العودة   مصر موتورز مجتمع السيارات > السيارات الأوروبية > رينو RENAULT > رينو لوجان Logan

رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand.


موضوعات متميزة

إضافة رد
 
أدوات الموضوع
  #1  
قديم 15-09-2011, 12:58 AM
sheko fun sheko fun غير متواجد حالياً
 
تاريخ التسجيل: Dec 2009
المشاركات: 73
sheko fun is a splendid one to beholdsheko fun is a splendid one to beholdsheko fun is a splendid one to beholdsheko fun is a splendid one to beholdsheko fun is a splendid one to beholdsheko fun is a splendid one to beholdsheko fun is a splendid one to behold
افتراضي

( بـــــســــــم الله الرحـــمـــن الرحـــــيـــــــــم )

أولاَ : الحمد والشكر لله رب العالمين إن ربنا وفقنى فى الإختيار ورزقنى بالعربية رينو لوجان ( ودة كان حلم من أحلامى والحمد لله إتحقق ) ودى نعمة كبيرة من نعم ربنا عليا ....... الحمد لله .

ثانياَ : وقبل مانبدأ الموضوع أحب أقول لحضراتكم إن كل يوم بيعدى عليا مع اللوجان بحس إنها أجمل من اليوم إللى قبله ..... ودة فعلاَ إللى أنا حسه ....

نبدأ بقى الموضوع إللى سبق ووعدت حضراتكم بيه وهو تقرير مفصل عن Renault Logan 2012 Black Line بالــــــــصـــــــــــــ ــور .....

فى البداية أحب أقول لحضراتكم إن العربية شكلها الخارجى متغيرش خاااالص عن الموديلات السابقة .


أولاَ : شكل العربية من الخارج :



لكن شكل العربية من الداخل هوة إللى حصل فيه بعض التعديلات البسيطة جداَ وسأذكرها بالترتيب :

التعديل الأول : ( الكاسيت ) : تم تغير الكاسيت فى الرينو لوجان 2012 وأصبح يشغل ملفات Mp3 وأيضاَ ملفات Audio ( يعنى ينفع يشغل الصيغتين معاَ سواء كانت إسطوانة MP3 أو إسطوانة Audio ) .. والكاسيت أول متشترى العربية من المعرض هتلاقيه محمى بشفرة مكونة من أربع أرقام لازم تروح التوكيل عشان يدولك الشفرة بتاعته , لكن بدون الشفرة بيشتغل لكن كل ثنيتين بيقطع .
ومعلومة أخرى لما تروح للتوكيل خليه يكتبلك الشفرة فى ورقة خارجية عشان بعد كدة لو حبيت تغير
البطارية فى المستقبل الكاسيت هيرجع تانى يطلب الشفرة عشان يشتغل ....



ودى صورة الكاسيت وهوة مطفى :




ودى صورة الكاسيت وهوة شغال :




[SIZE="6"][COLOR="DarkRed"]التعديل الثانى : ( فرش الكراسى والكنبة ) : الفرش متغيرش فى الشكل لاكن إتغيرت خامته ولونه أصبح مائل للأسود .

ودى صور للكراسى الأمامية :








التعديل الثالث : ( الطارة Multi function ) : والنوع دة مش موجود غير فى الموديل بلاك لاين 2012 فقط , وهو عبارة عن أداة تحكم فى الكاسيت والراديو تكون خاصة للسائق عشان لو حب يغير محطة الراديو أو أى ملفات صوتية كان مشغلها من غير ميتلخم فى السواقة .

ودى صور للمالتى فانكشن :












التعديل الرابع : ( لون التابلوه ) : أصبح مائل للون الأسود أيضاَ بس حاسس إن مفيش فرق أوى بينه وبين الموديلات السابقة .

