بروفشنلز اسكندرية

[didos]

انا مش دكتور بس ليا سواقين كتير صحابى
كاربراتير :
سعيد كاربراتير - الحضرة شارع الزهور
التانى معرفش اسمه بس بيقولو جامد برضه فى السيوف الشارع اللى قصاد بنزينة صبرى وعمارات كيروسيز
ضبط الزوايا :
كريمة- فى السيوف اسالو اى حد هناك معروف جدا قبل دوران المطافى اسمع انه دكتوووور بس لازم تكون العفشة 200% علشان يشتغل
محمد العفشجى - سيدى بشر ش سيف الشارع المقابل لبوابة الامن المركزى (خش واسال ) ضبط زوايا وحدادة عفشة وعفشة بتعامل معاهم محترمين وبيجيلهم ناس من كل حته
على العفشجى - فى نفس الشارع بس ماعندوش ضبط زوايا انما برضه ممتاز فى العفشة وحدادة العفشة
هانى - كاوتش وجنوط السيوف وانت رايح على دوران المطافى من الشارع اللى جنب فتح الله بتاع جاردينيا اسعاره خرافه وامين يعنى انا سالت قبل ماغير 4 فرد كاوتش فى حوالى 20 محل ولقيته ارخص واحد فى كل الماركات اللى سالت عليها
محمود ابو كليلة - قطع غيار جديدة
فظييييييييييع بجد انا موسوس فى قطع الغيار بسئل 10 مرات قبل ما اشترى و 5 بعد ما اشترى وعمرى ما لقيت الحاجه ارخص منه شغال فيات ولادا ودايو وبيجو وحاجات كتير محل علبة كبريت بس ما شاء الله مخازن بالهبل
فى المندرة ش مساكن الحرمين امام سنترال الحرمين زقاق صغير ومحل صغير بس يحير
ومازال البحث جارى عن ميكانيكى محترم

[احمد يوسف]

كربراتير فى صنيعى محترم جدا عن تجربة اسمع عاطف فى الحضرة القبلية شارع ابن الملاعب ومصنعيته قليلة

ميكانيكى تخصص اسكودا وكيا اسمه جمال اسكودا فى الحضرة الجديدة شارع الازالة عمل شغل فى عربيتى محترم وعنده قطع غيار وشغل لا يعلى عليه لكن المصنعية عالية شوية لكن فى مقابل شغل صح

[teto2007]

شكرا للاخوان اللى شاركوا بالمعلومات دى

[mahranahm]

الله ينور موضوع جميل يسلم العاملوا

[thewesaman]

انا من اسكندريه يا جماعه و عايز سمكرس و بوهيجي كويس و اسعاره حلوه انا معايا سيات ابيزا و مفيهاش شغل سمكره ياما روحت لواحد قالي سمكره و بويه 2500 فحرام يعني و حسيت انه نصاب لو حد يعرف حد يضمنه يبقي جزاه الله خير