استهلاك البنزين للصني 2012 سوبر صالون

[hamaad]

يا باشا انا سافرت بسيارة نيسان صنى من الاسكندريةجديدة موديل 2008 الى القاهرة ولفينا مشواير كتيرة وروحنا الى الاسكندرية بالتانك فيه كمان هذا المعدل عالى جدا بالنسبة سيارة زيرو وحاجة تانية استهلاك اقل من السيراتو وجربت سياراتان نيسان صنى وسيارة سيراتو وكمان استهلاك نيسان على سرعة عالية ممكن يكون عيب بوجيهات او فيه حاجة تانية

[mesho70]

- استمتع بسيارتك
- حساب المعدل داخل المدينة غير دقيق وليس مؤشر للاستهلاك
- ان شاء الله لما تيجى تسافر احسب المعدل بدقة ولة شروط لدقة حسابة

[ahmadkamal2]

انا معايا صني سوبر صالون 2009 عاملة 45000 كيلوا الشكل الجديد انا بحب اوضح حاجات مهمة جدا
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني
ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم.

ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM.

العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل.

سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية.
العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية.
بصوا للسوق وشوفوا العربيات بالامكانت دى بكام اما البكانتو 2011 1300 cc
96000 جندى.
نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام.
غيروالزيت واستخدموا valvoline او lquimoly انا فرق معايا جدا لما غيرت موبيل1*
وجبت فالفولين واستهلاك البنزين فرق معايا جدا.
واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة
واى استفسار انا فى الخدمة.

[elgdawy2007]

انا معايا صني سوبر صالون 2009 عاملة 45000 كيلوا الشكل الجديد انا بحب اوضح حاجات مهمة جدا
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني
ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم.

ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM.

العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل.

سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية.
العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية.
بصوا للسوق وشوفوا العربيات بالامكانت دى بكام اما البكانتو 2011 1300 cc
96000 جندى.
نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام.
غيروالزيت واستخدموا valvoline او lquimoly انا فرق معايا جدا لما غيرت موبيل1*
وجبت فالفولين واستهلاك البنزين فرق معايا جدا.
واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة
واى استفسار انا فى الخدمة