صور للتابلوه :






[SIZE="6"][COLOR="DarkOliveGreen"]ودول شوية صور لبقيت العربية :

الباب من الداخل :






* الشنطة ( ودى من مميزات العربية نظراً لوسعها ) :





* الطارة ( بها AIR BAGE ) وممكن تتحكم فى إرتفاع الطارة وإنخفاضها على حسب الرغبة :







* زرار التحكم بالمرايات الكهرباء ( ملحوظة : التحكم يكون بالمرايا إللى جوة الكفة فقط وليس كفة المرايا كلها ) :




* التكيف وأزرار فتح الشبابيك الأمامية :



* أزرار فتح الشبابيك الخلفية ( ملحوظة الشبابيك الخلفية مبتنزلش لغاية الأخر يعنى لازم تيجى قبل الأخر بشوية ومتكملش ودة نسبة أمان عشان لو معاك أطفال ) :



* دراع الإشارات ونور الفنوانيس والكلاكس ( بيكون على شمالك ) :



* دراع التحكم بالمساحات ( بيكون على يمينك ) :



ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ

نيجى بقى للمميزات والعيوب من وجهة نظرى المتواضعة :

نبدأ بالعيوب : وطبعاَ زى محنا عارفين إن مفيش حاجة فى الدنيا بتبقى كاملة ( الكمال لله وحده )


أول عيب : أماكن الزراير ( مضيقة عيلتى كلهم ) لاكن أنا بالنسبالى إن الأماكن دى مش وحشة خصوصاَ إنى بحب كل شئ جديد ومختلف فعشان كدة أنا مستمتع بيه جداَ وكمان مش مضايقنى لسبب إنه لو كان الزراير فى الأبواب كان أى حد هيريح كوعه على الأبواب ممكن تضايقه شويه لو كوعه لمس الزراير دى ( وبصراحة أنا إتعودت عليها وبقت كويسة بالنسبالى ) .

تانى عيب : الطارة لما بمشى بسرعة عالية باجى بس ألمسها ناحية اليمين أو الشمال ألاقى العربية بتكسر على اليمين أو الشمال حسب الإتجاه . لكن بدأت أخد عليها بردة وحاسس إن سبب الموضوع دة إنى كنت واخد على سواقة الفيرنا واللادا .

ثالث عيب : لما بقعد على الكرسى فى وضع مرتاح مبشوفش الكابوت نهااااااااااااائى حتى لو رافع الكرسى رغم إنى مش قصير ( فبعتمد على تقديرى لحجم العربية فى الأماكن الضيقة والحمد لله بعدى كويس ) لاكن بدأت أحل الموضوع دة شوية لما قدمت ظهر الكرسى للأمام شوية فأصبحت شايف الكبوت لاكن المشكلة إن ظهرى مش مرتاح للوضعية دى .

رابع عيب : دواسة البنزين بعد ما أعدى الغيار الثالث بلاقى فى زنة بسيطة فى رجلى لما بدوس بنزين

خامس عيب : لازم تدوس الديبرياج لغاية الأخر عشان تجيب الغيار إللى أنت عايزه ( بس بصراحة الحكاية دى مش مضيقانى خالص عشان أنا كنت واخد على كدة فى سواقة اللادا وأنا بحب أدوس الديبرياج لغاية الأخر أصلاَ ) لكن الحكاية دى هتضايق إللى كان متعود على نقل الغيار فى الدوسة على الديبرياج لغاية النصف .

سادس عيب : لازم تفتح الشنطة والتنك من بره ( ودى حاجة مش حلوة ) بس هتعود إن شاء الله .


نيجى بقى للمميزات وهية كثييييرة بصراحة :

أول ميزة : وهيه وسع الشنطة الرهيب وإللى بتغلب فيه اللوجان سيارات كثيرة من فئتها وحتى الأغلى من فئتها + وسع السيارة من الداخل أيضاً .

ثانى ميزة : سحب العربية ممتاز جداَ جداَ جداَ أنا مشيت بيها أكثر من 280 كيلو حتى الأن ومنزلتش شرط البنزين غير شرطتين فقط .

