|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
||||
|
||||
مشكلة شرقان الكربراتير و حلها على يد الاسطى حمدى
السلام عليكم
بعد رحلة متابعة و مشاكل شرقان للكربراتير ... تم حل المشكلة امس ... و الحمد لله دى صور للكربراتير و هو بيطفح بنزين برة ... ده غير طفح البنزين جوة و شرقانه فعملت حاجة قلت يمكن تنفع ... و هى خط راجع للكربراتير !!! ركبت فلتر بنزين بخط راجع .. و وصلت خط الراجع على التانك خط الراجع بيفتح اذا الضغط ارتفع امامها ... و تفتح بنسبة من ارتفاع الضغط امامها .... ده معناه ... لما الابرة تقفل خط تغذية الكربراتير للبنزين ... الضغط يعلى فى الخرطوم الى بين الطرمبة و الكربراتير ... فيتفتح خط الراجع الى فى الفلتر و ده عمل حل لشرقان الكربراتير الخارجى و الداخلى .... بس الكربراتير كان بيعلى و يوطى لوحده !!!!! ده غير ان العربية رجعت تشرق تانى خارجيا !!!! رحت خاطف رجلى للخبير الكبير عم حمدى .... و فضلنا نعافر فى الكربراتير ... و فكناه مرتين و تجربة الكربراتير قبل التركيب ... و جربناه على ضغط الطرمبة و هو مفكوك و وجربناه و هو راكب ... و ظبطنا العوامة ... عم حمدى لاحظ الاتى (بعد الفك و التنظيف مرتين ) :- - فيه ضغط كبير شوية فى الخرطوم الخارج من الطرمبة - مستوى البنزين جوة الكربراتير بيعلى و يوطى .... و ده الى بيخلى الموتور بيعلى و يوطى - عدم استجابة مسامير الهوا للظبط !!!! يعنى لو ربطناهم للاخر ... زى لو فكناهم للاخر ففكر فى ان الطرمبة الميكانيكية بتدى ضغط اكبر من الى الكربراتير قادر على التعامل معاه .... و جات الفكرة فى تجربة طرمبة بنزين خارجية للكربراتير !! زى الموجودة فى الاسكودا فيليشيا او المازدا و قد كان الحل السحرى الموتور اتضبط ... مفيش شرقان ... استجابة لضبط مسامير الهوا .. استطعنا ضبط الموتور و صوته هدى جدا على ما وصلنا للموضوع ده الساعة كانت 11 مساءا ... و لم نجد غير طرمبة السوزوكى الصينى ... و ركبناها للتجربة لحين تركيب طرمبة الفيليشيا ان شاء الله و دى صورة الطرمبة الكهرباء الى ركبناها التجربة .... رجعت بالعربية من عند عم حمدى الساعة 1 صباحا و قرصت على العربية اكتر من مرة ... استجابتها كانت كويسة جدا .... و جربتها النهاردة الصبح فى مشوار صغير و كانت كويسة جدا .. و ان شاء الله حتابعها اليومين الجايين دول للتأكد من اداء الطرمبة الجديدة شكر عميق لعم حمدى ... تعب معايا جدا امبارح ... فضلنا شغالين بس فى الكربراتير طول النهار و عرف العيب فين شكر كمان للاستاذ احمد مالك السيارة السيات الى تم تسقيط موتور اللانشيا فى ورشة الاسطى حمدى
__________________
|
#2
|
||||
|
||||
رد: مشكلة شرقان الكربراتير و حلها على يد الاسطى حمدى
__________________
|
#3
|
||||
|
||||
رد: مشكلة شرقان الكربراتير و حلها على يد الاسطى حمدى
تحياتي لك يابشمهندس احمد
وتحية خاصة لالسطي حمدي المخترع الغائب بس ازاي طرمبة صغيرة استطاعت التغلب علي المحرك بتاعك وياريت تطبب الطرمبة الميكانيكية ممكن تحتاجها في وقت زنئة
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. التعديل الأخير تم بواسطة amr elsisi 1 ; 13-04-2014 الساعة 10:36 PM |
#4
|
||||
|
||||
رد: مشكلة شرقان الكربراتير و حلها على يد الاسطى حمدى
عم حمدى فضل شغال مع الكربراتير طول اليوم امبارح حتى الساعة 11 مساءا تقريبا ... و بعد كدة قررنا نجرب الطرمبة الكهرباء .. و اتصل بيا كمان علشان يطمن عليا و على العربية ... ربنا يكرمه و يباركله علشان انا كنت خايف الطرمبة الكهرباء تقطع منى و انا راجع باليل .... و ده معناه انى حقضى الليلة جوة العربية انا كمان كنت مستغرب انها ممكن تغذى الموتور !!!! انا جربت انى اقرص على العربية و اشد بيها ... استجابة الموتور كانت طبيعية جدا الطرمبة الميكانيكية الاصلية ..... انا حستخدمها فى حاجة تانية ان شاء الله انا ححط خليط من البنزين و الزيت فيها و اقفل الدائرة عليها .... يعنى حوصل خرطوم بين الى داخل الطرمبة و خرج الطرمبة ... و اخليها تشتغل على نفسها انا عاوز احط زيت مع البنزين علشان تحاول تلين الاويل سيلات ... و ده كان رأى عم حمدى سبب زيادة ضغط البنزين ... الاويلسيلات نشفت او تلفت من البنزين فالطرمبة زاد ضغطها الطرمبات الميكانيكية الى على المحرك بتاعى نوعين .... نوع ممكن تفكه و تصلحه ... و نوع مش بيتفك .. للأسف .... بتاعتى من النوع الى مش بيتفك
__________________
|
#5
|
||||
|
||||
رد: مشكلة شرقان الكربراتير و حلها على يد الاسطى حمدى
طيب طبب مكانها وخليها احتياطي في العربية
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. |
الكلمات الدليلية |
الكربراتير, بليزر, طرمبة كهرباء |
|
|