ارفع رجلى من الدبرياج فى بداية التحرك ال ار بى ام يوطى ل 500

[د محمد المنصورة]

انا عندى نفس المشكلة بس عربيتى اكسنت 99 اتوماتيك وتحصل رجرجة فى العربية بس وانا بمون مرة 92 كل فترة يعنى لقيته الرجرجة ده اتضبطت بنسبة معقولة فمش عارف ده كان بسبب ايه

بس برده لو العربية مموره وواقفة مش غير شغل بحس ان ار بى ام بيلعب لوحده برده بس برده اتضبطت بعد محطيت 92 تفتكرو ليه ؟

[amir elgamal]

المشاركة الأصلية كتبت بواسطة haninatoon غريبة ... بس انا كان معايا فيرنا قبل كدة كان الدبرياج لوحدة بيشد العربية ولو كان كمان على مطلع بدوون ما ال ار بى ام يهبط " او هبوط ملحوظ " فبالتالى ماكنش فية رجرجة انت متخيل بقول اية على مطلع ودبرياج بس بيطلع العربية يعنى يا جماعة بلاحظ اية ان اثناء لما التكييف يكون شغال مابيحصلش كدة لية لان الكمبيوتر بتاع العربية مزود ار بى ام اصلا واقل حاجة 850 حد فاهم حاجة

عادى يا فندم انا لما برفع رجلى من الدبرياش من غير ما ازود بنزين العربيه يتتطلع بس الار بى ام بيوطى ده طبيعى
نيجى بقى على حكايه لو العربيه انت شاكك ان فيها حاجه والموتور بيفصل يبقى ده عيب اسطوانه لكن ماعتقدش يعنى ده عيب منك
وعود نفسك تدوس سنه بنزين علشان ده غلط على الموتور

[د محمد المنصورة]

طب والاتوماتيك

[amir elgamal]

المشاركة الأصلية كتبت بواسطة د محمد المنصورة طب والاتوماتيك

بص هو الاوتوماتيك مش تخصصى اوى قرات عنه كتيييييييير جدا وللاسف لحد دلوئتى مش فاهم بيشتغل ازاى لانه معقد جدا
لكن انا هكلمك على الموتور بالنسبه انك لو كنت بتحط بنزين 80 فالحكايه ده بتهلك الموتور ولازم تحس بفرق طبعا لما تحط 92 انا عربيتى بحطلها 92 اولا علشان احافظ على الموتور ثانيا لانه حامى شويه
من عيوب 80 ده طبعا بغض النظر عن الشوائب الكتير جدا لاى فيه والى بتبهدل الموتور انه يحتوى على نسه كربون عاليه بيتحد مع بخار المياه بالاخص بالصباح الباكر ويكون حمض كبريتيك الى هو ماء ناااااااار والحمض ده بياكل جسم الموتور من الداخل فعلشان كده لو بتحط 80 ضرورى جدا انك تسخن العربيه كويس قبل ما تمشى
ده كل الى اقدر اقولهولك حاليا واسيب حد تانى يرد عليك بخصوص الفتيس الاوتوماتيك

[د محمد المنصورة]

طيب يجماعة موضوع الرجة اللى فى الاتوماتيك ده مضايقانى شوية

حد يعرف حلها ايه هيا قلت كتير لما حولت ل 92

بس لسه فيه برده ياترى ايه السبب

واما يكون البوجيهات بتخرجها تلاقيها سودة ده من ايه