لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

[teto king]

يا جماعه اولا شكرا على الردود
ثانيا انا روحت التوكيل وقالى هتكلف 300 جنيه ومش هينفع تتعمل على البارد علشان الخبطه جايه فى الطرف ( فى الانحناء بتاع الكبوت ده يعنى ) وبعدين رش كمان .. ايه رايكم فى الكلام دا؟
ممكن ابقى اروح توكيل تانى واجرب برده هيقول نفس الكلام ولا ممكن يقولى هينفع على البارد ؟؟ ..

[waelbaha]

المشاركة الأصلية كتبت بواسطة teto king يا جماعه اولا شكرا على الردود ثانيا انا روحت التوكيل وقالى هتكلف 300 جنيه ومش هينفع تتعمل على البارد علشان الخبطه جايه فى الطرف ( فى الانحناء بتاع الكبوت ده يعنى ) وبعدين رش كمان .. ايه رايكم فى الكلام دا؟ ممكن ابقى اروح توكيل تانى واجرب برده هيقول نفس الكلام ولا ممكن يقولى هينفع على البارد ؟؟ ..

ما انصحكش تروح لاي توكيل تاني لانك حتلاقي كلامهم كله واحد
انا عن نفسي مش حاصلحها لو عاوز رايي واسيبها كده
لكن لو مصمم تصلحها يبقى اسال مجرب وروح لواحد صنايعي محترم زي اللي بيقول عليه اخونا العزيز pharm45
طالما انه جربه وشغله طلع نظيف وعجبه يبقى اتوكل على الله وروح صلحها عنده ووفر فلوسك

[طارق ابوذيد]

قدر الله وما شاء فعل احمد الله على سلامتك .
والحمد لله الخبطه بسيطه جدا وممكن تعملها عند سمكرى نظيف ارخص من التوكيل بكثير
اما مين الغلطان فالمفروض لاقصى اليسار فقط مثلما كنت ماشى حضرتك ولكن من المعروف اذا شاهدت سياره كبيره الحجم وبتلف معاك اقف حتى لا يقفل عليه وعلى العموم هو درس ليك يا ريت تستفاد منه ومره ثانيه الف سلامه عليك

[pharm45]

300 جنيه ليه؟؟؟اسمع كلامى وعند اى حد برة نضيييف ب50 جنيه ومن غير رش وبتاع التوكيل اللى بيقولك متنفعش على البارد دول عاوزين يكسبوا وخلاص ... تتعمل مش هتاخد فى ايديه ربع ساعة واى عيل صبى عنده ممكن يعملها...اسمع كلامى وشوف حد كويس يظبطهالك هترج ان شاء الله فبريكة لانها مش جامدة اووى وكمان مفيش رش ..يعنى عشان تصلح حتة زى دى فى التوكيل متجيش 10/1 من الرفرف ترش الرفرف الفبريكة!!!!

[syd]

ربنا قدر ولطف .. والخبطة الحمد لله بسيطة جدا ..
المهم انك بخير .. ومن المواقف دي بنتعلم ...