كما وعدت تجربة قيادة هيونداي اكسنت 2012

[sherifabden]

بسم الله الرحمن الرحيم
<FONT face="Times New Roman"><FONT size=6>طبعا يا جماعة انا وعدت اكتر من مرة اني هعمل تقرير عن تجربة قيادة هيونداي اكسنت 2012 <?xml:namespace prefix = o ns = "urn:schemas-microsoft-comوالحمد لله انا عملته <o:p></o:p>
اتقفت انا وواحد صاحبي اننا ننزل بالعربية الاكسنت بعد الفجر على طول علشان الدنيا بتبقا رايقة والطرق بتبقا حلوة <o:p></o:p>
المهم انا وهوا صلينا الفجر بعد الصلاة ركب العربية وقالي يلا ياعم سوق وقولي رايك في العربية <o:p></o:p>
طبعا في البداية انا مكنتش حابب العربية ومش مقتنع بيها كسيارة <o:p></o:p>
ركبت ياعم دورت العربية نورت الشبورة والضوء الاساسي <o:p></o:p>
اعجبت جدا جدا جدا باضائة العدادات والتابلوه بليل حاجة روعة وبدات العربية تدخل قلبي <o:p></o:p>
دوست دبرياج واديت D وطلعت بالعربية واحدة واحدة <o:p></o:p>
صوت محرك هادئ لا يسمع بالمرة حتى لو لازق جنب الموتور نفسه <o:p></o:p>
بس حسيت ان العفشة ناشفة لما قعدت في العربية <o:p></o:p>
والدركسيون خفييييييييييييييييييييييف <o:p></o:p>
تقدر تلف الدركسيون بمنتهى السهولة من غير اي مجهود <o:p></o:p>
ووضعية السواقة ممتعة والدواسات حلوة <o:p></o:p>
حاجة روعة جدا المهم بدات ازود السرعة بدات اسمع صوت الماتور بس كان صوت حلو وممتع يوحي لك بالقوة وكنت حاسس بالعربية تبقولي زود السرعة !!! ههه <o:p></o:p>
لقيت صاحبي بيقولي <o:p></o:p>
ايه ياعم دوس بنزين <o:p></o:p>
قولتله ماشي <o:p></o:p>
عملت كيك داون على البنزين مرة واحدة لقيت العربية طارت بمعنى الكلمة <o:p></o:p>
تسارع ممتاز جدا وافضل من تسارع السيراتو والاوبترا ويشبه تسارع الالنترا الجديدة تقريبا <o:p></o:p>
طبعا الصوت بدا يظهر بقوة بس مكانش خشن ولا حاجة <o:p></o:p>
ملحوظة انا كنت قافل الازاز <o:p></o:p>
العربية بتتسارع بثبات <o:p></o:p>
وصلت لحد 120 وثباتها كان ممتاز <o:p></o:p>
بعد كده بقيت احس ان العربية خفيفة روحت مكلبش في الدركسيون جامد وجبت بيها 160 <o:p></o:p>
ميه ميه <o:p></o:p>
طبعا بدات اخاف وفضلت ماشي على 160 ومزوتش السرعة <o:p></o:p>
لقيت صاحبي قالي اقفل العداد !!!! <o:p></o:p>
قولت ماشي ياعم بدات ازود السرعة لحد ال180 بس مستحملتش بصراحة لان العربية بدا ثباتها يقل جدا جدا بعد ال160 وحسيت انها هتتقلب رحت منزل العداد لحد 160 وقولت كده كويس <o:p></o:p>
فضلت ماشي حوالي 5 دقايق بالعربية على 160 <o:p></o:p>
وصاحبي فجاة قالي اوقف 10 دقايق نريح العربية <o:p></o:p>
رحت باصص في المرايات واتاكدت ان مفيش عربية ورانا رحت ضاغط فرامل على الاخر لقيت العربية اتكلبشت في الارض <o:p></o:p>
فرامل قوية جدا جدا (على فكرة العربية فيها ABS ) وتشبه فرامل السيراتو بالضبط <o:p></o:p>
لما العربية وقفت قولت ابص على كمبيوتر الرحلات <o:p></o:p>
معدل استهلاك البنزين كان 7 لتر لكل 100 كم <o:p></o:p>
ودا يعتبر معدل ممتاز لعربية لسه زيرو وكانت ماشية على 160 والار بي ام كان على 4.5 <o:p></o:p>
بصيت على مؤشر الحرارة لقيته 4 شرط بس !!!<o:p></o:p>
بصيت على مؤشر البنزين لقيته ناقص شرطة واحدة بس <o:p></o:p>
بصيت على المسافة المقطوعة لقيتها 101 كم بالضبط <o:p></o:p>
بعد كده قولت اشوف وافحص العربية بالضبط <o:p></o:p>
في البداية بصيت على التابلوه لقيت خاماته معقولة جدا دا غير طبعا شكله التحفة بليل مع الاضائة الزرقاء للازرار في التابلوه <o:p></o:p>
قولت اجرب الساوند سيستم شغلت اغنية وعليت الصوت على الاخر لقيت ودني ضربت نزلت الصوت للنص لقيته عااالي برضه نزلته للاخر لقيته بقا معقول جدا وحلو<o:p></o:p>
ساوند سيستم جبااار بمعنى الكلمة <o:p></o:p>
يحسسك انك قاعد جمب دي جي <o:p></o:p>
قولت اجرب التكييف راح صاحبي قالي شغل التكييف سخن بعد كده بارد علشان نحكم كويس على التكييف<o:p></o:p>
