكانيكى ممتاز فى العمرات ؟
|
|
#2
27-10-2013, 11:26 PM
|
|||
|
|||
رد: إستشارة فى عمرة موتور
السلام عليكم
أولاً حضرتك مرعوب زيادة عن اللازم , دى 128 يعنى عربية معروفة لأى ميكانيكى ثانياً العمرات علشان تكون ناجحه - بعد فضل الله - من خلال 3 حاجات: 1- ميكانيكى صنايعى بجد و عمل بدل العمرة مليون و طبعاً كلامى على الـ 128 2- قطع غيار جودتها أفضل ما يكون, طبعاً مفيش أصلى , بس أفضل حاجه فى طقم الشنبر يكون برازيلى أصلى مدموغ (هتلاقيه علية دمغة زى بتاعة الدهب بالضبط فى المعدن بتاعه 3- فترة تليين كويسة مع متابعة الحرارة بإستمرار و عدم القرص فى المراحل الأولى بعد العمرة (الطبيعى تحرق صفيحة 20 لتر من غير ما العربية تتحرك من مكانها, و بعدين تتحرك أقصى حاجه على 40/50 كم-س و من غير ما تحرق على الغيارات و لا تنقل بدرى علشان التسقيف يعنى خليك فى عدد لفات 1500-2500 أو 3000 بالكتير) - بعد الثلاثة دول بامر الله هتلاقى مكنه إستندرد زى مبيقولوا - متسيبش الشنبر لأنه لما بيزيد بيزود معاه المشاكل لا قدر الله (بدل ميبقى شنبر بس ممكن تدخل فى خراطة و ...عمرة كاملة) - عمرات الشتاء أفضل من الصيف لأن الجو البارد نسبياً بيحافظ على المحرك ميسخنش خاصة و إن الإحتكاك فى الأول بيكون زياده و المكنه بتسخن بسرعة. بالتوفيق إن شاء الله
__________________
|
|
#3
28-10-2013, 04:58 PM
|
|||
|
|||
رد: إستشارة فى عمرة موتور
أشكرك جداً ياباشا على ردك السريع والمعلومات القيمة ... تحياتى
|
|
#4
28-10-2013, 05:54 PM
|
||||
|
||||
|
رد: إستشارة فى عمرة موتور
السلام عليكم
الأهم التليين الصح بعد العمره احب اضيف ان ال20 لتر والعربيه واقفه يفضل ان تحرقها بالليل وانت موجه مقدمة العربيه للهواء في مكان ياريت يكون مفتوح لايتم تركيب افراد داخل العربيه في اول 1000 كيلو ياريت تبعد عن المطالع والأرض الرمليه في فترة التلين قدر المستطاع طبعا ملاحظة الماء والزيت وحرارة المحرك وجوده المروحه وبعد ال1000 كيلو يتم تغيير زيت المحرك وفلتر الزيت والله المستعان
__________________
   صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين  سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
|
#5
16-11-2013, 01:57 AM
|
|||
|
|||
رد: إستشارة فى عمرة موتور
تحياتى لحضرتك
|
|
|
|
