لمبه الحراره

[xabi]

المشاركة الأصلية كتبت بواسطة احمد على 1999 انا مكنتش اعرف حكاية اللمبة دى .... يبقى كده بتفرق من ماركة لماركة اما بالنسبة لكمية الميه فدى كتيره معنى كده ان عندك يا تسريب خارجى و ده سهل و حيبقى زى ما قال المهندس احمد فى مشاركته رقم 2 و احب اضيف عليه غطاء القربة او غطاء الرادياتير (علشان مش عارف البولو) عليه عامل كبير فى نقصان المياه + سربنتينة السخان الى وراء التابلوه و دى احتمال تبان على هيئة تجمع رطوبة او ميه فى الفرش الى تحت التابلوه + مضخة الميه يا تسريب داخلى و ده صعب : 1- جوان وش السيلندر 2- شرخ بالبلوك

شكرا يابشمهندس على ردك الوافى ده..بس انا عندى سؤالين اعرف منين ان المشكله من جوان وش السلندر
والسؤال التانى يعنى ايه شرخ بالبلوك

معلش هتعب حضرتك معايا.
وكل سنه وحضرتك طيب

[احمد على 1999]

المشاركة الأصلية كتبت بواسطة xabi شكرا يابشمهندس على ردك الوافى ده..بس انا عندى سؤالين اعرف منين ان المشكله من جوان وش السلندر والسؤال التانى يعنى ايه شرخ بالبلوك معلش هتعب حضرتك معايا. وكل سنه وحضرتك طيب

و حضرتك بالصحة و السلامة
ان شاء الله حتطلع المشكلة الحاجات البسيطة الى ذكرت فى الاول فلازم نستبعدها قبل ما نشك فى تسريب داخلى

جوان وش السيلندر ده وظيفته الاحكام الجيد و العزل ما بين حاجات كتير جنب بعض فى السطح الفاصل ما بين جسم الماتور الرئيسى (البلوك) و وش السيلندر الى فوق (من اول البوجيهات وطالع لفوق) و السطح ده لو تخيلته حيبقى فى 4 دواير (4 سيلندر- جواهم بيحصل الحرق) حواليهم اقواس (شمايز الميه - بيمشى فيهم ميه) و فى دواير صغيرة بتاعة الزيت سواء خط الضغط او الراجع
فمما سبق على حسب منطقة التلف فى الجوان و ايضا فى ممكن تلف فى سطح وش السيلندر نفسه يوئدى لتلف الجوان
لو افترضنا ان التلف ما بين مسار زيت و مجرى ميه بتاع شميز يبقى الميه حتدخل على الزيت و دى حتكون طحينة فى الزيت
لو افترضنا ان التلف بين مجرى الميه فى قوس الميه (الشميز) و احد السيلندرات يبقى ممكن يحصل حاجتين .... الميه تعدى للسيلندر (فى شوط السحب) و تدخل تتحرق و ممكن نواتج الحرق تنفخ فى دورة الميه ( فى شوط الكبس) بس دى مش عندك لان دى حتخلى حاجة تضرب فى دورة الميه نتيجة للنفخ الجامد من السيلندر لدورة الميه
اما شرخ البلوك فلو افترضنا انه مشروخ ما بين سيلندر و شميز ميه يبقى برضه الميه حتهرب و تخش السيلندر تتحرق

ارجع اقول انا مش عايز اخضطك لازم نبتدى من الاسهل فالاصعب
و من وصف حضرتك للمشكلة ان شاء الله حتطلع تسريب خارجى لانك مشتكيتش من دخان او طحينة فى الزيت او حاجة ضربت فى دورة الميه
فان شاء الله حتبقى محصورة فى :
1- غطاء الرادياتير او القربة
2- الرادياتير او خزنة الرادياتير (ان وجدت) او الخراطيم
3- القربة نفسها
4- سربنتينة السخان الى ورا التابلوه
5- مضخة الميه

[xabi]

تسلم ايديك يابشمهندس على الكلام الجامد ده رغم انى مفهمتش اوووى من الكلام الكبير ده..بس ان شاء الله تطلع حاجه سهله وهبقى اطمن حضرتك

[احمد على 1999]

العفو حضرتك و ارجو ان يساعدك هذا الرسم

head gasket هو جوان وش السيلندر
cylinder head هو وش السيلندر
engine block هو جسم الماتور الرئيسى الى هو البلوك
فبما ان وش السيلندر يعتبر مكمل للبلوك لكن نظرا لاستحالة تصنيع الماتور جزءا واحدا و ايضا لتسهيل عملية الصيانة لذلك هم جزئان منفصلان و بما انه ضرورى انتقال دورة الزيت و دورة المياه بين الجزئين و كذلك وجود الاسطوانات التى تتم بها عملية الحرق فلزم و جود هذا الجوان لعمل احكام جيد بين هذه الوسائط المختلفة
f86b1903-b5fd-40b6-b1c0-d14776472b48
1.03.01

[xabi]

تسلم ايديك يابشمهندس بجد رسمه توضيحيه فى غايه الروعه..انا دلوقتى فهمت