حركة حلوة جربتها وشغلته على السخن لحد ما عرقت وبعد كده شغلته على البارد على 3 لقيت الجو قلب 180 درجة والجو بقا تلللللللللج لدرجة انه جاتلي نزلة برد ولسا قاعده لحد دلوقتي (ادعولي يا جماعة بالشفاء) <o:p></o:p>
تكييف رائع جدا واسكيمو <o:p></o:p>
بعد كده جربت الوسع <o:p></o:p>
رجعت الكراسي الامامية للخلف تماما علشان احكم كويس على الوسع وقعدت ورا لقيت في وسع غير عادي <o:p></o:p>
وسع رهيب <o:p></o:p>
طبعا الوسع دا وانا مرجع الكراسي الامامية للاخر <o:p></o:p>
قولت اشوف الشنطة <o:p></o:p>
لقيتها شنطة حلوة ومش وحشة لكنها اضيق من السيراتو واللوجان واوسع من الفيرنا <o:p></o:p>
لكن هيا حلوة وتشيل معاك كل اللي انتا عاوزه <o:p></o:p>
بصيت على الصاج لقيته ضعييييييييف جدا وفي حتت لو اتخبطت مستحيل تترد تاني <o:p></o:p>
ودي اقوي عيب في الاكسنت بصراحة <o:p></o:p>
بس عاجبني تقفيل العربية بصراحة <o:p></o:p>
تقفيل ممتاز بمعنى الكلمة وافضل من سيارات كتيرة في هذه الفئة ودي ميزة رائعة في الاكسنت <o:p></o:p>
وانا بفتح باب العربية اتذكرت اكبر عيب في العربية دي <o:p></o:p>
الا وهو الاحتكاك في المطبات <o:p></o:p>
قبل ما اقعد جوه العربية بصيت على العتب لقيت العربية عالية عن الارض شكلا معرفش ازاي ؟!<o:p></o:p>
قولت اجربها في المطبات احسن <o:p></o:p>
طبعا العبد لله عارف حتة مطبات بنت لذينا متقدرش عليها اي عربية حتى الجيب <o:p></o:p>
على فكرة دي جبال مش مطبات ههه<o:p></o:p>
بدات اتدرج في المطبات <o:p></o:p>
المطب الصغير العربية عدت منه بس العفشة مقرفة اوي بصراحة في المطبات <o:p></o:p>
المطب التاني وانا بعدي سمعت صوت العربية وهيا بتحك قولت بقا الاكسنت فعلا بتحك في المطبات <o:p></o:p>
المهم رجعت بالعربية انا وصاحبي <o:p></o:p>
طبعا وقت التجربة كان نص ساعة تقريبا <o:p></o:p>
بس بصراحة صورة العربية اتحسنت جدا في وجهة نظري لاني كنت فاكرها وحشة <o:p></o:p>
وهقول المميزات و العيوب <o:p></o:p>
مميزات الاكسنت <o:p></o:p>
1/ شكل فخم ورياضي من الداخل والخارج <o:p></o:p>
2/ اضاءة ممتعة وجذابة للعدادات والتابلوه ليلا <o:p></o:p>
3/ ثبات ممتاز في سرعة اقصاها 160 كم <o:p></o:p>
4/ وسع داخلي رهيييييييب <o:p></o:p>
5/ فرامل قوية جدا <o:p></o:p>
6/ خامات معقولة جدا<o:p></o:p>
7/ تقفيل فوق الممتاز <o:p></o:p>
8/ محرك قوي جدا وموفر في البنزين <o:p></o:p>
9/ تكييف تلاااااااااااااجة <o:p></o:p>
10/ سعر رخيص مقارنة بالكماليات <o:p></o:p>
11/ ساوند سيستم جباااااااار <o:p></o:p>
عيوب الاكسنت <o:p></o:p>
1/ عفشة سيئة جدا <o:p></o:p>
2/ صاج خارجي ضعيف جدا <o:p></o:p>
3/ واطية وبتحك في المطبات <o:p></o:p>
4/ ثبات سئ بعد ال160 كم <o:p></o:p>
ودا تقييم للاكسنت من وجهة نظري<o:p></o:p>
التقفيل 10/10<o:p></o:p>
الخامات 8/10<o:p></o:p>
التسارع 10/10 <o:p></o:p>
الثبات 5/10 (زي ما قلت بعد ال160 ثبات سئ ) <o:p></o:p>
الشكل 10/10<o:p></o:p>
التوفير في الوقود 10/10<o:p></o:p>
الصاج الخارجي 0/10<o:p></o:p>
الارتفاع عن الارض 2/10<o:p></o:p>
العفشة 1/10 <o:p></o:p>
السيارة عامة 7/10<o:p></o:p>
زي ما قلت <o:p></o:p>
العربية ممتازة ولا يعيبها غير حكاية الصاج الضعيف والحكة في المطبات والثبات الضعيف على السرعات اللي فوق 160 <o:p></o:p>
وفي ملاحظات هامة عن الاكسنت <o:p></o:p>
1/ الباور مش بيفصل على السرعات العالية زي السيراتو ودا مخلي الثبات زي الزفت وانا حسيت ان الطارة عاملة زي الصابونة مش ماسكها كويس والعيب دا موجود في الهيونداي عموما <o:p></o:p>
2/ التسارع من 0 الي 100 في زمن 9 ثواني فقط (زي الالنترا)<o:p></o:p>
3/ السيارة لا تناسب الا فئة الشباب الذين يبحثون عن سيارة محركها قوي وشكلها جذاب وكمالياتها كثيرة لكنها لا تناسب العائلات ابدا <o:p></o:p>
4/ طبعا كلكم عارفين الانبعاجات والخطوط الحادة الموجودة في العربية على طول العربية ودي لو اتخبطت صعب جدا انها تترد <o:p></o:p>

