الفيرنا بتسخن مع التكييف

[AHMEDCAR]

لا الحمد لله مجابتش جوان و العربيه مافيهاش تسقيف غير لما تشغل التكييف و ده معرف ان الفيرنا بتسقف على خفيف مع التكييف

[elgazar_14]

انا عندى نفس المشكلة ومش عارف السبب ........... ارجو الأفادة

[احمد سويلم]

المشاركة الأصلية كتبت بواسطة dragking سؤال اخير العربية لما سخنت جابت جوان وش ولا لأ ، وهل في تسقيف وانت ماشي ؟

ياراجل حرام عليك

[mina alraheb]

المشاركة الأصلية كتبت بواسطة مشمش1 السلام عليكم اكشف علي الثيرموستات وشوف كوعة الماء ممكن تكون طريه فعندما يزيد سحب الماء بتقفل في الداخل فلاتسمح للماء بالمرور والله المستعان

فعلا العيب ده حاجه من الاتنين :
الريداتير مكتوم .. او ترموستات الكوعه لو موجوده يشيلها

[borio1704]

إلغاء ثرموستات الكوعة ده اختراع من الميكانيكيين المصريين عشان يريحو دماغهم من مشاكل سخونية العربيات، يمكن يبقى له أسبابه لما قطع الغيار ما تبقاش موجودة.

لو عرفت الفايدة من ثرموستات الكوعة هتعرف ينفع نشيله ولا لأ

ثرموستات الكوعة هو عبارة عن "محبس"، مهمته إنه يتحكم في وصول المياه للرادياتير، يعني لما العربية تبقى باردة يمنع وصول المياه للرادياتير عشان الموتور يسخن بسرعة وياخد وضع التشغيل بأسرع وقت، ولما المياه تسخن يبدأ يفتح السكة للرادياتير عشان يبردها، وبكده يحافظ على درجة حرارة ثابتة للتشغيل





ثرموستات الكوعة بيساعد كمان على التبريد المنتظم للموتور.... لوشلته الموتور مش حيتبرد كويس، وهيبقى فيه أماكن باردة وأماكن تانية سخنة


ثرموستات الكوعة هو الوسيلة الوحيدة للوصول والمحافظة على درجة حرارة الموتور ثابتة أثناء التشغيل من غير ما تتأثر بحرارة الجو الخارجي أو سرعة العربية


طيب ليه درجة حرارة التشغيل لازم تبقى ثابتة؟؟


الموتور عبارة عن أجزاء معدنية، والمعادن بتتمدد بالحرارة... وتنكمش بالبرودة

لما الموتور بيبقى بارد.. الأجزاء الداخلية بتبقى منكمشة بطريقة ممكن ما تبقاش محسوبة .. وده بيعمل تآكل ما بين الشمايز والبساتم وعمود الكرنك ده غير إن الزيت ما بيكونش وصل للزوجة الصحيحة للتزييت.

على فكرة... ثرموستات الكوعة مش للدول الباردة بس

وأكبر إثبات على كلامي... ليه العربيات في الخليج (اللي جوهم أحر جو في العالم) ما بيشيلوش الثرموستات من عربياتهم؟؟؟؟؟



من الآخر... الموتور البارد موتور بيفوت بسرعة.

ده غير إنك في الشتا لو سقت على طريق سريع ... الموتور هيبرد، وده هيزود استهلاك البنزين لإن كفاءة الحرق ما بتكونش مثالية، وممكن تخلي العربية تهبب من الشكمان.


يعني... لما تشيل الثرموستات.. هتفوت موتورك وتصرف فلوس زيادة على البنزين وكمان مش هـتتمتع بأداء العربية