عايز اروح مطروح فى العيد

[mohamed wagdy]

المشاركة الأصلية كتبت بواسطة mmbader السلام عليكم ورحمة الله وبركاته الاخ محمد وجدى ارجو منك ان تفيدنى فى اسعر الشقق بمنطقة اليدو ( تمليم ) لانى معروض على شقة تمليك فى شار ع ابو بكر الصديق خلف مسجد العوام والشقة تشطيب عادى ومش عارف احدد سعرها كام ارجو افادتى واخبارى بالاماكن الكويسة الى ممكن اشترى فيها واسف على تعبك

بالنسبه لاسعار الشقق فى منطقة الليدو خلف جامع العوام فالمنطقه دى اسمها الليدو القديم واسعار الشقق فيها من 80 الف الى 90 الف . اما الليدو الجديد ودى خلف فندق الليدو فاسعار الشقق هناك فى حدود 180 الف
وبالنسبه للاماكن الكويسه فده يعتمد على الغرض الى انت عايزه فلو عايزها كمصيف وتاجرها فى الصيف او عايزها استثمار او عايزها للسكن فالموضوع بيفرق

[mohamed wagdy]

المشاركة الأصلية كتبت بواسطة ahmed™ ياريت الافاده في اسعار الايجاربتبقا في حدود كام وايه احسن المناطق اللي الواحد يقعد فيها؟

الاسعار دلوقتى هاديه فى حدود 200 بس فى العيد الاسعار هترفع شويه وده عشان نسبة الاشغال والحجز العاليه
فى مناطق كتير كويسه منها الليدو الجديد وعالكورنيش ورا جامع العوام او مؤمن وكمان عند فندق القصر او عمارات الفيروز ورومل

[يسري أبو الخير]

المشاركة الأصلية كتبت بواسطة mohamed wagdy يا جماعه انا من مطروح ولو فى اى استفسار عن اى حاجه او اى خدمه انا مستعد لاى عضو هنا فى المنتدى . بس نصيحه للاستاذ يسرى ابو الخير .انه يجى فى سوبرجيت وبلاش يجى بعربيته لكذا سبب اولهم عشان تعرف تستمتع لان عشان تمون عربيتك فى مطروح فممكن تقف طابور مايقلش عن 3 ساعات وغير كده البلد صغيره مش محتاجه عربيه فميش غير شواطئ الغرام والابيض وعجيبه الى بعيده شويه عن البلد ..والتاكسى فى ابعد مشوار الى هوه عجيبه بياخد 25 جنيه.. وغير كده البلد هتبقى زحمه جدا بعد العيد مش هتعرف تمشى بالعربيه وخصوصا انك مش عارف الشوارع .. فرايى ان السوبر جيت هيبقى احسن بكتير

شكرا لك استاذ محمود .. كلامك في محله .. فعلا انا كنت بسأل على الزحام و كمان البنزين و مشاكلة .. و بالفعل انا لا اعرف شوارع مطروح جيدا .. بالرغم من ذهابي لمطروح حوالي خمس مرات .. لكن من غير السيارة .. كنت بسافر بالسوبر جيت .. لكن المرة دي كان أملي الذهاب بسيارتي .. و لكني قلقان من زحمة العيد والقيادة لمدة طويلة على الطريق و ايضا نقص البنزين ..
تحياتي للجميع

[screamseko]

المشاركة الأصلية كتبت بواسطة يسري أبو الخير أنا كمان رايح مطروح بأذن الله يوم وقفة العيد (الجمعة) .. و الحمد لله حاجز تبع الشغل عندي .. لكني لم اذهب لمطروح بعربيتي من قبل .. و معرفش الطريق .. و كمان الأخ screamseko بيقول ان عند الضبعة حوالي 30 كيلو الأسفلت متكسر جدا فيهم ودا زود قلقي و خوفي من الطريق و الأعطال .. عموما لسه ما أخدتش قرار السفر بعربيتي أو بالسوبر جيت أو أتوبيس غرب الدلتا .. السؤال هنا هل اسافر بعربيتي اللانوس .. أو بالاتوبيس .. ؟؟؟؟ تحياتي للجميع

لا طبعا مش لدرجة انك متاخدش العربيه

الطريق بس في الحته دي فيه شوية نقر وحتحتاج انك تخلي بالك وتقلل سرعتك وهم مصلحين الطريق بس بغباء عاملين رقع في الطريق يعني الطريق مش لطيف في الحته دي لكن متقلقش باقي الطريق افتح فيه براحتك وربنا معاك انا رايح جاي عليه 160 والطريق يجيب اكتر عادي بس خلي بالك ورحله سعيده ان شاء الله

وغير كده صراحه انا مبعترفش بالمصيف الا بعربيتي لاني مش ببقي متقيد لو طلبت معايا انزل الساعه 4 الفجر اكل حاخد العربيه وانزل مش حشغل دماغي

[screamseko]

وبالنسبه للبنزين اخر السهره عندك 4 بنزينات في شارع واحد عالساعه 3 كده روح حتلاقي عربيتين او تلاته او ممكن متلاقيش خالص

يعني متنزلش تمون الساعه 3 الضهر وتقول زحمه لانه طبيعي انها حتبقي زحمه

وبالنسبه للشوارع متتوهش لانها مش كبيره اوي
والقرار في الاول وفي الاخر يرجعلك بس انا بقولك وجهة نظري