حقير يقتل فقير ليرضي غشيم بتأييد من غبي !

[مادا]

هو سوال محدش جاوب عليه ايحل كل الالغاز ده ... الناس اللى كانت معتصمه اكثر من شهر امام مجلس الوزارء كانت عاوزه ايه .. معتصمه من غير سبب .. مش عاوزه رئيس الوزارء يروح شغله ليه مع انها حكومه انتقاليه ..
عاوزين يفرضوا واحد على الشعب ليه ادام مقتنعين بالديمقراطيه ..

انا لغاية دلوقتى مش عارف هما عاوزين ايه بالضبط ياريت اللى بيدافع عنهم يقولوا هما معتصمين علشان ايه ويذكر الاسباب ........

[TOOLA]

المشاركة الأصلية كتبت بواسطة تامر ديزل هيا الناس بتاخد الكلام على نفسها ليه ؟ بقول اللي عشمان ... اللي ... عشمان ان الجيش يقع ... ماجيبتش سيرة المجلس العسكري والله الكلام مش رد على كلامك الاولاني ابدا ولو كنت عاوز ارد على كلام اي حد كنت عملتله اقتباس هخاف من ايه ولا من مين ؟... انما بقيت الكلام ومبارك وكنا عايشين واحنا والكلام ده .... مش عارف انا مقولتوش خالص .... مش عارف جبته منين ؟

أولا: أنا مجبتش سيرة انك قايل الكلام عليا, لكن انا فهمتها انك بتقولوا على المعترض على تصرفات الجيش و أنا كنت بنتقد اسلوبك فى مثل هذا الحوار مش أكتر.

ثانيا: الجزء بتاع مبارك أنا قولت انا ليا أصدقاء بمثل هذه الاعتقادات الأنا قوتلها و اللقيت كتير بيتشاركو معاهم و كانوا بردو معترضين على الثورة من أساس.

ثالثا: اساسا الشعب منقسم لفئات متعددة:

1- ناس مع الثورة و الاعتصمات على طول الخط و لا يتراجعوا عن مبدأهم, و رغم اعتراضى مرات متعددة عن اعتصامهم و لكن فى كل مرة أكتشف ان كان عندهم حق فى هذا و أن المجلس العسكرى هو من أرسى مبدأ الاستجابة للاعتصمات و ده لأنو اساسا مكنشى ماشى مضبوط (القبض على زبانية مبارك و الفاسدين الكبار - بدء محاكمة مبارك بعد الاعتصمات - عدم العمل بوثيقة السلمى - تسريف انتخبات مجلس الشعب - عمل مجلس استشارى - تحديد الميعاد الأقصى لتسليم البلاد) كل ده مجاش و ماظونش كان هيجى الا بالمعتصمين.
2- ناس كانوا مع الثورة و بعدين شايفين انه لابد من التهدئة شوية و لكن لا يرضى على أفعال و مكائد المجلس العسكرى, و أنا اعتبر نفسى مع هذه الفئة ,و أوقات كتير أتوه و مبقاش عارف الصح من الغلط, لكن فكرة القتل و التشويه و السحل و ضرب الاناث ده فى نظرى من الغلط و مينفعش نسكت عليه.
3- ناس انضموا مع الثورة, بس شايفين الجيش و المجلس العسكرى خط أحمر لا يمكن تجاوزه و المتواجدين الأن هما غوغائيين و بلطجية (و بعد التفكير انا مش شايف مبرر, الجيش حامى و ليس حاكم ولا سياسى يعنى هو اساسا مش فى مكانو).
4- ناس ضد التطور على طول الخط ياما لمصلحتهم الخاص أو اعتقادات أنا اراها خاطئة, و دول كانوا ضد الثورة و مع مبارك و احنا اسفين يا ريس و كل الثورا بلطجية و خونة, و ده سبب تمسكهم بالعسكرى الأن.
5- ناس بأه لا كده ولا كده ولا ليها دعوة بأى حاجة

[akerima]

