مساعدة بخصوص النيو اكسنت اوتوماتيك

[solidsnake]

الف شكر ليكم يا جماعة على الردود
وبالنسبة لمساحة الصالون ورا تختلف من شخص لتانى يعنى اخويا لما ركبها ( اقصر منى ) انا كنت مرتاح وراه ولما ركبت انا قدام صحبى من نفس طولى كان مرتاح و العكس انا كنت متضايق شوية علشان مليان شوية فالعملية نسبية من شخص لاخر

[شريف بسيوني]

السلام عليكم ورحمة الله وبركاتة جزاك الله خيرا على هذا الموضوع ولكن يأسفني اني اخبركم بتجربتي حتي تعم الفائدة انا اشتريت السيارة نيو اكسنت وقدر ربنا اني عملت حادث بها واكتشفت النصب الكبير الى بيحصل فينا كشعب مصر وحسبنا الله ونعم الوكيل فى غبور اللهم انتقم منة شر انتقام اكتشفت ان السيارة جايلنا مصر مختلفة تماما عن السيارة فى باقي دول العالم اختلاف كلى وجزئي واكتر صدمة تلقتها واكتفي بها حتي لا اطيل عليكم ان شاسية الأكصدام الداخلى متغير عن باقى الدول لأن الأكصدام عندي ادمر القشرة والشاسية بتاع الأكصدام واكتشفت ان شاسية الأكصدام الى راكب ضعيف جدا تشيلة بصباعك الصغير ولما رحت اشتري شاسية اكصدام استيراد من الحرفيين الى بيجيبوا عربيات من امريكا وغيرها لقيت شاسية الأكصدام الى في العربية النيو اكسنت الى جاية من برة مختلف تماما عن الى عندنا لما فكهولي قدامي من العربية مقدرتش اشيلة بأيد واحدة شلتوا بايدي التنين بعكس التاني الى كان فى العربية الزيرو الجديدة الى شلتة بصباعي الصغير ودي بالنسبالي كانت صدمة كبيرة قوي حسيت اننا بناخد على قفان كلنا كشعب مصري بيكسبوا فلوس مقابل حياتنا يعني ممكن كنت اموت فى الحدثة بسبب شاسية الأكصدام المعفن الى راكب واكتشفت كتير وكتير وربنا معانا والله احنا شعب بيقاسي كتير من الحرمية الى ملية البلد واخيرا انصح كل مصري اوعة تشتري عربية جديدة من مصر اوع والله العظيم هترمي فلوسك فى الأرض ولا قدر الله ممكن تخسر حياتك كمان وربنا يسترها علينا جميعا
<!-- / message -->