تكييف الفيرنا

[Ahmed Salah ahmed]

النهارده الصبح بعد ما خرجت بالعربيه قولت اشغل التكييف كالمعتاد ، المهم شغلته وانا متعود احس بالهواء البارد فورا ، عدت دقيقه اتنين تلاته والهواء اللي طالع سخن ، قلبت المؤشر علي الوضع الساخن لقيت الهواء بيسخن اكتر، قفلت العربيه وشغلت تاني نفس الوضع ، المهم كلمت حد من اصحابي قالي اشوف الفيوز بتاع التكييف ، فتحت الغطاء وبصيت ع الفيوز لقيته ضارب

المهم هاغيره وارجع ااقولكم ايه اللي حصل يمكن حد يستفاد

[Ahmed Salah ahmed]

للأسف المشكله في الفيوز ، لاني جربت فيوز عربيه حد من اصحابي وبرضه المشكله مستمره

ولما عملت العكس برضه تكييف عربيته كان شغال كويس

انا حجزت في غبور علي بعد بكره

لو حد عنده اي فكره ممكن يرد

[memodina1]

بس قولنا كان فيها اية امتنة عليك

[M.TONSY]

طيب معلش زرار A/C بينور ولا لاء
ولما بتشغل التكييف بتسمع تكة الكومبريسور ولا لاء
وابقى طمنا وان شاء الله خير

[Ahmed Salah ahmed]

المشاركة الأصلية كتبت بواسطة tonsy1979 طيب معلش زرار A/C بينور ولا لاء ولما بتشغل التكييف بتسمع تكة الكومبريسور ولا لاء وابقى طمنا وان شاء الله خير

شكرا علي الاهتمام

الزرار بينور اه

النهارده فتحت الكبوت وفكيت الطبه بتاعه ال H و ال L

قولت لما اشوف فيه فريون ولا لأ

ضغطت ضغطه خفيفه سمعت صوت سسسس

لكن بعد ااقل من 3 ثواني الصوت اختفي نهائي

بما معناه ان مافيش فريون اصلا

واضح ان الفريون اتسرب لكن اتسرب ليه وازاي مش عارف

ثم انا كنت عايز اعرف انا لسه في الضمان بمعني اني ماشي بالعربيه 40000

هل التكييف برضه جوة الضمان

وايه الحالات اللي هادفع فيها فلوس في الحاله دي؟