الحقوا العربة JAC b Class من يد مدمرها فى مصر

[tiger341306]

فعلا انااتصلت به يوم الاربعاء وكان مع امين المخزن وخارج الشركة فى مامورية وقال لى ايوه موجود فقلت له يعنى احضر من دمياط قال لى اتصل بيا قبل ماتيجى قلت له هل هو مش بتقول موجود قال لى لا اول لما يوصل سوف اكلمك
انا عاوز يقولوا لى يوم هييجى فيه الزجاج

[د.كمال]

طب إذاى موجود وأول مايوصل هيتصل بيك ......


على العموم أنا كنت اتصلت بواحد اسمه امير بتاع تركيب زجاج فى القاهره وشغال فى مصنع د. جريش وقالى ياريت تجيب العربيه وتيجى يمكن الزجاج يتوافق مع نوع تانى ......ياريت تتابع معاه وتشوف وده رقمه 01111317744

على العموم متقلقش ....فى محل فى الحرفيين هيجيب قطع غيار للجاك وأنا متابع معاه واول ميجيب قطع الغيار هبلغ كل الاخوه الزملاء .....هو قاللى قدامه اسبوع والبضاعه توصل المينا ....بس اكيد مش هيكون فيه زجاج .....

[محمد صالح - المحامى]

د. كمال
جزاك الله كل خير على مساعده الاخوة الاعضاء بدون مقابل او اهداف خفية

[mms]

الاخوه الفضلاء . ميصحش ابدا ان النقاش ياخد طابع شخصى اطلاقا . بل يجب ان يظل دائما فى جهه الموضوع . والحديث لا يتعدى ابدا مجرد الكلام عن وكيل لسياره . فيه مننا اللى ناقم عليه لانه شايف انه مقصر ومهمل ودا طبعا مش لعداوه بينه وبين الوكيل وانما ليبين للناس ويحذرهم علشان ميقعوش ويتعاملوا معاه ويرجعوا يندموا ويقولوا انهم مكانوش يعرفوا ومحدش حذرهم . فاحنا بنحذرهم لوجه الله . وهى دى وجهه نظر المعارضين لهذا الوكيل .
وفيه اخوه تانيين بيعملوا جاهدين على ايجاد حلول لبعض المشاكل اللى بيواجها مالكى السياره , ومنهم العضو المحترم الدكتور كمال . فبيحاول يتصل بالتوكيل ويحث العاملين به على حل المشاكل بتاعه العملا . وبيحاول يعرف اذا كان فيه بدايل او محلات غير الوكيل لبيع قطع الغيار او الصيانه ويعرف العملا بيها . وده ايضا بقصد تخفيف معاناتهم و حل بعض مشاكلهم . وده ايضا لا لشيئ الا لوجه الله تعالى . فاذ اتحقق اللى بيسعى اليه وحل بعض المشاكل يبقى جزاه الله خيرا . واذا التوكيل خلف وعده فده ميقللش ابدا من قيمه العمل العظيم اللى بقوم بيه وكتر خيره على كل حال .
وبعدين يصح يا اخوه يا محترمين نوجه له الفاظ من قبيل ضحكوا عليك ومرهموك .!!!!!!!!! عيب قوى لان الراجل فى جميع الاحوال قصده خير وعمل خير . وبعدين يكون ده جزاؤه ؟؟
وبعدين احنا عندنا مشكله كبيره جدا وخطيره فى مفاهمنا الاجتماعيه . وهى ان احنا بننظر للانسان اللى بيصدق الناس وينتظر وفاؤهم لوعودهم بننظرله اذ اتم خلف الوعد معاه على انه انضحك عليه او انه هو اللى غلطان وده طبعا غلط . عمر الثقه فى الناس وتصديقهم ماكان عيب. العيب على اللى بيخلف ويكذب .
اما الانسان اللى بيجتهد انه ينفع اخوانه سواء وفق او لا, فده على كل حال كتر الف خيره . تقبلوا تحياتى .

[tiger341306]

فعلا انا روحت لمصنع د/ جريش وخادونى بجانب المخزن وراح امين المخزن يخرج زجاج تلو الاخر ومش موجود مقاسها