مشكلة دواسة البنزين فى الكليو 2005

[samirayad]

لو العربيه

فتيس مانيوال

يبقى غالبا عيب دبرياج

[ahmedsherif1990]

او ممكن يبقى حساس البوابة مش بيعطى البيانات الصح للكونترول و بناء عليه مش بيحدد كمية خليط الهواء و البنزين اللى داخل من المانفولد "جرب حساس تانى "
و ممكن حساس الاكسجين برضه بيقرا بيانات غلط
وممكن الكنترول يونيت ECU مش بتترجم البيانات صح
من الاخر هى مشكلة الكترونية مش ميكانيكية
و الله اعلم

[d,mhmd brbry]

بجد يا كيمو متعاطف معاك جدا وربنا ان شاء الله هيفرجها عن قريب وتستمتع بالعربية
وعلى فكرة بوابة البنزين ب500 ج بس مش 2500
اغلب الظن ياكيمو ان هيا لوحة الكنترول ودى تغييرها حوالى 1000 ج
وعالعموم يا سيدى لو قفلت بعها حتى لو تخسر 2000ج فى مقابل متكدرش وتأزم نفسك انت جايبها تريحك ولا تعكنن عليك وعرفنا عملت ايه؟

[Toyota Corolla]

موضوع ان العربية بتفصل و انت ماشى على سرعة عالية و تيجى تدوس بنزين ولا كأن الماتور داير ديه حصلت معاية مرتين فى نفس الاسبوع فى الكورولا 2009 وطلع العيب من الحساسات و نظفتها باسبراى و المشكلة انتهت بس احلى حاجة ان السرعة كانت بتقل بنسبة منخفضة يعنى مشيتنى حوالى 2 كم أو اكثر

[kimo2201]

ربنا يكرمكم والله يا رجاله
هارد علي كل اللى اتقال

المشكله الىل عندى هى اللى فى الفديوو ده بالظبط لاقيته على اليوتيوب

http://www.youtube.com/watch?v=mPeYZMxXnfI

amr elsisi 1@
غيرت البوابه أصلا والعيب زى ما هو

@d,mhmd brbry
بفكر فعلا أعمل كده بس مستنى أروح لبتاع الكمبيوتر ده الأول اللى فى الدقى

samirayad
هى مانوال فعلا
بس لو هى كده العيب يطلع فى الكمبيوتر ويكتم العربيه للدرجه دى؟

@ahmedsherif1990
غيرت البوابه أصلا والعيب زى ما هو.
حساس الاكسجين بيكون فين معلش علشان مش عارف؟
"وممكن الكنترول يونيت ECU مش بتترجم البيانات صح
من الاخر هى مشكلة الكترونية مش ميكانيكية "
أنا فعلا ده اللى فهمته من المكيانيكى والكهرابائى والمفروض هاروح على بتاع الكنترولات ده يوم السبت إن شاء الله علشان أجازه.

@d,mhmd brbry
ربنا يكرمك يا باشا والله
ده السعر اللى قالهولى بتوع المركز المعتمد وكنت متأكد إنها أغلى بكتير.
أغلب الطن فعلا إنها تكون مشكلة كنترولر وإن شاءؤ الله أروح أكشف عليه عند بتاع الدقى ده.
فكرت فعلا أبيع وأخلص بس بينى وبينك قعد حوالى شهرين بعد ما بعت العربيه القديمه وطلع عينى عقبال ما لقيت دى وسبحان الله طلعت معيوبه قدر الله وما شاء فعل الحمد لله
بصراحه عندى سؤال حضرتك مش من مشجعى الكليو ومعاك كليو إزاى بقى

@Toyota Corolla
هى مش بتفصل خالص بس تلاقى العربيه كتمت والأر بى إم يجيب أخره 400 لو جابه والعزم والسحب فى الحضيض.

الله المستعان هاروح لبتاع الكنترولر وربنا ييسر الخير اللهم آمين