ثالث ميزة : العربية بتاخد المطبات بسلاسة ويسر وسعات مبحسش بالمطب لو كان عريض .

رابع ميزة : صوت الراديو والكاسيت نقى جداَ وأنا عرفت دة من خلال الثنيتين إللى بيشغل فيهم الصوت كل شوية .


خامس ميزة : الأداة إللى بتحرك اللمبات بتاعت الفانوس الأمامى ودى مكانها تحت خالص على الشمال

سادس ميزة : النعومة الشديدة فى الدوس على البنزين والفرامل والديبرياج .

سابع ميزة : صوت الموتور هااااااااااادى جداَ لدرجة إننى مبسمعهوش وأنا قافل الزجاج .


لسة حتى الأن مجربتش التكيف غير عند المعرض فقط ومش ناوى أفتحه إلا على الصيف القادم تكون العربية لينت براحتها .

وفى ميزات تانية كثثثير بكتشفها كل يوم .

وفى النهاية أتمنى إنى أكون قد أفدتكم ببعض المعلومات عن الموديل الجديد 2012 وأتمنى إنى مكنش طولت على حضراتكم .

بس كان ليا ثلاثة أسئلة فقط : 1- طريقة ظبط الساعة . ؟

2- مش المفروض المساحات فيها رشاشات مياه ( طريقة إضافة مياه للرشاشات ديه منين ) ؟


3- وأنا فى الطريق الدائرى ورايح على الشيخ زايد وكل العربيات ماشية بسرعة وفجئة لقيت واحد راكب عربية نقل وراح داخل ناحية اليمين مرة واحد من غير ميدى أى إشارة وأنا روحت مهدى جامد جداَ بس للأسف عربيته النقل فى أخرها حكت فى الكبوت بتاعى ( الحمد لله إنها حكة بسيطة ) بس شالت حتة من لون طلاء العربية والراجل قعد يتأسف ولقيت شكله غلبان فقلتله ولا يهمك ومشينا وساعتها أفتكرت كلام حضراتكم لما قلته ( حكة من كل مواطن ) وقعدت أضحك وقلت الحمد لله إنها جت على قد كده . ودى صورتها للحكة بتاعت الكابوت :




فكنت عايز أستشير حضراتكم هل أروح لسمكرى كويس يعملها وأخلص واللا أسيبها واهى خبطة تاخد العين وخلاص .

وأعذرونى على رضائة الصور لأنى ملأتش كاميرا نضيفة فصورت بالموبايل بتاعى وكمان كنت راكن فى الجراج فى حته فيها شمس .

ولكم جزيل الشكر

شـــــــــــــــــــــكــ ـــــــــــــــــــــــرا َ

التعديل الأخير تم بواسطة حازم شاهين ; 27-03-2012 الساعة 05:12 AM
رد مع اقتباس
  #2  
قديم 15-09-2011, 01:07 AM
walidelwahsh
Guest
 
المشاركات: n/a
افتراضي رد: حـــــــصـــــــــريــــا .. وكما وعدت , تقرير مفصل عن رينو لوجان 2012 BLACK LINE بالصور ....

الف الف مبروك
وعقبال ماتعلق النمر
وربنا يباركلك فيها ويسعدك بيها
ويديك خيرها ويبعد عنك شرها وشر قرها
رد مع اقتباس
  #3  
قديم 15-09-2011, 03:01 AM
MOSTAFA SALLAM MOSTAFA SALLAM غير متواجد حالياً
 
تاريخ التسجيل: Jun 2011
المشاركات: 127
MOSTAFA SALLAM is a glorious beacon of lightMOSTAFA SALLAM is a glorious beacon of lightMOSTAFA SALLAM is a glorious beacon of lightMOSTAFA SALLAM is a glorious beacon of lightMOSTAFA SALLAM is a glorious beacon of lightMOSTAFA SALLAM is a glorious beacon of light
افتراضي رد: حـــــــصـــــــــريــــا .. وكما وعدت , تقرير مفصل عن رينو لوجان 2012 BLACK LINE بالصور ....