المشاركة الأصلية كتبت بواسطة TOOLA رؤية منطقية للأمور من وجهة نظرى والله أعلم: الجزء الأول: هناك بعض المتظاهرين عند مجلس الوزراء من فترة ليست بالقصيرة والذين لم يحدثوا مشاكل تذكر (و ان كنت ضد منعهم الجنزورى دخول الوزارة فهذا ليس من حقهم) و لكن لم يتواجد أو يصلنا أى حلول منطقية لتهدئة هؤلاء و ان كان لا يوجد فى الحكومة أو المسئولين من عنده الكياسة و الديبلوماسية و القدرة على الاقناع لمفاوضتهم فنحن هنا أمام مشكلة (هناك وظيقة داخل أروقة أجهزة البوليس العالمية تسمى بال Negotiator أى المفاوض ووظيفته محاورة و الوصول لحلول سلمية لأى مرتكب عملية اختطاف أو رهن "سواء كان مجرم أو مختل" فما بالك بمتظاهرين لهم رؤية و اعتقادات معينة ولا يوجد بالدولة من استطاع محاورتهم و مجارتهم). الجزء الثانى: من المعروف لكل من كان له تعامل مع الجيش عدم امكانية عسكرى أو ضابط من التعامل أو التدخل أو اتخاذ قرارات الا من قيادته العليا, فما بالنا بقوات متخصصة من المظلات و الصاعقة و الشرطة العسكرية و بوجود لواءات تشاهد الأحداث بواقعية (هل من الممكن أن يجرأ عسكرى على التبول على أخرين من مكان مشهود و سهل تصويره بدون أن يكون تم اصدار الأوامر بالحرية فى التصرف كما يشئون), و هذا ما يفسر الهجوم العنيف من قبل العساكر و الضباط على المتظاهرين و أخذهم الضوء الأخضر بفعلهم, انتا بضبط جبت شوية ناس مكبوتة و فهمتهم القدامك دول خونة خش اتصرف معاهم براحتك و زى منتا عاوز. الجزء الثالث: كما ذكر سابقا ان المتظاهرين بقالهم مدة هناك و محدش مركز معاهم بشكل عام, طيب فجأه يتم افتعال مشكلة و خطب شاب من وسطهم لتهييجهم, و بدلا من استجوابه تم ضربه بشكل قاسى و همجى متعمد لاظهار العنف (هناك نوع من الضرب العنيف و المقصود منه احداث الألم بدون احداث اصابات ظاهرة) و هو عكس الحالة هنا تماما فقد كان الغرض اظهار الاصابات بشكل بشع و من ثم ارجاعه الى المتظاهرين لتهييجهم على أعلى مستوى, و البدء بالاشتبكات. مشكلتنا مش فى الجيش أو الشرطة يا سادة, فدول معارفنا و اريبنا و أصحابنا, مشكلتنا فى قيادات الشرطة و الجيش االلها أهداف خاصة جدا (مش هحاول أفتى و أقولها) بس قد يكون أبسطها هو عدم التدخل فى ميزانية الجيش أو مراقبتها أو مراقبة تاريخها (و هو ما قد يظهر حجم العمولات السرية وتفاصيلها), الموضوع سياسيى بحت, و أعتقد أن المجلس العسكرى ليس من الغباء ان يكرر مثل هذه الغلطات الساذجة دون تعمد من قتل و سحل و تهييج لجموع معينة و بالتصوير, الا لو كان مبيت النية على هذا. و هو هنا يلعب بالنار و بالاعتماد على ولاء و خوف اللكثيرين للجيش و على عدم المساس أو سقوط هذه المنشأة (و هو حتى الأن ناجح الى حد كبير), و قد نسى المجلس العسكرى أو تناسى انهم مجرد موظفين ذو قيادات فى الدولة و فى الجيش أغلبهم ان لم يكن جميعهم قد عدى السن الرسمى للعمل أو التوظف داخل الدولة (60 عاما) و من السهل جدا و من المنطقى أن يخلفهم من يليهم فى المدرج الوظيفى و هو ما لن يؤثر على الجيش فى شىء (و ده الناس كتير مش فاهمينو مفيش حد ضد الجيش بس فى كتير ضد المجلس العسكرى و تنفيذه لأجيندته الخاصة). و هنا لابد من وقفة , الأول المجلس العسكرى كان بيلاعب الثوار بالشرطة لغاية ما بقت ورقة الشرطة محروقة جدا و أعتقد ان هوا خاف يستخدمهم تانى لأن القيادات الحالية و الضباط لن تسمح بدخولها معركة ثانية مع الشعب لصالح المجلس العسكرى لأن اللوم كلو فى الأخر بيجى على الشرطة و قيادتها ووضوح تخبط اراء و تصريحات منصور العيسوى انذاك, و زى ماقلت ان الجيش بيلعب بورقته الأخيرة و هو قوات الجيش نفسها, و هو ما قد يؤدى الى كارثة نظرا له: 1- عدم استعداد أو تأهيل أو تدريب أفراد الجيش على التعامل مع أفراد الشعب, و هذا ظاهر جدا فى رد فعلهم فهم يتعاملون فى فض الشغب و كأنهم يتعاملون مع العدو. 2- اعتقادى الخاص بعدم رضى الكثير من ضباط الجيش على قيادته و سياسته و هذا قد يؤدى بنا الى حالات انشقاق داخلية (و سعتها ربنا يلطف بنا جميعا). 3- تفاعل للشعب مع الأحداث و تدخله فى مواجهات كثيفة مع الجيش تؤدى الى انشقاق البلد نفسها و مواجهات عن جد دامية. طب ايه الحل: أعتقد من الصعب على أى حد اعطاء حلول ضامنة, لكن متهيألى لازم تبدأ باستقالة المجلس العسكرى مع وجود ضمانات كافية من عدم التحقيق معهم (سواء سياسيا او ماليا), و مظنش فيه حد يقدر يدى الضمانات ديه حاليا و بالتالى فالأمور فى تأزم. طب الجيش ليه اساسا بيعمل كده و بيشعلل الأمور: بردو الله أعلم و لكنى ممكن أجتهد, و هو نجاح قوى و استجابة شعبية للانتخبات و افرازها لقوى شعبية "الأخوان و رغم اعتراضى عليهم تماما لكن هما أقوى قوى منظمة حالية" و من الممكن تخوف المجلس العسكرى من هذه القوى بيريد ارباك الدولة و عملية الانتخبات حتى لا يصل لمرحلة تسليم السلطة قبل تأمين نفسه. الجيش هيخاف من الأخوان ليه: لأن فى البداية عمل غلطة كل من سبقوه (جمال عبد الناصر - السادات) بعمل حلف مع الأخوان للسيطرة على مجريات الأمور من خلال حليف قوى و عمل استفتاء الدستور, و سرعان ما تبدى له نهم الأخوان فى السلطة و هو ما قد جعله يخاف منه و البدء فى اجراءات تأمين (وثيقة السلمى) و تأخير عمليات الانتخاب, و هنا كشر الأخوان خاصة و الاسلاميين عامة عن أنيابهم و كانت جمعة مليونية ضد وثيقة السلمى, و هنا كان لابد من توقيف الأوضاع و الضغط على الأخوان لجرهم لمواجهات شوارع زى ما بيقولو و كانت أحداث شارع محمد محمود. (و هنا بردو و رغم اعتراضى على الأخوان و نهجهم الانتهازى فلم يستجيبوا و قعدوا فى البيوت يدعون للتهدئة) فكانت الانتخبات و مع ارتفاع رصيدهم بعكس المتوقع, كان لابد من احداث درامية أخرى لتأخير عملية سير الديمقراطية (و للمرة الثانية ظهرة نية الأخوان و الاسلاميين بعدم التدخل قيد أنملة فى الأحداث لرغبتهم فى استكمال الانتخبات). و هنا المجلس العسكرى ينفذ خططه الخاصة, و الأخوان و الاسلاميين يواجهونا بالصمت التام لاحساساهم بقرب استيلامهم مقاليد الأمور فى الدولة, و الضحية هو عامة الشعب و شباب الثورا البيتلعب بيهم من الجهتين, و طبعا لابد من الاعتراف باحتمالية وجود قوى خارجية أو داخلية بتساعد فى شعللة الأمور لصالح مين؟؟؟؟؟ "الله أعلم" و ربنا يستر فعلن.

