هو ممكن إطارات العربية تبوز على سرعة 70 كم؟

[en_shreef]

أنا عندى سيارة هيونداى توسان 2009 (جيب صغيرة)، وراكب عليها جنوط سبور والكاوتش 235/60/16 من نوع هانكوك.
مرة وأنا ماشى بيها وعلى سرعة 70كم تقريباً أضطريت أنى أفرمل جامد عشان أدامى حفرة كبيرة وخفت تبوز عفشة العربية، المهم بعد الفرملة لقيت أن الكفرين إللى أدام أتمسحوا نتيجة الفرملة.
على العلم أن الكفرات جديدة لنج والعربية يادوب عاملة 5000 بس. والنتيجة أن العربية بقى فيها مطب بسبب الكفرات وطبعا بترج أوى كل لما السرعة تزيد.

رحت لتوكيل العربية عشان المشكلة دى وقلتلهم إزاى كفرات زى دى تبوز على السرعة دى بالمنظر ده، مردوش يعبرونى وقالوا أن ده عيب استخدام مش عيب تصنيع.ptmnlo123per195
وبعد الإلحاح عليهم قالولى أن الضمان بتاع العربية مش بيشمل الكفرات وروح لتوكيل الكفرات.

المهم رحت لتوكيل الكفرات وحكيت لهم على المشكلة، قالوا نفس الكلام إللى أتقال عند توكيل العربية.ptmnlo123per111
وطبعاً معجبنيش الكلام وقلتلهم هى الكفرات بتاعتكم وحشة أوى للدرجة دى عشان تبوز بسهولة كده وعلى سرعة 70؟ طب لو كنت ماشى على 100 كانت الكفرات أنفجرت ولا إيه؟؟؟
قالوا محدش قالك تدوس فرامل.ptmnlo123per195
قتلهم صح الواحد أحسن يعدى على الحفرة ويبوز عفشة العربية عشان يحافظ على الكفرات.

قلتلهم طب يبقى الأحسن تكتبوا الكلام ده على الكفرات، عشان الواحد ياخد باله ولو قابله حاجة فى سكته الأحسن أنه يدخل فيها وميدوسى على الفرامل.

وبالمرة نزلوا توصية أن العربية إللى بيتركب فيها فرامل ميتركبش النوع ده من الكفرات!!!

وطبعاً لا حياة لمن تنادى!ptmnlo123per144

وأضطريت أنى أشترى كفرات جديدة على حسابى بس ماركة تانية أحسن وأغلى.

هو فعلاً بتبوز الكفرات بسرعة كده؟؟؟؟؟؟

[Romeeoo]

اول مرة اسمع الكلام دهptmnlo123per172

ان واحد يفرمل على اى سرعة المداس يتمسح!!!!!!!!!!!!!!!!!!!!

[Nour_peugeot]

ايه ده ازاي يعني

ده انا عربيتي بقالها 50 الف مشي بالعربيه و فرامل و تفحيت و امركه و مفيش الكلام ده بتاع مسح المداس

لو كده يبقي الكاوتش الحضرتك جيبت منه كان متخزن

او عيب تصنيع

و ربنا يعوضك خير

[Romeeoo]

الكاوتش لو متخزن بيبقى ناشف وسهل يتفرط المداس بتاعه بس مش يتمسح

وربنا يعوض عليك

[dr.haytham]

انا حصلت معايا بس كان على سرعة 140 والحمد لله اني ما اتقلبتش