دينامو بوش

من اسكندرية حيث التاكسى = لاد فانا بحب ادردش مع سواقين التاكسى دايما عن الصيانة والصنايعية والافتكاسات ولفت نظرى شوية حاجات ممكن تفيد حد هنا
كنت راكب احد التاكسيات ولقيت عفشته خيالية ولا كاننا ماشيين على مطبات ولا حاسس بالطريق بصورة غير عادية فسالته حضرتك مركب عفشة ايه قاللى دول مساعدين ورا وقدام برازيلى - طبعا نطت فى دماغى البرازيلى دى وافتكرت واحد صاحبى معاه تاكسى ايام ال 125 قاللى احسن عفشة للعربيات القديمة هى البرازيلى - طيب بكام دول يا حاج قاللى جوز المساعدين ب 180ج واليايات ب 35 ومريحين العربية قوى
واحد تانى راكب معاه وكان بيجرى جرى عبيط فى شارع زى الزفت والعربية ماشية دكر بثبات مالهوش حل فكالعادة قعدت الوك معاه توتوتوتو لحد ما وصلنا للعفشة قلتله بصراحة اللادا عربية ناشفة قوى قاللى طيب ايه رايك فى اللى معايا قلتله ما شاء الله قاللى انا مركب مساعدين ورا 132 وقدام عفشة يابانى تقريبا بتاع تويوتا او دبابة قلتله بس مشكلتها برضه انها طارة ناشفة قوى قاللى لا بيركبلها علبة دركسيون بتاعة ميكروباص مازدا بتكون نفس المقاس بالظبط وتخليها حرير قلتله يا عم ما التعديلات دى كلها غلط قاللى شغالة معايا زى الفل بقالها كتير وبتركب مكان الاصلى من غير خرط ولا قص
واحد تانى عجبنى قوى شكل التابلوه 2107 منور ابيض زاهى والمؤشر تحس كانه منور بشكل جميل غير الشكل بتاع شرايط النور الغبية لما دايما تلاقى التاكسيات بتركب شريط نور بالعرض فوق العدادات وطبعا لوك لوك لوك قاللى ان دى شرايط نور برضه بس الصنايعى فك التابلوه ومشى بالشريط على الدورانات بتاعت كل دايرة من الداخل سرعة وار بى ام وزيت والخ فطبعا النور متوزع صح واللمبات مش ظاهرة

حاجات تانية متنوعة خلاصة مناقشات ولك لك
الفتيس ال 4 غيار يفضل تغييره ب 400ج احسن كتير من تصليحه
بخصوص السمكرة والدوكو والعفشة اجمع كل الناس ان صنايعية الارياف زى دمنهور وكفر الدوار وفوه بالذات اسعارهم حنينة وشغلهم نضيف احسن ميت مرة من اسكندرية والقاهرة
عداد الاربى ام ابو 100 و 150 ج سيئين
المروحة تا4 ريشة لما بتغير ب 6 او 8 ريشة بتخلى الصوت بتاع الموتور اهدى

الرابط
مصر موتورز مجتمع وسوق السيارات العربى - عرض مشاركة واحدة - مجموعه خبرات سواقين تاكسي الادا

المشاركة الأصلية كتبت بواسطة abokoko الكهربائي اللى بتعامل معاه عايز حاجة تركب مكان حاجة بدون تعديل يعنى هو عايز دينمو زى اللى راكب علشان يحل ويركب وهو رايه ان اللى راكب يتصلح بدل ما نغيره بس انا بالنسبة لى اتصلح مرة يبقي كفاية ونستبدله احسن

لو مش بتاع تعديلات يبقى كهربائى على قده وبرضه هو اللى يقرر !!!!

[abokoko]

الجديد

الكهربائي قال الدينامو شغال
و العيب فى تثبيت الاسلاك على البطارية

وداس عليهم بالبنسة
وقال هات قطاش جديد

الامور حاليا ماشية دون مشاكل

المشاركة الأصلية كتبت بواسطة abokoko الجديد الكهربائي قال الدينامو شغال و العيب فى تثبيت الاسلاك على البطارية وداس عليهم بالبنسة وقال هات قطاش جديد الامور حاليا ماشية دون مشاكل

الحمد الله انك مصرفتش فلوس بدون داعى

[abokoko]

الحمد لله
و ربنا يديمها علينا نعمة