استفسارات عام 2011

[vico79]

شكرا للجميع بس انا عاوز اعرف حاجة هو النسبة دى على سعر كام للسيارة
يعنى كيف يتم تقدير سعر السيارة

[melkobaby]

يوم 23/7 الساعة 2 الظهر وانا راجع من جمصة قبل كوبرى قليوب بحوالى 2كم دخلت اصلى الظهر فى مسجد كبير اسمه عمر بن الخطاب على الطريق مفيش ربع ساعة وخرجت مالقتش العربية طبعا كانت مقفولة كويس وكان فيها شنط السفر رحت متصل بالشرطة قالولى خليك مكانك لحد اما نجيلك وبالفعل جم بعد حوالى ساعة ونص ورحنا قسم قليوب وعملنا محضر.........وشكرا
رحت بعديها بيومين النيابة جبت صورة المحضر ووديتها التامين قالولى تيجى كل شهرين تجيب موقف التحريات لحد ماتصرف بعد 6 شهورووديت صورة تاني للبنك بس معرفش ممكن البنك يعمل ايه.
و طبعا اتصلت بكل حد ممكن يساعدنى ويتصل بالعصابة عشان اساومهم عليها بس للاسف محدش وصلهم.
ان عملت المضوع عشان لو حد يقدر يفيدنى فى موضوع التامين او البنك وبرده عشان الناس تحرص على عربيتها خصوصا بالقرب من قليوب لان العصابات شادة حيلها جامد هناك.
مواصفات السيارة يمكن حد يلاقيها:
اسبيرانزا 113 رصاصى غامق رقم جف 6928 موديل 2011 كراسى جلد رصاصى وراكب عليها شبكة والاكصدام الامامى مشروخ والخلفى مكسور.
اسف على الاطالة ونصيحة للى معاه نفس نوع العربية يعلى صوت الانذار.

[sherif fersh]

ربنا يرجعها على خير ...
قلبى معاك

[طارق ابوذيد]

ان لله وان اليه راجعون عليك بحمد الله حتى تكسب ثواب حمدك لله فى الشدائد وان شاء الله تلاقيها والله المستعان

[Mohamed Magdy]

ربنا يعوض عليك يا معلم ويسترها علينا يارب
السرقة بعد الثورة زادت بطريقة مستفزة
حاجة من 2
يا اما العربية راحت على فلسطين وهتدخل وتاخد نمر بنفس رقم الموتور والشاسية وعادى جدا جدا
يا اما العربية هتتفكك وتتباع قطع باغلى من ثمنها فى الوكالة
اعرف ناس كثير اتسرقت منهم عربيات ومش عارفين يجيبوها
والحمد لله ان التأمين بيشيل الليلة
مع انه فى وقت التقسيط بندفع فوق ثمنها لو العربية فى اول 3 سنين
الموضوع كبير قوى للاسف ولازم له حل
وربنا يعوض عليك ويارب تلاقيها ان شاء الله