|
#1
02-04-2013, 12:12 PM
|
|||
|
|||
مشكله مروحه التبريد بتشتغل بالعكس
السلام عليكم ورحمه الله وبركاته
مشكلتى تنحصر فى الاتى السيارة سخنت والمروحه لا تعمل لان الريداتير مفيش مياه واصله له عملت قفله للترمستات المروحه اشتغلت والحمد لله ثم شيكت على الخراطيم الخاصه بدورة التبريد علشان تسريب المياه وجدت وصله بين خرطومين صدت وتأكلت وخرطوم صغير غيرتهم بعد ذلك شغلت السيارة ومشيت طريق حوالى 5 كيلو فى جو الحراراة معقوله المؤشر وصل النصف مش مشكله حبيت اجرب الترمستات هيشغل المروحه اتوماتيك عندما تتعدى درجه الحرارة المنتصف تركت السيارة تعمل وهى واقفه كانت النتيجة المروحه لا تعمل ابطل السيارة المروحه تعمل واشغل السيارة المروحه تفصل اللى اعرفه العكس لما اكون ماشى بالسيارة وعندما تزيد حراره الموتور والريداتير تعمل المروحه اتوماتيكا بعد اعطاء الترمستات الامر ان درجه حراره المياه تعدى 90 درجه مش عارف ايه السبب هل من الممكن اكون عكست خرطومين مكان بعض لانى فكيت كل الخراطيم وركبتهم تانى ولم اعمل شىء فى الكهرباء ولا فى سبب اخر اتمنى من له درايه او شاهدت مشاركه شبيه لمشكلتى يخبرنى لانى بحب اعتمد على نفسى فى الاشياء الصغيرة لانها ممكن اقع فيها او يقع فيها شخص مثلى فى سقر لا قدر الله اساعده واساعد نفسى __________________ 
|
|
#3
02-04-2013, 01:59 PM
|
|||
|
|||
رد: مشكله مروحه التبريد بتشتغل بالعكس
المروحه شغاله تمام وبتبرد المشكله ان لما العربيه بتسخن وهى دايرة مفروض الترمستات يعطى امر للمروحه علشان تشتغل صح المروحة لا تعمل ولما ابطل السيارة المروحه تشتغل وتظل دقيقة ثم تفصل والسيارة مبطله ولو السيارة دايرة وسخنه للدرجه ان المروحه تعمل لا تعمل ولما ابطل السيارة تشتغل المروحه ولو رجعت فى نفس الوقت اشغل السيارة تبطل المروحه مش مزبطه زميل لى قال ممكن يكون فيوز هو السبب اشيك عليهم وسوف اخبركم بالنتيجة لاحقا ومنتظر اراء باقى الاعضاء
|
|
#4
03-04-2013, 10:41 AM
|
||||
|
||||
|
رد: مشكله مروحه التبريد بتشتغل بالعكس
اوكى برضة مشكلة فى الكهرباء
واعتقد ان الكهربائى مدلها كهرباء من قبل اول تكة من الكونتاكت تخيلا منة ان المروحة تفضل شغالة لو بطلت العربية والموتور لسة سخن لكن اختار فردة كهرباء غلط ولما بتدور العربية بتفصل المروحة المروحة مفروض تاخد فردة كهرباء من خارج الكونتاكت خالص سواء دورت العربية او بطلتها المروحة تشتغل وتعتمد فى الفصل بتعها على ثرموستات الحرارة اللى راكب فى الردياتير هو اللى يعملها اوف
__________________
يااااااااااااا رب إرحمنا بقدرتك علينا 
|
|
#5
03-04-2013, 09:44 PM
|
|||
|
|||
|
رد: مشكله مروحه التبريد بتشتغل بالعكس
السلام عليكم ورحمه الله وبركاته