اقروا الكلام دا كويس يا رب تفهموا حاجة - يا اخي والله لو حبيت اسيح دماغي واعملها كلام ما كنت حزود علي كلامك كلمة انت مسبتش حاجة بتلعب في دماغي من امبارح
واللي مش عاجبة الكلام وعنده راي تاني يجاوبني الاول عن الاسئله دي غير كده والله ما يستاهل حتي الكلام يتكتب قبل ما تجاوبوا علي الاسئلة دي

1- لية فترات الاستفزاز علي اي هيافات جت دلوقت قبل الانتخابات بفترة صغيرة مع ان قبل كده كان الحرص علي التهدئه حتي لو فية مصايب سودا؟؟؟
2- لما ضربت مصابي الثورة وحصلت احداث شارع محمد محمود النتيجة = ان المنطقة كانت هادية جيت انت بمنتهي الغباوة ولعتها ومكسبتش حاجة لية تكرار نفس التجربة وبنفس السيناريو العبيط مع ان انت اكتر حد في مصر فاهم يعني اية ادارة واستراتيجية؟؟؟
3- كنت فين لما المجمع العلمي اتحرق ؟؟ انا اقول دي كنا بنسحل بتوع التحرير - هو مش المجمع العلمي دا من ممتلكات الشعب المصري اللي مهمتك تحميها (دا بناء علي كلامك) ولا احنا فاهمين ممتلكات غلط
4- ليه المرادي جيش بس من غير شرطة ؟؟