الف مبروك و ربنا يباركلك فيها و يكفيك شرها و ان شاء الله تعلق النمر على خير و بالنسبة للخبطة فسيبها تاخد العين شوية و بعدين انت هتلعب فى العربية و تروح لسمكرى من اولها فقدر الله و ما شاء فعل و الحمد لله انها جت على قد كدة .
رد مع اقتباس
  #4  
قديم 15-09-2011, 03:16 AM
الصورة الرمزية mohamed selem
mohamed selem mohamed selem غير متواجد حالياً
التخصص العملى: جرافيك ديزين
هواياتي: الكمبيوتر و متابعه اخبار السيارات
 
تاريخ التسجيل: Jun 2011
الموقع: مصر ام الدنيا
المشاركات: 903
mohamed selem has a reputation beyond reputemohamed selem has a reputation beyond reputemohamed selem has a reputation beyond reputemohamed selem has a reputation beyond reputemohamed selem has a reputation beyond reputemohamed selem has a reputation beyond reputemohamed selem has a reputation beyond reputemohamed selem has a reputation beyond reputemohamed selem has a reputation beyond reputemohamed selem has a reputation beyond reputemohamed selem has a reputation beyond repute
افتراضي رد: حـــــــصـــــــــريــــا .. وكما وعدت , تقرير مفصل عن رينو لوجان 2012 BLACK LINE بالصور ....

الف الف مليون مبروك وربنا يديك خيرها ويكفيك شرها وبصراحه انا مكنتش اعرف كتير عن البلاك لين لحد مشوفت التقرير بتاعتك كان نفسي الموديل دا ينزل فيها زراير التحكم في الزجاج في باب السائق ويغيرو مكان الكلاكس غير كدا مش عايز منهم حاجه وهتبقي دي بجد العربيه البرفيكت
__________________

رد مع اقتباس
  #5  
قديم 15-09-2011, 03:28 AM
الصورة الرمزية mostafa mamdouh
mostafa mamdouh mostafa mamdouh غير متواجد حالياً
التخصص العملى: Specializing in cars
هواياتي: wrestling
 
تاريخ التسجيل: Jul 2011
الموقع: Helwan
المشاركات: 743
mostafa mamdouh has a reputation beyond reputemostafa mamdouh has a reputation beyond reputemostafa mamdouh has a reputation beyond reputemostafa mamdouh has a reputation beyond reputemostafa mamdouh has a reputation beyond reputemostafa mamdouh has a reputation beyond reputemostafa mamdouh has a reputation beyond reputemostafa mamdouh has a reputation beyond reputemostafa mamdouh has a reputation beyond reputemostafa mamdouh has a reputation beyond reputemostafa mamdouh has a reputation beyond repute
افتراضي رد: حـــــــصـــــــــريــــا .. وكما وعدت , تقرير مفصل عن رينو لوجان 2012 BLACK LINE بالصور ....

الف..............مليون... ............ترليون....... ....... مبروووووووووووك يا باشا
بس انت مش شايف ان المالتى فانكشن مكانه غبى ولا ايه؟؟؟؟؟؟؟ خصوصا انه مش ثابت فى الطارة ذات نفسها!!
رد مع اقتباس
إضافة رد

الكلمات الدليلية
استهلاك البنزين, comparison, اسكندرية, بدون, engine, بنزين, بنزين 80, بنزين 90, بنزين 92, تقييم, داتشيا, logan, manual, رائع, رينو, رينو لوجان, رينو كليو, كيا ريو, انواع الوقود, سيارة مستعملة للبيع

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 03:34 AM.


Powered by vBulletin® Copyright ©2000 - 2019, Jelsoft Enterprises Ltd.
www.MasrMotors.com ™ Copyright ©2008 - 2019
Egyptian Automotive Community
جميع الحقوق محفوظة - مصرموتورز 2008 - 2017