مشكلة دواسة البنزين فى الكليو 2005

المشاركة الأصلية كتبت بواسطة kimo2201 عفوا يا باشا ما كنتش واخد بالى هو حضرتك جربتهم الناس دى يعنى ولا لأ علشان مش عاوز أروح على الفاضى وما يعرفوش العيب واضطر أروح لحد تانى على العموم شكرا جزيلا

والله يا افندم كان لى صديق ومعاه رينو كليو سيدان 2004 1200 سى سى كانت دايما تبوظ بوبيانت
اشعال كهرباء البوجيهات بكترة هو ده المركز الوحيد الزى قضى على هزا العيب تماما !!
ده كان من سنة ونصف فاللامانة ممكن يكون فى صنايعى شاطر او اكتر تركوا المكان وممكن لاء فا انا لا استطيع ان اقر ما ازا كان ما زال المركز على كفائته المعهودة فى السابق ام لاء !!
عموما اعتبر مشوار لغاية عندهم كاءنه ضرورى والله عجبك كلامهم كان بها !! لم يعجبك الكلام يبقى تاخد عربيتك وتمشى ويا دار ما دخلك شر !!

kimo2201


AHLNW SHALN

[yezzat]

طيب يا استاذنا الفاضل kimo2201 ...... هل المشكله اتحلت عندك ولا لا لأني عندي نفس المشكله حاليا في كليو 2001 وعايز اعرف اصلحها فيين وايه العيب ؟؟ الرجاء الافاده بالله عليك

[kimo2201]

المشاركة الأصلية كتبت بواسطة yezzat طيب يا استاذنا الفاضل kimo2201 ...... هل المشكله اتحلت عندك ولا لا لأني عندي نفس المشكله حاليا في كليو 2001 وعايز اعرف اصلحها فيين وايه العيب ؟؟ الرجاء الافاده بالله عليك

بص يا باشا
القصه كلها فى الكنترولر أى ال ECU
موجود ورا المتور
مش مشكلة دواسه ولا حساس ولا بدال بنزين
أنا لسه ما صلحتهاش بصراحه علشان الكنترولر غالى شويه ب1000 غير فك الشفره 200 غير التركيب 50
المركز اللى car admire كتبه ما عرفتش أوصله بصراحه لحد دلوقتى
انا كنت فى المعادى فى صقر قريش باعمل العفشه وحاجات كهربا
هاقولك بردو أنا باعمل ايه لحد ما أصلحه
باقفل الكونتاكت وأدور فى نفس الوقت
يعنى مش بتبطل خالص بقفل الكونتاكت بس وافتح تانى فى لحظتها العيب بيتلغى
المشكله متهيألى من تغير البنزين من 92 ل 90 على حسب ما الكهربائى قالى إنه معاه كليو بردو وعامله نفس العيب

ولو انت أو أنا وصلنا لحاجه نبقى نقول لبعض
أنا لسه شويه بصراحه عقبال ما أصلحه علشان الفلوس زى ما قلت لك.
وإن شاء الله خير بس اللى عاوز أقولهولك ما تخليش العيب ده يضيع فرحتك بالعربيه لأنه عيب رخم اه بس بيخلص

وربنا يكرمك

[d,mhmd brbry]

الحمد لله يا كيمو بسيطة ياعم