كفاية عليكوا 4 اسئلة لما تجاوبني عليها واقتنع ابقوا اشتموا في المتظاهرين وقولوا عليهم اللي انتوا عايزينة وابقوا قولوا علي اختكوا اللي اتسحلت هي اية اللي نزلها

[TOOLA]

المشاركة الأصلية كتبت بواسطة مادا هو سوال محدش جاوب عليه ايحل كل الالغاز ده ... الناس اللى كانت معتصمه اكثر من شهر امام مجلس الوزارء كانت عاوزه ايه .. معتصمه من غير سبب .. مش عاوزه رئيس الوزارء يروح شغله ليه مع انها حكومه انتقاليه .. عاوزين يفرضوا واحد على الشعب ليه ادام مقتنعين بالديمقراطيه .. انا لغاية دلوقتى مش عارف هما عاوزين ايه بالضبط ياريت اللى بيدافع عنهم يقولوا هما معتصمين علشان ايه ويذكر الاسباب ........

بالرغم انى ابديت اعتراضى على الاعتصام فى مرحلة ما و بردو اعتراضى على منعهم دخول الجنزورى للمجلس, و طبعا انا مش ملم بكل أسبابهم, لكن الأعرفو ان اعتراضهم على الجنزورى عشان المجلس العسكرى هوا الجابوا كنوع من الصفقة, و اعتراضهم على المجلس العسكرى نفسو الكل يوم بيثبت تواطئه (رغم انى كنت مع فكرة يعض الكام شهر ده و يمشى, ) بس انتا لو قريت رأيى الشخصى فى الأحداث, الجيش هو أكبر مستفيد من وجودهم لأنو بيشعلل الأحداث وقت ميحب لأنه المستفيد الأكبر.

ثانيا احنا منعرفهومش شخصيا عشان ندافع عنهم, احنا بندافع عن مبدأ عدم التشويه و السحل و القتل, اقبض و حقق بشكل قانونى و المحكمة تبرأ أو تسجن, لكن انتا تبقى القاضى و الجلاد فى نفس الوقت مينفعش.

واضح؟؟؟؟؟؟؟؟؟؟؟؟

[jojojojojo]

المشاركة الأصلية كتبت بواسطة ahmad2 ما يحدث الآن هو مخطط يتم تنفيذة بكل خسه وحقاره بواسطة مجرمين محترفين ولن يهنأ لهم بال إلا بتنفيذ مخططاتهم وكل منهم يؤدي دورة كما كتب لة تماما . كل هذا لا يهم فالطبيعي أن يسعى أعدائنا للنيل من نجاحنا ولكن أن يكون لهؤلاء الخونة مؤيدين ومناصرين فتلك هي المصيبة . كيف أعطي لعدوي السلاح الذي يهزمني به بكل هذة السهولة؟؟؟؟ الجيش المصري العظيم أمام خيارات كلهم أصعب وأمر من بعضهم هل يستمر في سياسة ضبط النفس أمام كل هذا الاستفزاز الذي لا يتحملة حيوان بدون أدنى احساس بالكرامة ؟؟؟؟ وهل سيستطيع كبح جماح قواتة وأفرادة أمام الإهانات المستمرة؟؟؟؟؟ هل يعود الى ثكناتة وينسحب من المعركة مع قوى الشر ويترك البلطجية ومؤيديهم يفرضوا سيطرتهم ويترك الشرطة المصرية وحدها في مواجهتهم بعد أن بدأت تستعيد قوتها من جديد؟؟؟؟ هل يصمد ويتصدى لكل خائن وعميل وحقير ويفعل ما يملية علية ضميرة واحساسة بالمسئولية فيجد نفسة في مواجهة غير متكافئة مع إعلام قذر ومنحط متربص بة؟؟؟؟؟ يااااااارب لا إله إلا أنت سبحانك إني كنت من الظالمين

انا بحيك علي تعليقك ياريت كل الشباب تفهم زيك كده وتعرف ان فعلا مخطط واحنا بنساعدهم علي تحقيقه