|
#1
13-06-2010, 07:03 PM
|
||||
|
||||
صيانة 1000 كيلو للجاك سندريلا
السلام عليكم ,,
اليوم عملت صيانة 1000 كيلو للسندريلا واليكم تفاصيل الصيانه كلاتي : اولا : روحت الى معرض جاك ( هورس موتورز ) واستلمت الضمان ثانيا : ذهبت لمركز صيانة جاك بالاسكندرية ( محرم بك ) وكانت الساعة حوالي 10 صباحا على بوابة المركز قابلني المسئول عن استلام العربية وسألني في أي مشاكل أو ملاحظات والحمد لله معنديش مشاكل واخبرته على ملاحظة ان مسافة حركة فرامل اليد طويلة وعايز اصغرهاشوية وطبعا سجل ده في اذن الدخول واخد العربية وقال لي اتفضل في الدور التاني في الاستراحة وفي شباك كبير حتشوف منه العربية في الصيانه طلعت الدور التاني وفعلا شوفت العربية وتم البدء في العربية الساعة 10.15 صباحا اول شئ غيار الزيت ( شل 5000 كيلو ) عشان في صيانه تانية عند 5000 كيلو وبعدين تم الكشف على العربية من اسفل وتربيط العفشه الكشف بجهاز الكمبيوتر وتم تركيب كابل الكمبيوتر اسفل الدركسيون الكشف وظبط هواء الكفرات ( الكاوتش ) الكشف على الانوار فحص العربية عموما طلع المسئول وجرب العربية وفي النهاية غسيل العربية وبعدين المسئول اعطاني الفاتورة بمبلغ 145 جنية ( 105 زيت شل / 27 فلتر زيت / ضريبة مبيعات ) واستلمت العربية على خير والحمد لله حوالي الساعة 12 ظهرا واكد على المسئول بموعد صيانه 5000 كيلو وانها ايضا صيانه مجانية الخلاصة : الوقت / من 10 صباحا : 12 ظهرا ( ساعتين ) المبلغ / 145 جنية ( زيت وفلتر ) الخدمة / بصراحة ناس ذوق جدا ( وحاولت مكافأتهم ولكنهم رفضوا بشدة وكانت اجابتهم بأن كل من في مركز الصيانه في خدماتي وهذا عملهم ) وعلى فكره الضمان 100000 كيلو أو 3 سنوات ايهما اقرب شكرا لكم واسف للاطاله. اه نسيت حاجه مهمة وانا في الاستراحة احضروا لي شاي ( ببلاش )
__________________
 ptmnlo123per171
|
|
#2
13-06-2010, 08:27 PM
|
|||
|
|||
|
رد: صيانة 1000 كيلو للجاك سندريلا
الف مبروك يا تيمو وربنا يديك خيرها ويكفيك شرها وايه اخبار العربية معاك انا شوفتها وانا في اسكندرية من يومين وقولت ايه العربية الغريبة ديه لاني كنت اول مره اشوفها بس شكلها الخارجي جميل يا ريت بقا تتم جميلك وتعملنا تقرير عنها وتصورلنا العربية كدا من بره وجوه وتمتعنا بيها
|
|
#5
08-08-2010, 10:12 AM
|
|||
|
|||
|
رد: صيانة 1000 كيلو للجاك سندريلا
الف الف مبروك
وربنا يكفيك شرها ويديك خيرها وعقبالنا يارب لانى بفكر جديا اجيبها ادعولى بقه
|
 |
|
|