اخى الفاضل مع احترامى الشديد لكامل رأيك لكن فيه نقطتين احب اوضحهم ليك
1-غاز النيتروجين بخصوص ملىء الكاوتش بيه مينفعش لسبب بسيط سوف يجعل من يستخدمونه الرجوع مره اخرى لملىء الكاوتش بالهواء العادى وده ببساطه لان لو فرده حصل فيها هبوط وحبيت انك تزودها فمع الاسف مش فى كل مكان حتقدر انك تلائى النتروجين ده وكمان متقدرش تزود الكاوتش هواء مع نيتروجين لان فرده الكاوتش ساعتها حتبوظ عشان كده فكره النتروجين دى فاشله من اساسه نظرا لعدم تعميمها فى اماكن كثيره فى جمهوريه مصر العربيه هذا فضلا ان ان الفرده الواحده تتكلف 5 جنيه وكمان الفرق بين النتروجين والهواء مش فرق شاسع يعنى فى اداء السياره بصفه عامه وعلى فكره الصنى كله حتى فى التوكيل بينصح بملىء الفردتين 30 امامى وخلفى ده اولا
2- ثانيا بقى بخصوص موضوع تغيير البطاريه السائله بأخرى جافه وتأثير ذلك على سحب السياره احب احاطه علم شخصكم الكريم ان البطاريه ليست لها اى دخل سواء جافه او غير بخصوص عمليه السحب دى لان البطاريه ما هى الا اداه تساعد على اداره المحرك فقط بعد كده بيكون المهمه الباقيه لديناموا السياره لان الشحن كله بيكون عن طريق الدينامو بعد اداره السياره والبطاريه لا يكون لها اى دخل بعد اداره السياره ولو ان الدينامو مش بيشحن كويس حتلائى شحن البطاريه مع الاسف مش مظبوط ولمبه بيانها فى التابلوه حتنور معاك ده بخصوص تعليقك
اما بخصوص اراء البعض عن ان الصنى سياره زباله والكلام الفارغ ده من بعض الزملاء فى المنتدى احب انوه ان الصنى سياره ممتازه جدا وانا عن نفسى من الاسكندريه ولسه جايبها جديده ex automatic بدون موديل 2012 absوالسياره ممتازه بكل المقاييس ولا يوجد بها اى شائبه وعلى فكره العزل بتاعها ممتاز جدا وليس كما يشكوا البعض ومعدل البنزين فيها 10.2 كيلو لكل لتر داخل البلد بدون تكييف وبدون قرص لغايه 80 كيلو كده وبالنسبه للطوالى لسه محسبتهاش وبخصوص الفرش فى الكنبه الخلفيه حلو ومفيهوش مشاكل موديل 2012 وعموما حتى لو كانت دى مشكله للبعض ببساطه طبعا ممكن السروجى عند كساء السياره بكسوه جديده انه يلملك الكلام ده كله ببساطه شديده لان نوعيه الفرش الموجود بداخلها جيد اوك ولكن من وجه نظرى لابد من كساء السياره بفرش جلد راقى لتحمل الاتربه والغسيل وخلافه
نيجى بقى للمهم الخلاصه انا جربت توكيل نيسان الحضره بجد بجد غايه فى السوء ومحدش فاهم حاجه فى اى حاجه اقسم بالله العظيم مهندسين ومعندهومش اى خلفيه عن ابسط الامور لذلك لا انصح بعمل اى شيىء هناك حتى كان فيه ناس معايا عندهم سياره عامله حادثه من شهر 8-2011 وكانوا رايحين يستلموا السياره يوم 22-12-2012 وكانوا بيشدوا شعرهم وحياه ربنا من سوء المعامله وكمان 4 شهور السياره بداخل التوكيل بتتصلح وفيه حاجات ضيعوها من السياره وقالوا للناس انها مكنتش موجوده اصلا فى السياره برغم انهم جايبنها بيها وعلى فكره فيه موظف بيستلم السياره ويكتب اى شيىء ناقص فيها واى ملاحظات كمان قبل الفحص والموظف ده مهندس مع الاسف اسمه مروان محمد مرسى لا يفقه شيىء فى اى شيىء اقسم بالله حتى انه قالى السياره معدل بنزينها خارج المدينه 180 كيلو فى 20 لتر وتانك البنزين 46 لتر وطبعا ده مثال بسيط بقوله بما لا يدع مجال للشك ان الناس دى مع الاسف غير مدربه بالمره وكمان ليس لديهم اى درايه فنيه للاجابه عن اسئله العملاء عشان كده بحزر جدا من التعامل مع التوكيل ده ممكن اى شخص من اسكندريه يتعب شويه ويدخل سيارته اثناء الضمان توكيل السبع طبعا انا مجربتهوش لكن ناس كتير اوى بتشكر فيه بجد والخلاصه السياره زيها زى اى شيىء تانى ممكن اجيب موبايل ماركه محترمه اوى اوى اوى مثلا بضمان ويطلع فيه مشاكل كتير اوى اثناء الضمان وممكن ناس كتير عندها نفس الموبايل مفيهوش اى مشاكل من اى نوع وده شيىء اكيد كلنا مرينا بيه سواء بشكل شخصى