ياريت رايي اهل الخبره بالمنتدى ..ضرورى

[smile for ever]

انا جايب عربيه كرولا الشكل الجديد وعايز اعمل فيها طقم صوت خرافه ومش مشكله الفلوس بس عايز طقم صوت من الاخر .... ارجو الافاده

[Injection]

رغم أن الميزانية هى اللى هتحدد كل حاجة, بس على العموم.

البازوكا الجى بى أل بتعمل 630 جنيه, دى كل اللى بتعمله بتجيبها وتركبها على الأمبليفاير وخلاص,

الأمبليفاير اللى هايقومها هيبقى 400 وات أو أعلى, ممكن تجيب أمبليفاير كينوود 400 وات قناتين وتركب البازوكا على القناتين وتبقى عملت شغل كويس قوى.

أو تجيب أمبليفاير 600 وات كينوود 4 قنوات وتركب البازوكا على قناتين, وتجيب سماعات بايونيير بيضاوى 3 واى (ياريت 4 واى), عندك البايونيير 400 و550 و600 (ال 600 أحسن حاجة طبعا) وتركب السماعات الجديدة على القناتين التانيين, وتيبقى عملت نظام فظيع ومن غير تعب كتير لأن الموضوع كله تركيب وخلاص.

كده والكاسيت كمان فاضى مش راكب عليه حاجة, هتجيب طقم مدور بمقاس الباب بايونيير 200 وات أو فى الحد ده يعنى.

ولو عند الكوبستة ورا راكب فيها مدورين, كده كده هتضطر تحفر علشان البيضاوى, فابالمرة أحفر مكان لسماعتين مدورين أو بيضاوى, وهاتهم لو مدورين زى سماعات الباب, ولو بيضاوى فى حدود 250 وات.

كده يبقى البازوكا 630
الأمبليفاير ال 400 بحوالى 450
ألامبليفاير ال 600 حوالى 650
طقم السماعات مش أقل من 300 جنيه لل 600 وات
وال 200 وات بحوالى 150
والبيضاوى ال 250 وات فى حدود 250 جنيه

يعنى النظام بالسماعات هيعمل حوالى 1500 الى 2000 جنيه

ولو أنت من محبى وجع الدماغ ممكن تجيب صبين بايونيير 1400 وتركبهم فى صندوق وتجيب الجى أم ال 600 ال 4 قنوات برضه وتركبهم عليه لكل صب قناتين, وجى أم 400 قناتين للسماعات, وتجيب سماعتين بايونيير 500 بيضاوى أو 400 وتركبهم عليه وتكمل على الكاسيت زى ماقلنا, والمشوار ده هيتعبك أكثر وهيكلفك أكثر, بس بثمن البازوكا هتشترى صبين وصندوق (الصب بحوالى 320 للواحدة والصندوق فى حدود 150 جنيه) ويبقى عندك ضعف قدرة البازوكا, بس هتضطر تركب 2 جى أم بدل واحد.

عايز رأى أخر, هات البازوكا وجى أم 400 كينوود وبس, وجربهم الأول, بعد كده ممكن تجيب سماعات أعلى من الأصلى وتركبهم على الكاسيت, يعنى اعمل حاجة حاجة علشان تحس بالفرق.

ومتنساش تعمل حسابك فى 200 جنيه للسلوك والتركيب, ولو هتقص فى الكوبستة و الصاج زود عليهم 50

[harpoonattack]

المشاركة الأصلية كتبت بواسطة Injection رغم أن الميزانية هى اللى هتحدد كل حاجة, بس على العموم. البازوكا الجى بى أل بتعمل 630 جنيه, دى كل اللى بتعمله بتجيبها وتركبها على الأمبليفاير وخلاص, الأمبليفاير اللى هايقومها هيبقى 400 وات أو أعلى, ممكن تجيب أمبليفاير كينوود 400 وات قناتين وتركب البازوكا على القناتين وتبقى عملت شغل كويس قوى. أو تجيب أمبليفاير 600 وات كينوود 4 قنوات وتركب البازوكا على قناتين, وتجيب سماعات بايونيير بيضاوى 3 واى (ياريت 4 واى), عندك البايونيير 400 و550 و600 (ال 600 أحسن حاجة طبعا) وتركب السماعات الجديدة على القناتين التانيين, وتيبقى عملت نظام فظيع ومن غير تعب كتير لأن الموضوع كله تركيب وخلاص. كده والكاسيت كمان فاضى مش راكب عليه حاجة, هتجيب طقم مدور بمقاس الباب بايونيير 200 وات أو فى الحد ده يعنى. ولو عند الكوبستة ورا راكب فيها مدورين, كده كده هتضطر تحفر علشان البيضاوى, فابالمرة أحفر مكان لسماعتين مدورين أو بيضاوى, وهاتهم لو مدورين زى سماعات الباب, ولو بيضاوى فى حدود 250 وات. كده يبقى البازوكا 630 الأمبليفاير ال 400 بحوالى 450 ألامبليفاير ال 600 حوالى 650 طقم السماعات مش أقل من 300 جنيه لل 600 وات وال 200 وات بحوالى 150 والبيضاوى ال 250 وات فى حدود 250 جنيه يعنى النظام بالسماعات هيعمل حوالى 1500 الى 2000 جنيه ولو أنت من محبى وجع الدماغ ممكن تجيب صبين بايونيير 1400 وتركبهم فى صندوق وتجيب الجى أم ال 600 ال 4 قنوات برضه وتركبهم عليه لكل صب قناتين, وجى أم 400 قناتين للسماعات, وتجيب سماعتين بايونيير 500 بيضاوى أو 400 وتركبهم عليه وتكمل على الكاسيت زى ماقلنا, والمشوار ده هيتعبك أكثر وهيكلفك أكثر, بس بثمن البازوكا هتشترى صبين وصندوق (الصب بحوالى 320 للواحدة والصندوق فى حدود 150 جنيه) ويبقى عندك ضعف قدرة البازوكا, بس هتضطر تركب 2 جى أم بدل واحد. عايز رأى أخر, هات البازوكا وجى أم 400 كينوود وبس, وجربهم الأول, بعد كده ممكن تجيب سماعات أعلى من الأصلى وتركبهم على الكاسيت, يعنى اعمل حاجة حاجة علشان تحس بالفرق. ومتنساش تعمل حسابك فى 200 جنيه للسلوك والتركيب, ولو هتقص فى الكوبستة و الصاج زود عليهم 50

تحيه كبيره اوووووووووى لبشمهندس الصوت الاستاذ عمرو ،،،،،
ايه الشغل الجااااامد ده يا باشا