رحلة جماعية لواحة سيوه

[Komy]

المشاركة الأصلية كتبت بواسطة نبيل عبدالرحمن يلا يا جماعة استعدوا موعد الرحلة فى أجازة نصف العام أى فى أول فبراير تقريباً وعايزين نتفق ها نروح بالأتوبيس ولا بالسيارات الخاصة

الله ينور عليك يا استاذ نبيل وعلى موضوعاتك الجميلة .

إنشاء الله انا معاكوا بس ياريت تفاصيل اكتر عن الموضوع زى :

1- العدد مثلا مفتوح ولا عدد معين؟

2- التكلفة بالتقريب بإعتبار إن حضرتك رحت قبل كده

3- المسافة قد إيه تقريبا كيلوات ووقت؟

4- الطريق اخباره إيه علشان انا برضو من هواة السفر بعربيتى

5- الطريق اخباره ايه يعنى ينفع معاه عربية سيدان عادية ولا زم 4x4 علشان انا عربيتى فيرنا؟

6- هل المكان مناسب لكبار السن ولا هيبقى فيه مشقة عليهم وعلينا؟

7- وأخيرا وده الأهم حضرتك هتبقى معانا ولا إيه؟

[نبيل عبدالرحمن]

تحياتى
1- العدد مفتوح وحسب ما نقوم بالحجز حيث الإقامه بمنتجع سيوه باردايس سفارى
2-التكلفة للفرد العام الماضى كانت 375 جنيه للفرد شامل المواصلات والوجبات ( فطار + عشاء ) والمزارات وطبعاً فى حالة حضورك بالسيارة سيتم خصم قيمة المواصلات
3-المسافة من الإسكندرية الى سيوه حوالى 600 كم أى حوالى 7 ساعات بالأتوبيس
4-الطريق حتى مطروح ممتاز ومن مطروح لسيوه ( 300) كم مفرد لكنه متسع ومرصوف جيداً
5-الطريق لا يحتاج لسيارة 4X4 وتكفى سيارة عادية بس تكون متظبطة
6- المكان مميز جداً حتى لكبار السن ( أنا من كبار السن ولا أفوت هذه الرحلة )
7- أنا أعشق هذه الواحة ولا يمكن ما أبقاش معاكو

[احمد بدر1978]

طيب حضراتكوا ناويين على مواصلات ولا بالعربيات والاقامة كام يوم؟؟؟؟؟؟؟؟

[karem ali]

الله فعلن فكره كويس ان شاء الله اكون معاكم و فى المقابله القادمه اكيد هنتكلم فى الموضوع ده
و شكرا ليك جدا يا استاذ نبيل

[mautaz mouhamed]

اكيد طبعا يا استاذ نبيل انا جى معاكم و لو عاوزين النيفا انا مستعد
و زى ما كريم قال اكيد فى يوم المقابله هنتفق على برنامج الرحله
شكرا ليك يا استاذ نبيل