تأكيدا على اسعار الجاك بى كلاس

[mms]

عارفين حضراتكم لو كان اهمل الدعايه . وساب سعرها القديم زى ما هو . كان سعرها سوقها من غير دعايه . لكن لسوء الحظ . لاسعر ولا دعايه ولا خدمات ولا ضمان ....ولا عزاء لملاك السياره .

[د.كمال]

:clapW1 5:

[mr/ahmed]

المشاركة الأصلية كتبت بواسطة د.كمال الأخوه الأعزاء .....رمضان كريم عليكم ....وأنا سعيد جدا بإنضمام أخ فاضل لنا وهو الأستاذ أحمد شينا . بالنسبه لسعر الجاك هو 84 الف ومحدش باعها بأرخص من كده لاموزع ولا غيره . وكيل الجاك جشع طبعا أنا معاكم .....لكن هل باقى الوكلاء مش جشعين يعنى لما ال byd الفول اوبشن توصل 71 الف دا مش جشع والرينو اللوجان توصل 71 الف دا مش جشع والمفروض بدون جمارك . وال m11 أغلا من كده دا مش جشع بالرغم من التقفيل المصرى . والناس إللى بتقارن الجاك b15 ب الbyd وال لوجان والm11 ....معلش يعنى مفيش وجه للمقارنه .....وهثبت ذلك بالتجربه ال byd مع واحد صاحبى معايا فى الشغل وهو إشتراها بعد مأنا إشتريت الجاك ب شهرين ....(السياره لاأختلف إن أدائها تمام ) لكن تعالى شوف التقفيل المصرى ...فروق فى الشنطه (على رأى صاحبها بتدخل فيران ) الدوكو فى الاكصدم الامامى والخلفى قشر .....فروق فى الببان....مشعايز أتكلم عن الخامات الرديئه . اللوجان مع اصدقائى أيضا ....التقفيل مغربى لكن جيد جدا ....لكن عربيه من الماضى ...يعنى تشيل 3 مفاتيح للعربيه وللتنك وللشنطه ....زراير الزجاج فى التابلوه والكلاكس فى دراع الاشاره ....وساده هوائيه واحده للسائق .....بدون إنزار .....سخونه فى الدواسات بسبب دواير التكييف ....أعلا صوت ماتور فى عربيه ..مشعايز أتكلم عن أسعار قطع الغيار ولا الصيانه .....التوكيل انا إتعاملت معاه قبل كده مع عربيتى الرينو اوبتيما (من أسوأ التوكيلات فى مصر ) يعنى لو عربيتك فيها عطل لازم تتصل بيهم الاول ويحددوا لك معاد تروح فيه ......يعنى تركن عربيتك إسبوع أو إتنين وممكن شهر على ماييجى الدور عليك وتروح وتركن العربيه عندهم ولما يخلصوها يتصلوا بيك ........هو ده النظام لو عاجبك ....يعنى بيعلمونا الادب . ال m11 شكلها حلو ....لكن برده تعالى شوف عيوب التقفيل المصرى ....واحد جارى فى ال6شهور الاولى لشرائها غير مارش ودينامو ومكن زجاج وحساس بنزين وأدخل على قسم الm11 وشوف المشاكل .....الجاك كماليات اكتر من الm11 وخامات افضل بكتير .......اير باج ...abs ebd حساس ركن وغيره . من وجهه نظرى لو هدفع فلوس أكتر وأشترى عربيه تقفيل بلدها وخاليه من العيوب ذى الجاك أنا الكسبان ...وكل واحد فينا معاه العربيه بقاله سنه وأكتر لو ظهر من العربيه عيب ذى العربيات التانيه يقول ويغلطنى . وهى الهيونداى rb لماتنزل ب102 الف وبدون كماليات ووسائل امان ذى ال إير باج وال abs , ebd يبقى وكيلها كويس ولا جشع . عايز أقول إن وكيل جاك ذيه ذى كل الوكلاء الجشعين فى مصر ....لكن هما بيزيدوا عنه فى وسائل الدعايه والتوسع فى مراكز الخدمه إنما الجشع والطمع واحد وأنا متأكد تماما لو الجاك مع واحد جشع تانى كانت هتنتشر أكتر عايز أقول للناس بتوع خليها تصدى .....يعنى بقالنا سنتين بنسمع الكلام ده لاشفنا وكيل قفل ولا سوق العربيات وقف ولا العربيات رخصت ولا الناس بطلت تشترى ؟؟؟؟؟؟؟؟................ر مضان كريم عليكم

كلام ممتاز جدااااا يا دكتور كمال عن الفرق بين الجاك والعربيات الاخرى
بس متنساش يا دكتور اللى حصل معايا فى الجاك بتاعتى (المارش اللى اتحرق تانى يوم شراءالعربية وماكينة الزجاج) بس كلامك والله تمام فعلا
وبالنسبالى الحمد لله قضاءوقدر

[د.كمال]

المشاركة الأصلية كتبت بواسطة mr/ahmed كلام ممتاز جدااااا يا دكتور كمال عن الفرق بين الجاك والعربيات الاخرى بس متنساش يا دكتور اللى حصل معايا فى الجاك بتاعتى (المارش اللى اتحرق تانى يوم شراءالعربية وماكينة الزجاج) بس كلامك والله تمام فعلا وبالنسبالى الحمد لله قضاءوقدر

الأخ الفاضل أستاذ احمد .....كل سنه وانت طيب ورمضان كريم
أنا بالنسبالى العربيه ذى الفل معايا ومعنديش إستعداد أكره عربيتى عشان التوكيل وحش
لو كل واحد هيكره عربيته عشان التوكيل وحش كان كل الناس باعت عربياتها ...............تحياتى ليك

[MANDO09]

دكتور كمال كلام حضرتك زى الفل ..... وعايز الفت نظر حضرتك و السادة ملاك الجاك لحاجة مهمة جدا ان انتم اهم دعاية للجاك يعنى انا عن نفسى مسمعتش عنها ولا كنت اعرفها الا من خلال اشادتكم الكبيرة بالسيارة عموما ..... يعنى برده العربية الكويسة سوقها بيمشى لوحده ..... ورغم كدة انا متفق ان الوكيل زى بقية الوكلاء تعبان جدا وبصراحة وتقبل كلامى يا دكتور الناس ارتفع سقف آمالهم لما لقوا ان فيه عربية بالجودة دى فى الفئة دى وتمنوا ان يكون الوكيل على مستوى السيارة .... يعنى الموضوع مش تحامل على وكيل جاك الموضوع انتظار الافضل