او مع اى شخص نعرفه لذا اتمنى من كل شخص حابب اقتناء السياره الاستخاره اولا وبعد كده يفكر فى الشراء ملحوظه اخيره بقى لبعض الناس اليى بيقول طب ليه السياره تعتبر رخيصه بالنسبه لنفس الفئه موديلات تانيه زى الانسر والتويوتا ارد عليه واقوله ببساطه الموضوع عرض وطلب بمعنى انتشار التويوتا والدعايه لها بشكل كبير فيما قبل والاسم التجارى لها جعل من وكلائها يستغلوا هذا الامر فى زياده سعر بيع السياره نظرا للاقبال ونيسان صنى منذ فتره حوالى سنتين مثلا او ثلاث سنوات مكانتش منتشره اوى لان قطع غيارها كانت غاليه وكمان ناس اشتكوا من بعض الموديلات فيها عيب صناعه زى 2008 و 2009 تحديدا لكن دلوئت العيوب دى اختفت وخصوصا مع موديلات بعد 2009 وكمان قطع غيارها رخصت كتير عن الاول وكمان فيه منها بدائل متوافره فى السوق وكمان استعمال وانا وغير كده السياره بدأت تستحوز على اهتمام ناس كتييييييييير اوى فى مصر اليومين دول وعندنا فى اسكندريه انتشرت جدا وبشكل ملحوظ معرفش بقى القاهره اخبارها ايه هناك وخلاصه القول سعه خزان الوقود 50 لتر يا جماعه الخير واستهلاك البنزين داخل البلد سياره اوتوماتيك 2012 -204 كيلو لكل 20 لتر بنزين اظن الكلام كده واضح وانا سافرت بيها القاهره امبارح ورجعت وكنت مفول التانك للاخر وعملت بيها بالظبط 408 كيلو ولسه خزان الوقود لغايه اول شرطه بعد low عشان تكونوا عارفين بس لسه مفولتش لغايه كتابه سطورى دى لحضراتكم وان شاء الله ابقى اقولكم معدلها خارج المدينه اد ايه وعلى فكره كمان لما جزان الوقود ينور فى التابلوه عن اى واحد فيكو بيكون لسه فيها حوالى 10 لتر يعنى متتخضوش اوى كده تمشيكوا 102 كيلو بس طبعا متسيبوهاش للاخر عشان ده بيأثر على فلتر البنزين وعلى فكره المانوال بتاع السياره بيقول بنزين 92 مش اقل بس برضه بنزين 90 مش حيقول لا بس يفضل جدا جدا 92 والفرق فى السعر 10 قروش بس عشان تفضل محافظ على سيارتك بدون مشاكل طول مهى معاك واخيرا اتمنى لكم الصحه والسعاده وربنا يبارك لكم فى سيارتكم الجديده وتوكلوا على الله ولا داعى لتشويش افكاركم من قبل البعض بس المهم الاول برضه الاستخاره لله عز وجل وشوفوا بعد كده ايه لكن احب اعرفكم ان السياره فوق كلمه ممتازه والبنزين بالنسبه لموتور 1600 كده زى الفل طبعا سيبكوا من الناس اليى بتعلق وتقول يوم ميكون موتور تعبان بيزيد عن 280 كيلو جوه البلد واضح ان الناس دى اصلا معندهاش سيارات خالص او لسه شباب صغير معندهوش خبره جامده بالسيارات وليه افكار خاصه بيه بيقولها وخلاص وعلى فكره وبكره حفكركوا كمان السياره دى تمنها الفتره القادمه حيزيد وبكره تفتكروا كلامى ده كويس اوى لانها انتشرت بشكل جامد جددددددددا وبخصوص الاخ الفاضل اليى اشترى السياره وملاحظ ان معدل البنزين عالى بص الاول على حاجتين الاوفر درايف مقفول فى السياره وده بيكون لما اللمبه فى التابلوه بتور حيبقى الاوفر درايف مقفول لازم تفتحه من الضغط على زرار الفتيس لان ده بيكتف السياره ويخليها فى الاوتوماتيك متوصلش الرابع اصلا ثانيا ضغط الكاوتش مهم جدا برضه يستحسن تخليه 30 امامى وخلفى وحتشعر بفرق القياده ايضا وبعدين املى التانك للاخر خالص وامشى بالسياره حوالى
102 كيلو جوه البلد ومتزدش خالص عن 80 كيلو او 90 واملى بنزين بعد 102 كيلو وان شاء الله حتلائيه 10 لتر المستهلكين فقط بس بعد متجرب كل اليى قولتلك عليه ولو فيه فتره انتظار فى اشارات المرور بعد 3 دقائق اطفى المحرك خالص وشوف بعد كده لما تفول حتاخد كام لتر وابئى طمنى وحقولك تعمل ايه لو لا قدر الله منفعش ولا شيىء من دول ياله اشوفكوا على خير بقى صدعتكم ههههه

[elgdawy2007]

معدل البنزين بطريق اسكندريه مصر ذهاب وعوده على الطريق فقط 12.5 كيلو لكل لتر بنزين نوع السياره صنى 2012 اوتوماتيك ex صالون بدون abs وده طبعا بعد تفويل الجزء الناقص