لى عتاب حميد مفروش بالورود للاعضاء فى الرابطه الا وهى ادارج المشكلة وبنحاول انا وبعض الاعضاء القلائل وعلى رأسهم اخى وصديقى المهندس حسين فى محاوله حل المشكله من الممكن ان لا يكون توقاعاتنا هى الحل ولكن صاحب المشكله يذهب ليحل مشكله عن طريق ميكانيكى ولا يأتى لنا بسبب مشكلته فيكون بذلك بخل علينا بمعلومه قد تفيدنى وتفيد الاخرين فرجاء من له مشكله وكتبها ولم تتوافق معه حلول بعض الاعضاء ان يبلغنا بسبب العطل وطريقة حله وكذلك من اشترى قطعه غيار جديدة يبلغنا بها كى نقف على اخر الاسعار لمحبوبتنا الريجاتا وسوف اسرد لكم مشكلتى وكيفيه الوصول الى حلها المشكله السيارة سخنت فجأه واضريت ان اركنها فى مكان عملى نظرا لقه استخدامها وتانى يوم اكتشفت تسريبات مياه فشمرت عن ساعدى واوقفت المياه ثم واجهتنى مشكله اخرى الا وهى المروحه لا تعمل عند وصول درجه الحراره وعندما ابطل السيارة تشتغل المروحه ارجع ادور السيارة المروحه تبطل سألت بعض الاصدقاء قالوا انها قفله وذهب عقلى فى الفنى اللى ركب الانذار ممكن يكون شغله اثر على تفعل المروحه مع درجه الحراره العالية طبعا فى تلك الحاله مقدرش امشى مشوار طويل 30 كيلو لان الحراره بتطلع فى مشوار 2 كيلو بعد ماغلب حمارى ذهب لكهربائ بجوار كافتريا بجلس عليها واخبرته وشافها قالى على فكره فى توصيلات خطا وانها السبب (التوصيلات اللى هما الفردتين اللى جايين من البطارية الى الترمستات ) ظبتهم وقالى دورالسيارة وسبها حتى تصل الحراره ل 90 درجه وفعلا دورتها لكن لم تعمل الكهربائى اكد لى ان شغله صح ومنع مشكله عدم دوران المروحه وهى شغاله اخبرته اكيد المشكله فى دوره المياه لا تصل الى الريداتير فتمكث فى الماتور واثبت له طالما الماتور ساخن والقربه المياه اللى فيها بارده اذن دوره المياه مش كامله 0 ثم فعلت الاتى نزعت خرطوم راجع المياه الاتى من الريداتير الى القربه ونفخت فيه بقوه مثلما قرأت فى تلك المشكله عمليه عكسيه لدوره المياه وعينى على القربه لاشاهد قوه دفع الهواء هتأثر فى القربه ام لا وركبته ومشيت بالسيارة مشوار امبير الحراره فى العادى ولم يعلا عن حده ولما رجعت عملى تركت السيارة حتى تعدى درجه الحراره 90 درجه لتأكد من ان الترمستات يعمل وبالتالى المروحه تعمل والحمد لله الترمستات تمام والمروحه تمام وحسبى الله فى الصنيعية اللى بتفتى او تعمل كبارى لحل مشكله على حساب مشكله اخرى خلاصه القول اذن سخونه السيارة لها ميت سبب وسبب المهم يجب ان نعلم ان دوره المياه مهمه جدا لاى سيارة وممكن تسبب مشاكل كثيرة نحن عن غنا عنها طيب فى تلك الحاله سخنت منك السيارة ماذا تفعل 1 - التأكد من فيوز المروحه كيف نزع الفيوز وتركيبه فى مكان اخر اشتغل اذن الفيوز برىء 2 - ممكن تكون المروحه عطلت كيفيه التأكد احضر أى سلك طوله 10 سم واعمل قفله فى الكلبسين اللى بيركبوا فى الترمستات لو اشتغلت المروحه اذا المروحه تمام والعيب فى الترمستات يجب تغيرة فورا لكن لو المروحه لم تعمل يبقى العيب فى المروحه يجب تغيرها فورا ( على فكرة السلك لا يكهرب وان بتعمل قفله فى كلبسات الترمستات لا تقلق ) واخيرا رجاء لا تبخل على رابطتنا بكتابه مشكلتك وطريقة حلها يمكن تنقذ بها عضو فى مأزق وطلب كتابه من كان له مشكله وكيفيه حلها قد طلبها صديقى العزيز المهندس حسين الذى لا يبخل بشىء فى رابطتنا اذا احتجته فى شىء ليكى يوضح لنا بعض الامور اتمنى من كل عضو فى تلك الرابطه من الان ان يتفاعل فى معنا لنكون لدينا خبرات اكثر نفيد بها انفسنا ونفيد الاخرين
|
 |
|
|