5/ العربية لو حملت 3 ورا هتنااااام بمعنى الكلمة وهتسلم على الارض <o:p></o:p>

اتمنى اني اكون افدتكم ومسنتي منكم اجمل الردود<o:p></o:p>
تحياتي <o:p></o:p>
<o:p></o:p>
<o:p></o:p>

[tamer.koko]

انا هعلق علي نقطتين بس واترك للباقي المساحه
وسع داخلي رهيييييييب
انت متأكد انك بتتكلك عن اكسنت rb
سعر رخيص مقارنة بالكماليات

حضرتك كنت راكب اي فئه وكماليات ايه
ده الهاي لاين بتاعها يعتبر فقير كماليات اساسا وسعره غالي علي اللي فيها

[Eng:Ahmed Ali]

تسلم ايديك علي هذا المجهود الرائع
تقبل مروري

[sherifabden]

المشاركة الأصلية كتبت بواسطة tamer.koko انا هعلق علي نقطتين بس واترك للباقي المساحه وسع داخلي رهيييييييب انت متأكد انك بتتكلك عن اكسنت rb سعر رخيص مقارنة بالكماليات حضرتك كنت راكب اي فئه وكماليات ايه ده الهاي لاين بتاعها يعتبر فقير كماليات اساسا وسعره غالي علي اللي فيها

اولا العربية من جوه كانت واسعة جدا

http://www.masr1.com/?di=DJJO
ثانيا العربية دي كانت الفول اوبشن وفيها اي بي اس وايرباج وبلوتوث وفتحة سقف كهربائية واشارات في المرايات وسعرها 118 الف وانا شايف انه سعر كويس جدا وافضل من سيارات كتيرة وحضرتك لو تعرف عربية سعرها 118 الف وفيها الكماليات دي قولي عليها
وبصراحة وانا بسوق العربية حسيت ان تمنها فيها بس المشكلة بقا في المطبات والصاج الضعيف
وشكرا على الرد

[sherifabden]

المشاركة الأصلية كتبت بواسطة Eng:Ahmed Ali تسلم ايديك علي هذا المجهود الرائع تقبل مروري

الله يخليك ياباشا نورت الموضوع